Mathieu Bihet
Mathieu Bihet (Luuk, 7 juli 1991) is e Woalsche polletieker vo de Franstoalige liberoale partie MR en sedert 3 februoari 2025 minister van Energie in de Regerienge-De Wever.
Ipleidienge
[bewerkn | brontekst bewerken]Bihet hoalde in 2016 't diplom van master in de rechtn an d' Universiteit Luuk.
Polletieke carrière
[bewerkn | brontekst bewerken]In oktober 2012 wierd ie hem verkoozn tout gemêenteroadslid van Neupré en van juli 2017 was't ie scheepn in die gemêente tout dat ie minister kwam in 2025.
By de federoale verkieziengn van meie 2019 stound Mathieu Bihet als êerste ipvolger ip de kieslyste van de MR vo de kieskrieng Luuk. Je zetelde van moarte tout oktober 2020 in de Koamer van volksverteegnwoordigers, als ipvolger van Daniel Bacquelaine, die in die periode minister was in de regerienge-Wilmès II.
In november 2020 wierd Bihet deur MR-vôorzitter Georges-Louis Bouchez benoemd tout algemêen ofgevoardigde van de MR.
Van september 2022 tout juni 2024 zetelde Mathieu Bihet were in de Koamer als ipvolger van Kattrin Jadin, die tout rechter in 't Groundwettelik Hof was benoemd.
By de federoale verkieziengn van juni 2024 stound Bihet were als êerste ipvolger ip de lyste. E moand loater, in juli 2024, wierd ie vo de derde kei Koamerlid als ipvolger van Pierre-Yves Jeholet, die minister kwam in de Woalsche regerienge.
Ip 3 februoari 2025 kwam't ie hem federoal minister van Energie in de Regerienge-De Wever. Sedert april 2025 is't ie ook vôorzitter van de MR-federoasje van de provinsje Luuk.
 |
Ofbeeldiengn die ier by passn ku je vien in de categorie Mathieu Bihet van Wikimedia Commons. |