CPU

အမိဉ်ꩻရော့ꩻသင်ꩻဒါႏ တောမ်ႏပအိုဝ်ႏဘာႏသာႏ တအဝ်ႏတဝ်းဒွိုန်းတဲင် ရောမ်ဖြုဲင်ꩻယိုကတူႏစဲဉ်ႏနဝ်ꩻ တဲမ်းသုင်ꩻအီဗာႏတောမ်ႏ ဘာႏသာႏလင် / လိတ် အလင်ဒျာႏသွူ။

Intel 80486DX2 CPU မော််ဒယ် ဖဲ့ꩻလ့အကိုဖဲ့ꩻပွုံႏ

အိဉ်တဲလ်(Intel) ကထေမာꩻခါꩻဒါႏ အရန်းထိုထွꩻခေတ် CPU မော်ဒယ်တမျိုꩻ: ထီႏထွားဗာႏ Intel Core i9-14900KF ဖဲ့ꩻကီအထန်ႏဖဲ့ꩻပွုံႏ

CPU (အိန်းကလေတ်: Central processing unit; CPU) သီပီယူ ကရိုꩻနဝ်ꩻ ထွာဒျာႏ ကွန်ပျူတာ တဖြုံႏယို အကတူႏခီး အဝ်ႏဟဲ့ꩻဝင်ႏစာꩻလွေꩻ နုဲင်းနဝ်ꩻသွူ။ သီပီယူ အဖွိုႏအထိုꩻ generation အဝ်ႏလွေꩻလွဥ်နဝ်ꩻလဲ့ သီပီယူ (CPU) နဝ်ꩻ ကွန်ပျူတာတွိုင်ꩻ အဝ်ႏပါသော့ꩻဒျာႏ အခြွိုင်းကိရိယာႏတဗာႏ ထွာနုဲင်းနဝ်ꩻသွူ။ မေႏဖြွီꩻယွိုင်ႏပတ်တဖူꩻ အထွာဒျာႏစနစ်တဗာႏနုဲင်းနဝ်ꩻသွူ။ CPU ယို လိတ်ဖြုံႏအဆွာနဝ်ꩻ ငentral processing unit ထွာနုဲင်းနဝ်ꩻသွူ။ ဗဟိုႏ တွက်ဗျာႏချက်အမုꩻဖုံႏယို သီပီယူသွူ မာꩻဗာႏသွူ။ ခွုမ်မာꩻမုꩻဖုံႏယိုနဝ်ꩻ ဂဏန်ꩻအတွက်အဗျာႏမုꩻဖုံႏ၊ ကွန်ပျူတာယို ထိန်ꩻချွုတ်ဗာႏ၊ အနွို့ (input) အထန်ႏ (output) မာꩻဗာႏအာမုꩻဖုံႏ ၊ ဆင်ႏချင်ႏတွက်နပ်ဗာႏ (logical) စတဲင်ဖုံႏယို ယီးနယ်အွဥ်ႏဟွိုန်ချက်ဖုံႏ (instructions) အတွိုႏယို မာꩻလွေꩻဗာႏနဝ်ꩻသွူ။ အဆေ့ꩻသွတ်ꩻ ၁၉၆၀ ဗာႏနေင်ႏဖုံႏနဝ်ꩻ အဝ်ႏစဝ်းကွို့ꩻခါတဲင် ခါလာꩻကာႏ ငentral processing unit ကရိုꩻဒါႏ ဝေါဟာရငဝ်းရာႏယို ကွန်ပျူတာနယ်ႏပယ်ႏလဲ့ အဝ်ႏသွုံꩻလဲဥ်းနဝ်ꩻသွူ။ သီပီယူနဝ်ꩻ ပရော်ဆက်ဆာ (processor) ယို ရေႏမိုႏလွေꩻဗာႏ ထွာနုဲင်းနဝ်ꩻသွူ။

A modern high-end consumer CPU made by Intel: An Intel Core i9-14900KF

အခိန်ႏကာႏလပြောင်ꩻ ညထိုꩻခွိုင်းကားမုဲင်ꩻတွမ်ႏ သီပီယူ အပွုံႏပွိုင်တွမ်ႏ Design ယိုနဝ်ꩻ အပြောင်ꩻ အကွာႏထိုꩻဝင်ꩻ နုဲင်းနဝ်ꩻအဝ်ႏသွူ။ ကွဲးတဲင်တွော့ꩻ အခေႏခံႏ မာꩻထာꩻချက်ဖုံႏအာ ကားကအဝ်ႏဗော့ꩻဖုံႏယိုနဝ်ꩻ ပြောင်ꩻလုဲင်ႏမုꩻ တအဝ်ႏတဝ်းသွူ။ သီပီယူယိုလဲ့ ALU ( arithmetic logic unit) တွမ်ႏ Control Unit ဖုံႏ အဓိကပါဝင်ႏသော့ꩻနဝ်ꩻသွူ။ ခေတ်တသာ သီပီယူ အအာကိုနဝ်ꩻ မိုက်ခရို ပရော်ဆက်ဆာဖုံႏ ထွာဒျာႏနုဲင်းနဝ်ꩻသွူ။ အဝ်ႏနဝ်ꩻထွူတဲင် IC (integrated circuit) Chip တဗာႏအဝ်ႏပါဝင်ႏသော့ꩻနဝ်ꩻသွူ။ ယဟန်ႏ ကွန်ပျူတာဖုံႏနဝ်ꩻ multi-core processor ယို အသွုံꩻသေခါꩻလွဒျာႏနဝ်ꩻသွူ။ အဝ်ႏနဝ်ꩻထွူတဲင် သီပီယူ နီဗာႏ မဥ်ႏတမွေးတဝ်းလဲ့ နီဗာႏ‌ပေါင်းလွိုယိုလဲ့ chip ယို အဝ်ႏခွုမ်မာꩻလွေꩻဒျာႏနုဲင်းနဝ်ꩻသွူ။