James Chadwick

Apo James Chadwick
Nayanak	(1891-10-20)20 Oktubre 1891 Bollington, Cheshire, Nagkaykaysa a Pagarian
Natay	24 Hulio 1974(1974-07-24) (tawen 82) Cambridge, Nagkaykaysa a Pagarian
Pannakaumili	Britaniko
Alma mater	Unibersidad ti Manchester Unibersidad ti Cambridge
Nakaam-ammuan	Pannakaduktal ti neutron Reporta ti Komite MAUD Proyekto Manhattan
Dagiti gungguna	Kadua iti Naarian a Kagimongan (1927) Medaliai Hughes (1932) Medalia Mackenzie-Davidson (1932) Premio Nobel iti Pisika (1935) Knight Bachelor (1945) Medalia Melchett (1946) Medalia Copley (1950) Medalia Faraday (1950) Medalia Franklin (1951) Premio ken Medalia Guthrie (1967) Kadua ti Pammadayaw (1970)
Sientipiko a pagsapulan
Dagiti pagobraan	Pisika
Dagiti patakder	Physikalisch-Technische Reichsanstalt Unibersidad ti Liverpool Gonville and Caius College, Cambridge Manhattan Project
Doktoral nga agbalbalakad	Ernest Rutherford
Dagiti doktoral nga estudiante	Étienne Biéler Charles Drummond Ellis Ernest C. Pollard Maurice Goldhaber

Ni Apo James Chadwick, CH, FRS (20 Oktubre 1891 – 24 Hulio 1974) ket Ingles a pisiko a nagungunaan ti Premio Nobel iti Pisika idi 1935 para iti pannakaduktalna ti neutron idi 1932. In 1941, isu ket nagsurat iti kanungpalan a burador ti Reporta MAUD, nga isu daytoy ti nakareggetan ti gobierno ti Estados Unidos a mangrugi iti serioso a panagsukimat iti atomiko a bomba. Isu idi ti daulo ti timpuyog ti Britaniko ken nagtrabaho iti Proyekto Manhattan idi las-ud ti Maikadua a Gubat ti Sangalubongan. Isu ket nakabaliero idiay Inglatera idi 1945 para kadagiti nagun-odna iti pisika.

Nagturpos ni Chadwick manipud iti Victoria University of Manchester idi 1911, nga idiay ket nagadal babaen ni Ernest Rutherford (ammo akas ti "ama ti nuklear a pisika"). Idiay Manchester, isu ket nagtultuloy a nagadal babaen ni Rutherford aginggana idi isu ket nagungunaan iti bukodna nga MSc idi 1913. Ti isu met laeng a tawen, nagungunaan idi ni Chadwick ti Research Fellowship manipud iti Naarian a Komision para iti Eksibision idi 1851. Isu ket napili nga agadal iti beta a radiasion babaen ni Hans Geiger idiay Berlin. Iti panagusr ti kontador Geiger ni Geiger, ni Chadwick ket nakabael idi a nangipakita a ti beta a radiasion ket agpataud ti agtultuloy nga espektra, ken saan a dagiti diskreto alinia a naipagpagarup idi. Isu ket adda pay laeng idiay Alemania idi nangrugi ti Umuna a Gubat ti Sangalubongan idiay Europa, naggigian kadagit isimmaruno nga uppat a tawen idiay pagbalodan a kampo ti Ruhleben.

Dagiti akinruar a silpo

Dagiti midia a mainaig ken ni James Chadwick iti Wikimedia Commons