Isʼhoq ibn Ibrohim al-Musʼabiy
| Isʼhoq ibn Ibrohim al-Musʼabiy | |
|---|---|
| Shaxsiy maʼlumotlari | |
| Tavalludi | nomaʼlum |
| Vafoti |
850-yil iyul Bagʻdod, Abbosiylar xalifaligi |
| Bolalari |
Husayn ibn Isʼhoq Muhammad ibn Isʼhoq |
| Ota-onasi | Ibrohim al-Musʼabiy |
Abu al-Husayn Is’hoq ibn Ibrohim[1] (arabcha: أبو الحسين إسحاق بن إبراهيم) (850-yil iyulda vafot etgan) – IX asrda Abbosiylar xalifaligi xizmatida boʻlgan yuqori martabali amaldor. Mus’abiylar oilasiga mansub boʻlib, Xurosonning Tohiriy hokimlari bilan qarindosh boʻlgan va xalifalik siyosatini amalga oshiruvchi shaxs sifatida al-Maʼmun, al-Mu’tasim, al-Vosiq va al-Mutavakkil davrlarida muhim rol oʻynagan[2].
822-yilda Bag‘dod shahrining xavfsizlik ishlari boshligʻi lavozimiga tayinlangan. Keyingi 30 yil ichida shaharda roʻy bergan asosiy voqealarni nazorat qilgan, jumladan, mihna siyosatini joriy etish, Abbosiylar markaziy hukumatining Samarraga koʻchirilishi va Ahmad ibn Nasr al-Xuzoiyning isyonini bostirishda faol ishtirok etgan. Uning vafotidan soʻng Bagʻdoddagi shurta rahbarligi qisqa vaqt davomida uning oʻgʻillariga oʻtgan, 851-yilda esa bu lavozim Tohiriylardan Muhammad ibn Abdulloh ibn Tohirga berilgan.