ꦏꦸꦛꦔꦪꦺꦴꦒꦾꦏꦂꦠ
| ꦔꦪꦺꦴꦒꦾꦏꦂꦠ | |||
|---|---|---|---|
| ꦏꦸꦛ | |||
 ꦱꦏꦏꦶꦮꦤ꧀ꦝꦸꦮꦸꦂꦧꦚ꧀ꦗꦸꦂꦩꦺꦭꦸꦭꦏꦸꦤꦺꦢꦺꦴꦩ꧀ꦗꦩ꧀:ꦠꦸꦒꦸꦪꦺꦴꦒꦾꦏꦂꦠ꧈ꦏꦿꦠꦺꦴꦤ꧀ꦔꦪꦺꦴꦒꦾꦏꦂꦠꦲꦢꦺꦴꦤꦶꦁꦫꦠ꧀꧈ꦢꦭꦤ꧀ꦩꦭꦶꦪꦧꦫ꧈ꦈꦤꦶꦮ꦳ꦼꦂꦱꦶꦠꦱ꧀ꦒꦗꦃꦩꦢ꧈ꦧꦁꦆꦤ꧀ꦝꦺꦴꦤꦺꦱꦶꦪꦔꦪꦺꦴꦒꦾꦏꦂꦠ꧈ꦒꦺꦴꦭꦺꦏ꧀ꦲꦪꦸꦤ꧀ꦲꦪꦸꦤ꧀ | |||
| |||
| Peparab: ꦏꦸꦛꦥꦼꦭꦗꦂ꧈ꦏꦸꦛꦧꦸꦢꦪ꧈ꦏꦸꦛꦒꦸꦝꦼꦒ꧀ | |||
| Sesanti: ꦲꦩꦼꦩꦪꦸꦲꦪꦸꦤꦶꦁꦧꦮꦤ | |||
 ꦥꦼꦂꦤꦃꦲꦺꦲꦶꦁꦢꦲꦺꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ | |||
  ꦔꦪꦺꦴꦒꦾꦏꦂꦠ | |||
| Koordhinat: 7°48′5″S 110°21′52″E / 7.80139°S 110.36444°EKoordhinat: 7°48′5″S 110°21′52″E / 7.80139°S 110.36444°E | |||
| ꦤꦒꦫ |  ꦆꦤ꧀ꦝꦺꦴꦤꦺꦱꦶꦪ | ||
| ꦥꦿꦺꦴꦮ꦳ꦶꦤ꧀ꦱꦶ |  ꦢꦲꦺꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ | ||
| ꦏꦼꦩꦤ꧀ꦠꦿꦺꦤ꧀ | |||
| Pamaréntahan | |||
| • ꦮꦭꦶꦏꦸꦛ | ꦲꦂꦪꦢꦶꦱꦸꦪꦸꦠꦶ | ||
| • ꦮꦏꦶꦭ꧀ꦮꦭꦶꦏꦸꦛ | ꦲꦺꦫꦸꦥꦸꦂꦮꦢꦶ | ||
| Laladan | |||
| • ꦏꦸꦛ | 46 km2 (18 sq mi) | ||
| • Métro | 2.159,1 km2 (833,6 sq mi) | ||
