Adolf

Adolf, pe Adolph a-wechoù, zo un anv-bihan alamanek, brezhonek, katalanek, islandek, finnek, hungarek, nederlandek ha norvegek. E kalz broioù eus ar C'hornôg, ral-tre e deuet da vezañ abaoe fin an eil Brezel Bed abalamour da Adolf Hitler.

Dont a ra eus an anv Athalwolf (pe Hadulf), savet gant ar gêrioù kent-germanek athal pe adal (« nobl ») ha wolf (« bleiz »), o talvezhout « bleiz nobl » eta. An anv angl-ha-saoz Æthelwulf (ivez Eadulf pe Eadwulf) zo un anv par dezhañ.

Ar stummoù gwregel Adolphine hag Adolpha zo dibaot.

Yezhoù all

• Adolfo, en italianeg ha spagnoleg
• Adolphe e galleg
• Adolphus e latin ha saozneg
• Ādolfs e latveg
• Adolfas e lituaneg

Tud

Impalaerien ha rouaned

• Adolf von Nassau, impalaer santel german roman (war-dro 1255 † 1298),
• Adolf Fredrik (1710-1771), roue Sveden en XVIII^vet kantved

Adolf

• Adolf Fredrik Munck (1749-1831), denjentil svedat, kelenner d'ar roue Gustav III
• Adolf Anderssen (1818-1879), echedour alaman
• Adolf Bernhard Meyer (1840-1911), antropologour ha naturour alaman
• Adolf Wölfli (1864-1930), arzour suis
• Adolf Loos (1870-1933), tisavour aostrian
• Adolf Hitler (1889-1945), politikour ha diktatour alaman a orin aostrian
• "Adi" Dassler (1900-1978), den a afer alaman, diazezer embregerezh Adidas
• Adolf Eichmann (1906-1962), kargiad nazi alaman hag aostrian, torfedour a vrezel
• Adolf Galland (1912-1966), as eus al Luftwaffe
• Adolf Lu Hitler Marak (g. e 1948), politikour indian
• Adolf Hitler Uunona (g. tro 1956, 1965 pe 1966), politikour namibian

Adolph

• Karl Adolph Gjellerup (1857-1919), skrivagner danek
• Adolph Marx (1888–1961), gwir anv Harpo Marx

Adolphus

• Ar priñs Adolphus, Dug Cambridge, mab da George III (1774–1850)
• Ernest Augustus William Adolphus George Frederick, priñs Hannover (1845–1923)
• Adolphus Cambridge, 1añ Markiz Cambridge

Pennadoù kar

• Adolf Nassau, anv meur a zen
• Gustav Adolf, anv-bihan meur a zen