Lisa Cook

Retrach oficial de Lisa D. Cook en 2022

Lisa DeNell Cook (Milledgeville, Georgia, agost de 1964) es una economista americana. Membre del Conselh dels governadors de la Resèrva federala americana dempuèi lo 23 de mai de 2022, es la primièra femna afroamericana a sèire al conselh. Abans aquesta nominacion, facha pel president anterior Joe Biden, èra membre del conselh d'administracion de la Banca de la resèrva federala de Chicago.

Cook èra anteriorament professora d'economia e de relacions internacionalas a l'universitat d'Estat de Michigan e tanben membre del comitat executiu de l'Associacion Economica Americana.

Lisa Cook es estada destituïda de sas foncions lo 25 d'agost de 2025 pel president Donald Trump que l'acusa d'aver falsificat de documents per tal d'obtenir de prèstes bancaris.

Referéncias

• Wikidata: Q48698939
• Multimedia: Lisa D. Cook