| Élepasi | 113 m (371 ft) | ||
| Cacah warga (2016) | |||
| • ꦏꦸꦛ | 412.331 | ||
| • Pepadhet | 9,000/km2 (23,000/sq mi) | ||
| • Métro | 4.010.436 | ||
| • Pepadhet métro | 1,900/km2 (4,800/sq mi) | ||
| ꦝꦺꦩꦺꦴꦒꦿꦥ꦳ꦶ | |||
| • ꦄꦒꦩ[1] | ꦆꦱ꧀ꦭꦩ꧀ 83.22% ꦏꦠꦸꦭꦶꦏ꧀ 9.39% ꦥꦿꦺꦴꦠꦺꦱ꧀ꦠꦤ꧀ 6.26% ꦧꦸꦢ 0.29% ꦲꦶꦤ꧀ꦝꦸ 0.20% ꦏꦺꦴꦁꦲꦸꦕꦸ 0.02% ꦭꦶꦪꦤꦺ 0.01% | ||
| Zona wektu | WIK (UTC+7) | ||
| ꦏꦺꦴꦝꦼꦭꦭꦢꦤ꧀ | (+62) 274 | ||
| Plat montor | AB (ꦄꦧ) | ||
| ꦲꦢꦆ |  0.837 (Dhuwur banget)
| ||
| Situs wèb | www | ||
꧋ꦏꦸꦛꦔꦪꦺꦴꦒꦾꦏꦂꦠꦲꦸꦠꦮꦕꦼꦏꦏ꧀ꦏꦺꦏꦸꦛꦪꦺꦴꦒꦾꦲꦶꦏꦸꦏꦸꦛꦏꦿꦗꦤ꧀ꦢꦲꦺꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧉ꦏꦸꦛꦲꦶꦏꦶꦤꦠꦺꦢꦢꦶꦏꦸꦛꦏꦿꦗꦤ꧀ꦆꦤ꧀ꦝꦺꦴꦤꦺꦱꦶꦪꦲꦶꦁꦗꦩꦤ꧀ꦫꦺꦮ꦳ꦺꦴꦭꦸꦱꦶ꧉ꦏꦗꦧꦲꦶꦏꦸꦏꦸꦛꦲꦶꦏꦶꦩꦶꦤꦁꦏꦏꦸꦛꦏꦿꦗꦤ꧀ꦢꦲꦺꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ꧈ꦏꦁꦢꦶꦥꦁꦒꦺꦝꦺꦤꦶꦢꦺꦤꦶꦁꦱꦿꦶꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤ꧇꧑꧐꧇ꦭꦤ꧀ꦱꦿꦶꦥꦢꦸꦏꦥꦏꦸꦄꦭꦩ꧀꧇꧑꧐꧇꧉ꦔꦪꦺꦴꦒꦾꦏꦂꦠꦏꦭꦺꦴꦏꦩꦶꦤꦁꦏꦏꦸꦛꦥꦺꦭꦗꦂ꧈ꦲꦩꦂꦒꦲꦩꦺꦃ꧇꧒꧐꧇%ꦏꦁꦤ꧀ꦢꦸꦤꦸꦔꦶꦥꦿꦺꦴꦢꦸꦏ꧀ꦠꦶꦥ꦳ꦺꦮꦸꦗꦸꦢ꧀ꦥꦼꦭꦗꦂꦭꦤ꧀ꦲꦤ꧇꧑꧓꧗꧇ꦥꦮꦶꦪꦠꦤ꧀ꦭꦸꦲꦸꦂ꧉ꦥꦮꦶꦪꦠꦤ꧀ꦭꦸꦲꦸꦂꦏꦁꦢꦶꦢꦸꦮꦺꦤꦶꦥꦩꦫꦺꦤ꧀ꦠꦃꦲꦤ꧀ꦠꦫꦤꦺꦈꦤꦶꦮ꦳ꦼꦂꦱꦶꦠꦱ꧀ꦒꦗꦃꦩꦢ꧈ꦈꦤꦶꦮ꦳ꦼꦂꦱꦶꦠꦱ꧀ꦤꦼꦒꦼꦫꦶꦪꦺꦴꦒꦾꦏꦂꦠ꧈ꦆꦤ꧀ꦱ꧀ꦠꦶꦠꦸꦠ꧀ꦱꦺꦤꦶꦆꦤ꧀ꦝꦺꦴꦤꦺꦱꦶꦪꦪꦺꦴꦒꦾꦏꦂꦠꦭꦤ꧀ꦈꦤꦶꦮ꦳ꦼꦂꦱꦶꦠꦱ꧀ꦆꦱ꧀ꦭꦩ꧀ꦤꦼꦒꦼꦫꦶꦱꦸꦤꦤ꧀ꦏꦭꦶꦗꦒ꧉
꧋ꦥꦺꦫꦔꦤ꧀ꦱꦏꦏꦸꦛꦔꦪꦺꦴꦒꦾꦏꦂꦠ꧈ꦪꦲꦶꦏꦸꦏꦸꦛꦒꦺꦝꦺ꧈ꦠꦲꦸꦢꦢꦶꦥꦸꦚ꧀ꦗꦺꦂꦏꦱꦸꦭ꧀ꦠꦤꦤ꧀ꦩꦠꦫꦩ꧀ꦲꦤ꧀ꦠꦫ꧇꧑꧕꧗꧕꧇-꧇꧑꧖꧔꧐꧇꧉ꦏꦿꦠꦺꦴꦤ꧀(ꦥꦸꦫ)ꦱꦸꦭ꧀ꦠꦤ꧀ꦏꦁꦲꦶꦱꦶꦃꦢꦸꦮꦺꦥ꦳ꦸꦁꦱꦶꦱꦗꦺꦫꦺꦴꦤꦶꦁꦩꦏ꧀ꦤꦏꦁꦱꦏ꧀ꦧꦺꦤꦺꦫꦺꦪꦲꦶꦏꦸꦏꦿꦠꦺꦴꦤ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧀ꦏꦱꦸꦭ꧀ꦠꦤꦤ꧀ꦔꦪꦺꦴꦒꦾꦏꦂꦠ꧈ꦏꦁꦢꦢꦶꦥꦺꦕꦲꦤ꧀ꦱꦏꦩꦠꦫꦩ꧀꧉
ꦱꦗꦫꦃ
[besut | besut sumber]꧋ꦩꦢꦼꦒ꧀ꦒꦺꦏꦸꦛꦔꦪꦺꦴꦒꦾꦏꦂꦠꦢꦶꦮꦶꦮꦶꦠ꧀ꦠꦶꦏꦤ꧀ꦛꦶꦲꦤꦤꦺꦥꦿꦗꦚ꧀ꦗꦺꦤ꧀ꦒꦶꦪꦤ꧀ꦠꦶꦲꦶꦁꦠꦁꦒꦭ꧀꧇꧑꧓꧇ꦥ꦳ꦺꦧꦿꦸꦮꦫꦶ꧇꧑꧗꧕꧕꧇ꦏꦁꦢꦶꦠꦤ꧀ꦢꦠꦔꦤꦶꦏꦺꦴꦩ꧀ꦥꦺꦤꦶꦮꦭꦤ꧀ꦝꦪꦲꦶꦏꦸꦢꦺꦤꦶꦁꦒꦼꦧꦺꦂꦤꦸꦂꦤꦶꦏꦺꦴꦭꦱ꧀ꦲꦂꦠꦶꦁꦩꦏꦶꦭꦶꦒꦸꦧꦼꦂꦤꦸꦂꦗꦺꦤ꧀ꦢꦿꦭ꧀ꦗꦕꦺꦴꦧ꧀ꦩꦺꦴꦱ꧀ꦱꦺꦭ꧀꧉ꦲꦶꦱꦶꦥꦿꦗꦚ꧀ꦗꦶꦪꦤ꧀ꦒꦶꦪꦤ꧀ꦠꦶꦲꦶꦏꦸꦩꦲꦸ꧇ꦤꦒꦫꦩꦠꦫꦩ꧀ꦢꦶꦥꦺꦫꦁꦢꦢꦶꦭꦺꦴꦫꦺꦴ꧇ꦱꦼꦠꦼꦔꦃꦲꦶꦱꦶꦃꦢꦢꦶꦲꦏ꧀ꦏꦿꦗꦤ꧀ꦱꦸꦫꦏꦂꦠ꧈ꦱꦼꦠꦼꦔꦃꦭꦶꦪꦤꦺꦢꦢꦶꦲꦏ꧀ꦥꦔꦺꦫꦤ꧀ꦩꦁꦏꦸꦧꦸꦩꦶ꧉ꦱꦗꦼꦫꦺꦴꦤꦶꦁꦥꦿꦺꦗꦚ꧀ꦗꦺꦤ꧀ꦩꦲꦸꦲꦸꦒꦥꦺꦔꦺꦫꦤ꧀ꦩꦁꦏꦸꦧꦸꦩꦶꦢꦶꦲꦏꦺꦴꦤꦶꦢꦢꦶꦫꦗꦲꦶꦁꦱꦺꦠꦺꦔꦃꦭꦭꦢꦤ꧀ꦥꦼꦢꦭꦩ꧀ꦩꦤ꧀ꦏꦿꦗꦤ꧀ꦗꦮꦏꦤ꧀ꦛꦶꦒꦼꦭꦂꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤꦱꦺꦤꦥꦠꦶꦆꦁꦔꦭꦒꦔꦧ꧀ꦢꦸꦭ꧀ꦫꦏ꧀ꦩꦤ꧀ꦱꦪꦶꦢꦶꦤ꧀ꦥꦤꦠꦒꦩꦏ꦳ꦭꦶꦥ꦳ꦠꦸꦭ꧀ꦭꦃ꧉
꧋ꦢꦺꦤꦺꦭꦭꦢꦤ꧀ꦭꦭꦢꦤ꧀ꦏꦁꦢꦢꦶꦏꦏꦸꦮꦱꦤ꧀ꦤꦺꦪꦲꦶꦏꦸꦩꦠꦫꦩ꧀(ꦔꦪꦺꦴꦒꦾꦏꦂꦠ)꧈ꦥꦺꦴꦗꦺꦴꦁ꧈ꦱꦸꦏꦮꦠꦶ꧈ꦧꦒꦺꦭꦺꦤ꧀꧈ꦏꦼꦝꦸ꧈ꦧꦸꦩꦶꦒꦼꦝꦺꦭꦤ꧀ꦢꦶꦠꦩ꧀ꦧꦃꦭꦭꦢꦤ꧀ꦩꦚ꧀ꦕꦤꦒꦫꦪꦲꦶꦏꦸ;ꦩꦢꦶꦪꦸꦤ꧀꧈ꦩꦒꦺꦠꦤ꧀꧈ꦕꦶꦉꦧꦺꦴꦤ꧀꧈ꦱꦥꦫꦺꦴꦥꦕꦶꦠꦤ꧀꧈ꦏꦂꦠꦱꦸꦫ꧈ꦏꦭꦁꦧꦿꦺꦠ꧀꧈ꦠꦸꦭꦸꦔꦒꦸꦁ꧈ꦩꦗꦏꦺꦂꦠ꧈ꦧꦺꦴꦗꦤꦺꦒꦫ꧈ꦔꦮꦺꦤ꧀꧈ꦱꦺꦭ꧈ꦏꦸꦮꦸ꧈ꦮꦤꦱꦫꦶ꧈ꦒꦿꦺꦴꦧꦺꦴꦒꦤ꧀꧉
꧋ꦱꦮꦶꦱ꧀ꦱꦺꦫꦩ꧀ꦥꦸꦁꦥꦿꦗꦚ꧀ꦗꦶꦪꦤ꧀ꦥꦺꦩ꧀ꦧꦒꦺꦪꦤ꧀ꦭꦭꦢꦤ꧀ꦲꦶꦏꦸ꧈ꦥꦺꦔꦺꦫꦤ꧀ꦩꦁꦏꦸꦧꦸꦩꦶꦏꦁꦏꦮꦱ꧀ꦠꦤꦤ꧀ꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤ꧇꧑꧇ꦱꦶꦒꦿꦔꦸꦏꦸꦃꦲꦏꦺꦪꦺꦤ꧀ꦭꦭꦢꦤ꧀ꦩꦠꦫꦩ꧀ꦏꦁꦲꦤꦲꦶꦁꦱꦗꦼꦫꦺꦴꦤꦶꦁꦏꦏꦸꦮꦱꦤ꧀ꦤꦺꦲꦶꦏꦸꦢꦶꦗꦼꦤꦼꦁꦔꦶꦔꦪꦺꦴꦒꦾꦏꦂꦠꦲꦢꦶꦤꦶꦔꦿꦠ꧀ꦭꦤ꧀ꦏꦸꦛꦏꦿꦗꦤ꧀ꦤꦺꦲꦶꦁꦔꦪꦺꦴꦒꦾꦏꦂꦠ꧉ꦏꦠꦼꦠꦼꦥ꧀ꦥꦤ꧀ꦲꦶꦏꦶꦢꦶꦪꦸꦩꦸꦩ꧀ꦩꦏꦺꦲꦶꦁꦠꦁꦒꦭ꧀꧇꧑꧓꧇ꦩꦉꦠ꧀꧇꧑꧗꧕꧕꧇꧉
