Labu

Labu
Cucurbita moschata
Labu butternut, sebuah varietas dari labu kuning
Taksonomi (id)
Kerajaan	Plantae
Divisi	Tracheophytes
Ordo	Cucurbitales
Famili	Cucurbitaceae
Tribus	Cucurbiteae
Genus	Cucurbita
Spèsiès	Cucurbita moschata Duchesne, 1786
Tata nama (id)
Sinonim takson (id)	Cucurbita colombiana (Zhit.) Bukasov Cucurbita hippopera Ser. Cucurbita macrocarpa Gasp. Cucurbita meloniformis Carrière Cucurbita pepo var. moschata Duchesne Gymnopetalum calyculatum Miq. Pepo moschata (Duchesne) Britton

Labu otabâ labu konèng (Cucurbita moschata) èkotara jhughân mènangka waluh (Jhâbâ, Sunda), labu parang (Malaju) , dhinèng è bhâsa Indonesia èkoca' labu kuning. Buwâ panèka èbhângsa'aghi (èkategori'aghi) ḍâlem bhâlâ buwâ bu-labuwân, sè ghi’ sarompon sareng buwâ mèlon (Cucumis melo) bân tèmon (Cucumis sativus). Labu panèka tombuwân sè ajhalâr, è è dâun sareng bhungkana bâḍâ ḍuri alos tor lembu’. Salèrana tamaso’ ḍâ’ tombuwân terbuân (mosèman), manabi saèllana abuwâ, maka tombuwân arèya lajhu matè.

labu

Manpa'at

Buwâ labu anḍi' bânnya’ manpa'at ḍâ’ ka manossa, è antarana:

1. Kennèng èpadhaddhi kowa
2. Kennèng èpadhaddhi kolek
3. Kennèng èpadhaddhi jhâjhân
4. Kennnèng jhughân èpadhaddhi kuwè.

Salaèn dhâghingnga sè èkakan mènangka la-ola, ḍâun labu kennèng kèya èpadhaddhi ghângan sè èyola kalabân parotan nyèor ngoḍâ sè èolok adhun. Salaèn arowa, labu kèya anḍi' nilai ropèya bâgi maghâsarè ka'angghuy nyambhung oḍi'.

Ghâḍhuwân Gizi

Buwâ labu jhughân aghâḍhu nilai gizi sè tèngghi, antarana; beta karoten, vitamin A, serrat, vitamin C, vitamin K, bân Niacin otabâ vitamin B3. Tor anḍi' anḍhuwân mineral marana kalium, zat bessè, fosfor, magnesium, tor kalium.

Kasèyat

Buwâ labu anḍi' kasèyat nangkal sacem-macemma panyakè' kanker. Aèng ḍâri buwâna labu kennèng èghuna'aghi mènangka panabârra racon kèbân sè abisa, bhinarèn bâi'na labu èpadhaddhi tambhâ cacèng pèta.