Drive Angry

Drive Angry
Títol	Drive Angry
Ficha tecnica
Dirección	Patrick Lussier
Aduyant de dirección	Jordan Edwards
Dirección artistica	Zach Bangma William Budge
Producción	Michael De Luca René Besson Adam Fields
Disenyo de producción	Nathan Amondson
Guión orichinal	Todd Farmer Patrick Lussier
Musica	Michael Wandmacher
Fotografía	Brian Pearson
Montache	Patrick Lussier Devin C. Lussier
Escenografía	Kristin Bicksler
Vestuario	Mary E. McLeod
Casting	Nancy Nayor
Actors	Nicolas Cage Amber Heard William Fichtner David Morse Katy Mixon Charlotte Ross Christa Campbell Pruitt Taylor Vince Todd Farmer Tom Atkins Jack McGee Billy Burke
Color	Technicolor
Datos y cifras
País(es)	Estaus Unius
Anyo	2011
Estreno	24 de chinero de 2011 Los Angeles (California, Estaus Unius)
Chenero(s)	Cine d'acción Cine de terror
Durada	104 min.
Idioma(s)	Anglés
Companyías
Productora(s)	Nu Image Saturn Films Michael De Luca Production
Distribución	Summit Entertainment
Presupuesto	40-50 millons de dólars
Recauto	40,9 millons de dólars
Informacions en bases de datos especializadas:

Drive Angry (títol orichinal en anglés, en aragonés Conducir alticamau, estrenada en Aragón con o títol de Furia ciega) ye una cinta de cine estausunidense de cine d'acción de terror estrenada l'anyo 2011, dirichida por Patrick Lussier seguntes un guión orichinal d'él mesmo y de Todd Farmer, con una banda sonora orichinal de Michael Wandmacher, una dirección de fotografía de Brian Pearson y una producción cinematografica de Michael De Luca, René Besson y Adam Fields ta las productoras Nu Image, Saturn Films y Michael De Luca Production. Conta con un elenco d'actors formau por Nicolas Cage, Amber Heard, William Fichtner, David Morse, Katy Mixon, Charlotte Ross, Christa Campbell, Pruitt Taylor Vince, Todd Farmer, Tom Atkins, Jack McGee y Billy Burke, entre d'atros.

John Milton se troba condenau en l'infierno, pero consigue fuyir-ne, robando amás a Satanás la suya arma, clamada "Godkiller" u "Asasina de dioses". O suyo obchectivo ye matar a Jonah King, un lider d'un culto mesianico satanico que ha asasinau a la muller y a la filla de Milton y que agora quiere sacrificar ritualment a su nieta ta fer apareixer l'infierno en a Tierra. Milton prencipia por interrogar y dimpués matar a colaboradors de King en Colorado, ta dimpués marchar enta Loisiana, a on en una garchola albandonada li han dito que se fará lo sacrificio. En o suyo camín troba a Piper Lee, una cambrera d'un restaurant que deixa lo suyo treballo, y li saboteya lo suyo auto ta dimpués ufrir-se a reparar-lo si el leva con ella enta Loisiana. Cuan la mesacha troba a su novio con atra muller, se barallan y iste la golpia, defendendo-la Milton. Piper accepta marchar enta Loisisna, y malas que han marchau apareixe lo Contero, un achent de Satanás a qui han ninviau ta fer tornar a Milton a l'infierno. Interroga a Frank, o novio, y el mata, marchando dezaga d'os fuchitivos. Istos reciben l'ataque d'hombres de King, pero Milton els mata. King fuye enta Loisiana, perseguiu por Milton y Piper y perseguius istos a la vegada por o Contero y por achents de policía a qui iste ha enganyau fendo-les creyer que perteneixe a lo FBI. Milton y Piper cayen en una trampa, y hombres de King disparan a Milton en un uello, atravesando-li la cabeza y deixando-lo por muerto, secuestrando a Piper. Pero Milton se recupera y els persigue, liberando a Piper. Troban a Webster, un amigo de Milton, que explica a Piper que Milton ha muerto y que King heba aproveitau a suya ausencia ta manipular y dimpués asasinar a su filla. Milton marcha ta tener a baralla final con King, y Piper diz que no el deixará solo en ixa baralla. A la vegada, lo Contero permite que Milton Luite ta recuperar a su nieta, decindo-le que Satanás desabanta l'asasinato d'inocents en o suyo nombre.

A cinta s'ambienta en a suya epoca actual (2011) en Colorado, Oklahoma y Loisiana, y las suyas escenas se filmoron en Minden, Plain Dealing, Shreveport y atros puestos de Loisiana.

Drive Angry ye una cinta que ha recibiu bels premios y nominacions, encara que garra d'éls no fa parte d'a lista de premios mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 2011.
• Cintas de 2011.

Vinclos externos

• Se veigan as imáchens de Commons sobre Drive Angry.
• (en) Drive Angry en Internet Movie Database.

• Datos: Q1259409
• Multimedia: Drive Angry / Q1259409