꧋ꦥꦁꦒꦺꦴꦤ꧀ꦤꦤ꧀ꦏꦁꦢꦶꦥꦶꦭꦶꦃꦢꦢꦶꦏꦸꦛꦏꦿꦗꦤ꧀ꦭꦤ꧀ꦥꦸꦚ꧀ꦗꦼꦂꦥꦥꦿꦺꦤ꧀ꦠꦃꦲꦤ꧀ꦲꦶꦏꦶꦪꦲꦶꦏꦸꦲꦭꦱ꧀ꦏꦁꦲꦶꦔꦫꦤ꧀ꦧꦼꦫꦶꦔꦶꦤ꧀꧈ꦏꦁꦮꦶꦱ꧀ꦲꦤꦢꦺꦱꦕꦶꦭꦶꦏ꧀ꦏꦺꦪꦲꦶꦏꦸꦥꦕꦼꦠꦺꦴꦏꦤ꧀꧈ꦭꦤ꧀ꦲꦤꦱꦮꦶꦗꦶꦤꦶꦁꦥꦱꦁꦒꦿꦃꦲꦤ꧀ꦏꦁꦗꦼꦤꦼꦁꦔꦺꦒꦂꦗꦶꦠꦮꦠꦶ꧈ꦏꦁꦢꦶꦪꦱꦢꦺꦤꦶꦁꦱꦸꦱꦸꦲꦸꦤꦤ꧀ꦥꦏꦸꦧꦸꦮꦤ꧇꧒꧇ꦭꦤ꧀ꦗꦼꦤꦼꦁꦔꦺꦧꦚ꧀ꦗꦸꦂꦢꦶꦪꦺꦴꦮꦃꦲꦶꦢꦢꦶꦄꦪꦺꦴꦢꦾ꧉ꦱꦮꦶꦱ꧀ꦱꦺꦥꦤꦼꦠꦼꦥ꧀ꦥꦤ꧀ꦩꦲꦸꦢꦶꦮꦺꦝꦫꦏꦺ꧈ꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤꦱꦶꦒꦿꦩꦿꦶꦤ꧀ꦠꦃꦲꦏꦺꦩꦫꦁꦫꦏꦾꦠ꧀ꦱꦸꦥꦪꦩ꧀ꦧꦧꦢ꧀ꦲꦭꦱ꧀ꦩꦲꦸꦏꦁꦒꦺꦴꦢꦶꦪꦢꦼꦒ꧀ꦒꦏꦺꦱꦮꦶꦗꦶꦤꦶꦁꦏꦫꦠꦺꦴꦤ꧀꧉
꧋ꦱꦢꦸꦫꦸꦁꦔꦺꦏꦫꦠꦺꦴꦤ꧀ꦲꦶꦏꦸꦢꦢꦶ꧈ꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤ꧇꧑꧇ꦔꦼꦂꦱꦏꦏꦺꦩꦁꦒꦺꦴꦤ꧀ꦲꦶꦁꦥꦱꦁꦒꦿꦃꦲꦤ꧀ꦄꦩ꧀ꦧꦂꦏꦼꦠꦮꦁꦭꦭꦢꦤ꧀ꦒꦩ꧀ꦥꦶꦁ꧈ꦏꦁꦥꦶꦤꦸꦗꦸꦢꦶꦒꦮꦺꦲꦸꦒ꧉ꦩꦁꦒꦺꦴꦤ꧀ꦏꦤ꧀ꦛꦶꦫꦺꦱ꧀ꦩꦶꦲꦶꦁꦥꦥꦤ꧀ꦩꦲꦸꦪꦲꦶꦏꦸꦠꦁꦒꦭ꧀꧇꧙꧇ꦎꦏ꧀ꦠꦺꦴꦧꦼꦂ꧇꧑꧗꧕꧕꧇꧉ꦱꦏꦥꦥꦤ꧀ꦲꦶꦏꦶꦥꦚ꧀ꦗꦼꦤꦼꦔꦤ꧀ꦤꦺꦠꦤ꧀ꦱꦃꦔꦮꦱ꧀ꦱꦶꦭꦤ꧀ꦔꦠꦸꦂꦥꦔꦾꦱꦏꦿꦠꦺꦴꦤ꧀ꦏꦁꦥꦶꦤꦸꦗꦸꦢꦶꦒꦫꦥ꧀꧉
꧋ꦱꦼꦠꦲꦸꦤ꧀ꦱꦧꦚ꧀ꦗꦸꦂꦫꦺꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤ꧇꧑꧇ꦔꦼꦂꦱꦏꦏꦺꦭꦸꦩꦼꦧꦸꦥꦸꦫꦲꦪꦂꦏꦁꦒꦺꦴꦔꦽꦱ꧀ꦩꦺꦏꦏꦺ꧉ꦏꦤ꧀ꦛꦶꦩꦁꦏꦺꦴꦤꦺꦴꦮꦶꦱ꧀ꦩꦢꦼꦒ꧀ꦏꦸꦛꦔꦪꦺꦴꦒꦾꦏꦂꦠꦲꦸꦠꦮꦏꦤ꧀ꦛꦶꦗꦼꦤꦼꦁꦮꦸꦠꦸꦃꦪꦲꦶꦏꦸꦤꦒꦫꦶꦔꦪꦺꦴꦒꦾꦏꦂꦠꦲꦢꦶꦤꦶꦔꦿꦠ꧀꧉ꦥꦱꦁꦒꦿꦃꦲꦤ꧀ꦄꦩ꧀ꦧꦂꦏꦼꦠꦮꦁꦢꦶꦠꦶꦁꦒꦭ꧀ꦢꦺꦤꦶꦁꦱꦸꦭ꧀ꦠꦤ꧀ꦲꦩꦺꦁꦏꦸꦧꦸꦮꦤꦭꦤ꧀ꦥꦶꦤ꧀ꦝꦃꦩꦼꦚꦁꦏꦫꦠꦺꦴꦤ꧀ꦏꦁꦲꦚꦂ꧉ꦥꦲꦂꦒꦤ꧀ꦗꦸꦩꦼꦤꦼꦔꦶꦁꦏꦸꦛꦢꦶꦒꦺꦭꦂꦲꦶꦁꦠꦁꦒꦭ꧀꧇꧗꧇ꦎꦏ꧀ꦠꦺꦴꦧꦼꦂ꧇꧑꧗꧕꧖[2]
ꦒꦺꦪꦺꦴꦒꦿꦥ꦳ꦶ
[besut | besut sumber]꧋ꦏꦸꦛꦔꦪꦺꦴꦒꦾꦏꦂꦠꦢꦸꦩꦸꦤꦸꦁꦲꦶꦁꦠꦼꦔꦃꦲꦶꦁꦥꦿꦺꦴꦮ꦳ꦶꦤ꧀ꦱꦶꦢꦆꦪ꧈ꦏꦤ꧀ꦛꦶꦮꦠꦼꦱ꧀ꦮꦼꦮꦼꦁꦏꦺꦴꦤ꧀:
- ꦱꦶꦱꦶꦃꦭꦺꦴꦂ: ꦏꦧꦸꦥꦠꦺꦤ꧀ꦱ꧀ꦭꦺꦩꦤ꧀
- ꦱꦶꦱꦶꦃꦮꦺꦠꦤ꧀: ꦏꦧꦸꦥꦠꦺꦤ꧀ꦧꦤ꧀ꦠꦸꦭ꧀ꦭꦤ꧀ꦏꦧꦸꦥꦠꦺꦤ꧀ꦱ꧀ꦭꦺꦩꦤ꧀
- ꦱꦶꦱꦶꦃꦏꦶꦢꦸꦭ꧀: ꦏꦧꦸꦥꦠꦺꦤ꧀ꦧꦤ꧀ꦠꦸꦭ꧀
- ꦱꦶꦱꦶꦃꦏꦸꦭꦺꦴꦤ꧀: ꦏꦧꦸꦥꦠꦺꦤ꧀ꦧꦤ꧀ꦠꦸꦭ꧀ꦭꦤ꧀ꦏꦧꦸꦥꦠꦺꦤ꧀ꦱ꧀ꦭꦺꦩꦤ꧀
꧋ꦮꦼꦮꦼꦁꦏꦺꦴꦤ꧀ꦏꦸꦛꦔꦪꦺꦴꦒꦾꦏꦂꦠꦒꦸꦩꦼꦭꦂꦲꦶꦁꦲꦤ꧀ꦠꦫꦤꦺ110° 24′ 19″ꦔꦤ꧀ꦠꦶ110° 28′ 53″ꦧꦸꦗꦸꦂꦮꦺꦠꦤ꧀ꦭꦤ꧀7° 15′ 24″ꦔꦤ꧀ꦠꦶ7° 49′ 26″ꦭꦶꦤ꧀ꦠꦁꦏꦶꦢꦸꦭ꧀ꦏꦤ꧀ꦛꦶꦝꦸꦮꦸꦂꦫꦶꦁꦌꦭꦺꦮ꦳ꦱꦶꦫꦠꦫꦠ꧇꧑꧑꧔꧇ꦩꦱꦝꦸꦮꦸꦂꦫꦺꦭꦸꦩꦃꦲꦶꦁꦱꦒꦫ꧉[3]ꦭꦸꦮꦱ꧀ꦮꦶꦭꦪꦃꦏꦸꦛꦪꦺꦴꦒꦾꦏꦂꦠꦲꦶꦏꦸ꧇꧓꧒꧇꧈꧇꧔꧇ ꦏꦩ²[4]
ꦥꦥꦿꦺꦤ꧀ꦠꦃꦲꦤ꧀
[besut | besut sumber]꧋ꦏꦸꦛꦔꦪꦺꦴꦒꦾꦏꦂꦠꦏꦠꦠꦕꦕꦃ꧇꧑꧔꧇ꦏꦼꦩꦤ꧀ꦠꦿꦺꦤ꧀꧉ꦏꦼꦩꦤ꧀ꦠꦿꦺꦤ꧀ꦏꦼꦩꦤ꧀ꦠꦿꦺꦤ꧀ꦲꦶꦁꦏꦸꦛꦔꦪꦺꦴꦒꦾꦏꦂꦠꦏꦱꦼꦧꦸꦠ꧀ꦪꦲꦶꦏꦸ:
- ꦠꦼꦒꦭ꧀ꦉꦗ
- ꦗꦼꦠꦶꦱ꧀
- ꦒꦤ꧀ꦢꦏꦸꦱꦸꦩꦤ꧀
- ꦢꦤꦻꦴꦉꦗꦤ꧀
- ꦒꦼꦝꦺꦴꦁꦠꦼꦔꦼꦤ꧀
- ꦔꦩ꧀ꦥꦶꦭꦤ꧀
- ꦮꦶꦫꦧꦿꦗꦤ꧀
- ꦩꦤ꧀ꦠꦿꦶꦗꦼꦫꦺꦴꦤ꧀
