ꠚꠣꠟꠖꠤꠀ ꠎꠤꠘꠤꠡꠣꠁꠘ꠆ꠔ ꠎꠣꠃꠇ꠆ꠇꠣ

ꠝꠥꠢꠣꠝ꠆ꠝꠣꠖ ꠀꠛꠖꠥꠟ ꠝꠣꠟꠦꠇ

<bdi>ꠃꠁꠇꠤꠙꠤꠒꠤꠀ</bdi> ꠕꠘꠦ

ꠝꠥꠚꠔꠤ ꠝꠥꠢꠣꠝ꠆ꠝꠣꠖ ꠀꠛꠖꠥꠟ ꠝꠣꠟꠦꠇ (ꠎꠘ꠆ꠝ: ২৯ ꠀꠉꠡ꠆ꠐ ১৯৬৯) ꠄꠈꠎꠘ ꠛꠣꠋꠟꠣꠖꠦꠡꠤ ꠢꠣꠖꠤꠍꠞ ꠀꠟꠤꠝ, ꠢꠣꠘꠣꠚꠤ ꠚꠇꠤꠢ ꠀꠞ ꠛꠣꠁꠔꠥꠟ ꠝꠥꠇꠣꠞꠞꠝ ꠎꠣꠔꠤꠅ ꠝꠡꠎꠤꠖꠞ ꠈꠔꠤꠛ। ꠁꠟꠝꠥꠟ ꠢꠣꠖꠤꠍ, ꠚꠤꠇꠣ꠆‌ꠢ ꠀꠞꠅ ꠛꠤꠜꠤꠘ꠆ꠘ ꠛꠤꠡꠄ ꠉꠛꠦꠡꠘꠣꠞ ꠟꠣꠉꠤ ꠔꠣꠁꠘ ꠃꠟꠣꠝꠣꠄ ꠇꠦꠞꠣꠝꠅꠈꠟꠞ ꠝꠣꠎꠦ ꠔꠣꠘꠞꠦ ꠘꠦꠔꠣꠞ ꠇꠣꠔꠣꠞꠧ ꠗꠞꠣ ꠅꠄ, ꠛꠣꠋꠟꠣꠖꠦꠡꠤ ꠀꠟꠦꠝ ꠅꠈꠟꠞ ꠝꠣꠎꠦ ꠔꠣꠘꠞꠦꠃ ꠄꠈꠘ ꠡꠛꠌꠦꠄ ꠛꠠ ꠀꠟꠦꠝ ꠝꠣꠘꠣ ꠅꠄ, ꠛꠃꠔꠞ ꠝꠔꠦ ꠔꠣꠁꠘ ꠛꠣꠋꠟꠣꠖꠦꠡꠞ ꠡꠛꠌꠦꠄ ꠛꠠ ꠝꠥꠚꠔꠤ।  ꠔꠣꠁꠘ ꠀꠛ꠆ꠖꠥꠞ ꠞꠡꠤꠖ ꠘꠥꠝꠣꠘꠤꠞ ꠈꠣꠍꠦ ꠔꠤꠘ ꠛꠍꠞ ꠃꠌ꠆ꠌꠔꠞ ꠢꠣꠖꠤꠍ ꠡꠣꠡ꠆ꠔ꠆ꠞ ꠀꠞ ꠔꠣꠇꠤ ꠃꠍꠝꠣꠘꠤꠞ ꠈꠣꠍꠦ ꠖꠥꠁ ꠛꠍꠞ ꠚꠤꠇꠢꠡꠣꠡ꠆ꠔ꠆ꠞ ꠚꠠꠣꠟꠦꠈꠣ ꠈꠞꠍꠁꠘ। ꠛꠣꠖꠦ ꠍꠃꠖꠤ ꠀꠞꠛ ꠀꠛ꠆ꠖꠥꠟ ꠚꠣꠔ꠆ꠔꠣꠢ ꠀꠛꠥ ꠉꠥꠖ꠆ꠖꠣꠢꠞ ꠅꠗꠤꠘꠦ ꠀꠠꠣꠁ ꠛꠍꠞ ꠢꠣꠖꠤꠍ ꠟꠁꠀ ꠉꠛꠦꠡꠘꠣ ꠈꠞꠍꠁꠘ। ১৯৯৮ ꠡꠣꠟ ꠔꠣꠘ ꠟꠦꠈꠣ ꠀꠟ ꠝꠣꠖꠈꠣꠟ ꠁꠟꠣ ꠃꠟꠥꠝꠤꠟ ꠢꠣꠖꠤꠍꠤꠡ ꠡꠞꠤꠚ ꠍꠣꠚꠣ ꠅꠄ, ꠁ ꠛꠁ ꠛꠤꠜꠤꠘ꠆ꠘ ꠖꠦꠡꠧꠞ ꠝꠣꠖ꠆ꠞꠣꠡꠣꠁꠘ꠆ꠔ ꠚꠠꠣꠞ ꠛꠁ ꠢꠤꠡꠣꠛꠦ ꠍꠤꠟꠦꠛꠣꠍ ꠅ ꠒꠥꠇꠣꠘꠤ ꠅꠄ। ꠔꠣꠁꠘ ১৯৯৬ ꠡꠣꠟ ꠍꠃꠖꠤ ꠕꠣꠇꠤ ꠖꠦꠡꠧ ꠀꠁꠀ ꠝꠣꠞꠇꠣꠎꠥꠖ ꠖꠣꠅꠀꠢ ꠀꠟ ꠁꠡꠟꠣꠝꠤꠀ ꠘꠣꠝꠦ ꠄꠇꠐꠣ ꠝꠣꠖ꠆ꠞꠣꠡꠣ ꠌꠣꠟꠥ ꠈꠞꠁꠘ, ꠛꠞ꠆ꠔꠝꠣꠘꠦ ꠔꠣꠁꠘ ꠁ ꠝꠣꠖ꠆ꠞꠣꠡꠣꠞ ꠡꠤꠇ꠆ꠇꠣꠡꠌꠤꠛ ꠀꠞ ꠃꠌ꠆ꠌꠔꠞ ꠢꠣꠖꠤꠍ ꠛꠤꠜꠣꠉꠞ ꠝꠦꠁꠘ ꠢꠥꠎꠥꠞ। ২০০৫ ꠡꠣꠟ ꠕꠣꠇꠤ ꠔꠣꠘ ꠅꠗꠤꠘꠦ ꠁ ꠝꠣꠖ꠆ꠞꠣꠡꠣ ꠕꠣꠇꠤ ꠀꠟ ꠇꠣꠃꠍꠣꠞ ꠘꠣꠝꠦ ꠄꠈꠐꠣ ꠝꠣꠡꠤꠇ ꠁꠍꠟꠣꠝꠤ ꠙꠔ꠆ꠞꠤꠇꠣ ꠍꠣꠚꠣ ꠅꠄ। ২০১২ ꠡꠣꠟ ꠔꠣꠁꠘ ꠛꠣꠋꠟꠣꠖꠦꠡ ꠇꠅꠝꠤ ꠝꠣꠖ꠆ꠞꠣꠡꠣ ꠡꠤꠇ꠆ꠇꠣ ꠇꠝꠤꠡꠘꠞ ꠡꠖꠡ ꠅꠁꠘ। ꠄꠞꠛꠣꠖꠦ ꠔꠣꠁꠘ ꠜꠣꠞꠔꠞ ꠁꠍꠟꠣꠝꠤ ꠚꠤꠇꠢ ꠄꠇꠣꠒꠦꠝꠤꠞ ꠅ ꠡꠖꠡ꠆।[1]

  1. https://web.archive.org/web/20221130003432/https://www.noor-book.com/%D9%83%D8%AA%D8%A7%D8%A8-%D9%83%D9%84%D9%85%D8%A7%D8%AA-%D8%B9%D9%86-%D8%A7%D8%AE%D8%A8%D8%A7%D8%B1-%D8%A7%D9%84%D8%B4%D9%8A%D8%AE-%D9%85%D8%AD%D9%85%D8%AF-%D8%B9%D8%A8%D8%AF-%D8%A7%D9%84%D9%85%D8%A7%D9%84%D9%83-%D8%A7%D9%84%D9%83%D9%85%D9%84%D8%A7%D8%A6%D9%8A-%D9%88%D8%A7%D9%87%D9%85-%D8%A7%D9%86%D8%AC%D8%A7%D8%B2%D8%A7%D8%AA%D9%87-pdf