K歌

K歌係粵語流行曲嘅一個類型，指香港樂壇一啲專門為卡拉OK而創作嘅歌。呢啲歌通常旋律慢，比較簡單易唱，音域亦遷就一般人嘅水平，唔會太高或太低。歌詞多數用愛情做主題，尤其係失戀苦情歌，畀歌唱者機會發洩。副歌部分會有好多重覆嘅地方，畀歌唱者更容易記住歌詞。

K歌有時亦叫口水歌，特徵係一段時間內，喺大街細巷唔停播，男女老少都會哼唱嘅嗰啲流行歌。佢唔一定寫得好，但係好易上口，容易被人傳唱。如果一個人翻唱其他人嘅歌，有啲人就會形容佢為『唱口水歌』， 詞義由「食人口水尾」嘅意思引申過來。