- ꦏꦿꦠꦺꦴꦤ꧀
- ꦒꦤ꧀ꦢꦩꦤꦤ꧀
- ꦥꦏꦸꦲꦭꦩꦤ꧀
- ꦩꦼꦂꦒꦁꦱꦤ꧀
- ꦲꦸꦩ꧀ꦧꦸꦭ꧀ꦲꦂꦗ
- ꦏꦸꦛꦒꦼꦝꦺ
ꦮꦭꦶꦏꦸꦛꦪꦺꦴꦒꦾꦏꦂꦠ
[besut | besut sumber]| ꦤꦺꦴ | ꦮꦭꦶꦏꦸꦛ | ꦩꦁꦱꦠꦸꦒꦱ꧀ |
|---|---|---|
| 1 | ꦩ꧉ꦌꦤꦺꦴꦏ꦳꧀ | ꦩꦺꦲꦶ꧇꧑꧙꧔꧗꧇-ꦗꦸꦭꦶ꧇꧑꧙꧔꧗꧇ |
| 2 | ꦩꦂ꧉ꦱꦸꦢꦫꦶꦱ꧀ꦩꦤ꧀ꦥꦸꦂꦮꦏꦸꦱꦸꦩ | ꦗꦸꦭꦶ꧇꧑꧙꧔꧗꧇-ꦗꦤꦸꦮꦫꦶ꧇꧑꧙꧖꧖꧇ |
| 3 | ꦱꦸꦗꦤꦄ꧉ꦪ꧉ | ꦗꦤꦸꦮꦫꦶ꧇꧑꧙꧖꧖꧇-ꦤꦺꦴꦮ꦳ꦺꦩ꧀ꦧꦼꦂ꧇꧑꧙꧗꧕꧇ |
| 4 | ꦲ꧉ꦄꦃꦩꦢ꧀ | ꦤꦺꦴꦮ꦳ꦺꦩ꧀ꦧꦼꦂ꧇꧑꧙꧗꧕꧇-ꦩꦺꦲꦶ꧇꧑꧙꧘꧑꧇ |
| 5 | ꦱꦸꦒꦶꦪꦂꦠ | ꧇꧑꧙꧘꧑꧇-꧇꧑꧙꧘꧖꧇ |
| 6 | ꦗꦠ꧀ꦩꦶꦏꦢ | ꧇꧑꧙꧘꧑꧇/ꦗꦸꦤꦶ꧇꧑꧙꧙꧑꧇ |
| 7&8 | ꦫ꧉ꦮꦶꦢꦒ꧀ꦢꦺꦴ | ꧇꧑꧙꧙꧑꧇-꧇꧒꧐꧐꧑꧇ |
| 9 | ꦲꦺꦂꦫꦶꦗ꦳ꦸꦢꦶꦪꦤ꧀ꦠ | ꧇꧒꧐꧐꧑꧇-꧇꧒꧐꧐꧖꧇ |
| 10 | ꦲꦺꦂꦫꦶꦗ꦳ꦸꦢꦶꦪꦤ꧀ꦠ | ꧇꧒꧐꧐꧖꧇-꧇꧒꧐꧑꧑꧇ |
| 11 | ꦲꦂꦪꦢꦶꦱꦸꦪꦸꦠꦶ | ꧇꧒꧐꧑꧑꧇-꧇꧒꧐꧑꧖꧇ |
| 12 | ꦱꦸꦭꦶꦱ꧀ꦠꦾ (ꦥꦼꦚ꧀ꦗꦧꦠ꧀) |
꧇꧒꧐꧇ꦝꦺꦱꦺꦩ꧀ꦧꦼꦂ꧇꧒꧐꧑꧖꧇-꧇꧒꧒꧇ꦩꦺꦲꦶ꧇꧒꧐꧑꧗꧇ |
| 13 | ꦲꦂꦪꦢꦶꦱꦸꦪꦸꦠꦶ | ꧇꧒꧒꧇ꦩꦺꦲꦶ꧇꧒꧐꧑꧗꧇-꧇꧒꧒꧇ꦩꦺꦲꦶ꧇꧒꧐꧒꧒꧇ |
| 14 | ꦱꦸꦩꦢꦶ (ꦥꦼꦚ꧀ꦗꦧꦠ꧀) |
꧇꧒꧒꧇ꦩꦺꦲꦶ꧇꧒꧐꧒꧒꧇-꧇꧒꧒꧇ꦩꦺꦲꦶ꧇꧒꧐꧒꧓꧇ |
| 15 | ꦱꦶꦁꦒꦶꦃꦫꦲꦂꦗ (ꦥꦼꦚ꧀ꦗꦧꦠ꧀) |
꧇꧒꧒꧇ꦩꦺꦲꦶ꧇꧒꧐꧒꧓꧇-ꦱꦲꦶꦏꦶ |
ꦏꦸꦛꦏꦼꦩ꧀ꦧꦂ
[besut | besut sumber]
ꦫꦸꦗꦸꦏ꧀ꦏꦤ꧀
[besut | besut sumber]- ↑ Data Sensus Penduduk 2010 - Badan Pusat Statistik Republik Indonesia <http://sp2010.bps.go.id/index.php/site/tabel?tid=321&wid=3400000000&lang=id>
- ↑ ꦱꦗꦫꦃꦏꦸꦛꦔꦪꦺꦴꦒꦾꦏꦂꦠꦲꦶꦁꦱꦶꦠꦸꦱ꧀ꦉꦱ꧀ꦩꦶ
- ↑ ꦢꦠꦒꦺꦪꦺꦴꦒꦿꦥ꦳ꦶꦱ꧀ꦏꦸꦛꦔꦪꦺꦴꦒꦾꦏꦂꦠꦲꦶꦁꦱꦶꦠꦸꦱ꧀ꦉꦱ꧀ꦩꦶꦏꦸꦛꦔꦪꦺꦴꦒꦾꦏꦂꦠ
- ↑ ꦏꦸꦛꦔꦪꦺꦴꦒꦾꦏꦂꦠ, ꦄꦢ꧀ꦩꦶꦤ꧀. "ꦏꦲꦤꦤ꧀ꦒꦺꦪꦺꦴꦒꦿꦥ꦳ꦶ" (PDF). Dibukak ing 2021-10-11.[pranala mati permanèn]
ꦢꦼꦊꦁꦲꦸꦒ
[besut | besut sumber]ꦥꦿꦤꦭꦚ꧀ꦗꦧ
[besut | besut sumber]- ꦱꦶꦠꦸꦱ꧀ꦮꦺꦧ꧀ꦉꦱ꧀ꦩꦶ Archived 2009-03-16 at the Wayback Machine.
- Jogja.com
- Ada Apa di Jogja?
- ꦢꦶꦫꦺꦏ꧀ꦠꦺꦴꦫꦶꦆꦤ꧀ꦥ꦳ꦺꦴꦏꦸꦛꦔꦪꦺꦴꦒꦾꦏꦂꦠ
- ꦮꦶꦱꦠꦗꦺꦴꦒ꧀ꦗ/ꦪꦺꦴꦒꦾꦏꦂꦠ
- Unofficial Site Of Jogja City Archived 2018-02-11 at the Wayback Machine.
| Kemantren |  | |
|---|---|---|
Pusat pamaréntahan: Kutha Ngayogyakarta | ||
| Kabupatèn |  | |
| Kutha | ||