Monty Python's The Meaning of Life

Monty Python's The Meaning of Life
	Título Monty Python's The Meaning of Life
	Instancia de filme
	Xénero cinema musical; cinema de comedia
	Lingua orixinal lingua inglesa
	Cor en cor
	Formato de imaxe 1.85:1
Autoría
	Director/a Terry Jones
	Compositor/a John Du Prez
	Guionista Graham Chapman; Eric Idle; Terry Jones; Terry Gilliam; John Cleese; Michael Palin
	Director/a fotografía Roger Pratt
	Editor/a de cine Julian Doyle
	Actores Graham Chapman ; Carol Cleveland ; Patricia Quinn ; Simon Jones ; Matt Frewer ; Michael Palin ; Eric Idle ; Terry Jones ; John Cleese ; Terry Gilliam ; Jane Leeves
Temática
	Ambientado en Inglaterra
Publicación
	Data de publicación 7 de xullo de 1983 (Reino Unido) ; 31 de marzo de 1983 (Estados Unidos de América) ; 26 de agosto de 1983 (Alemaña) ; 1983
	País de orixe Reino Unido
	Distribuidor/a Universal Studios; Netflix
	Recadación 42.700.000 $; 14.929.552 $
	Custo 9.000.000 $
	Formato de distribución vídeo baixo demanda
	Puntuación da crítica 86% Rotten Tomatoes (31 de maio de 2024); 7.3/10 Rotten Tomatoes (4 de setembro de 2021)
	Premios Gran Premio do Festival de Cinema de Cannes (1983)
Datas e cronoloxía
	Precedido por Monty Python Live at the Hollywood Bowl
Dimensións
	Duración 1 hora e 52 minutos
Localizacións
	Colección Museo de Arte Moderna de Nova York
	Localización rodaxe Londres; Hertfordshire
Identificadores
VIAF	316752039
Fontes e ligazóns
	Redes
	[ Wikidata ]

Monty Python's The Meaning of Life (en galego, O Senso da Vida) é o cuarto filme do grupo de comedia inglés Monty Python, estreada en 1983. Dirixida por Terry Jones, o seu guión foi escrito polos seis Monty Python: Terry Jones, Terry Gilliam, Eric Idle, John Cleese, Michael Palin e Graham Chapman. Con cancións de Eric Idle, o filme foi un éxito.

Sinopse

A cinta, que mostra o humor dos Python, xa un selo de marca, é unha serie de sketches que pretenden, dun xeito satírico, mostrar as diferentes etapas da vida e chegar á conclusión sobre o senso da mesma. O nacemento, a educación, a continxencia, a idade madura, a enfermidade e a morte son temas que se tratan de maneira irreverente polos Python, nun ton de comedia musical surrealista. Os Monty Python prometeron que ían ofender a todo o mundo e cumprírono: políticos, patriotas, burgueses e obreiros, católicos e protestantes, crentes e ateos, ou, o que é o mesmo, a anarquía levada ó humor.

Terry Gilliam aporta a súa excéntrica imaxinería visual na curtametraxe que precede ó filme, inspirado nunha historieta do francés Philippe Cazaumayou de 1977. Este interromperá logo sen previo aviso á metade do filme, toque clásico de Gilliam.

O filme mostra outros dos máis logrados sketches dos Python, como o do xeneral inglés que perde unha perna ou o dos trasplantes de órganos, ademais de números musicais como "Every Sperm Is Sacred" (Todo esperma é sagrado) e "The Penis Song" (A canción do pene).

Repercusións

A pesar do indubidábel éxito comercial e de crítica, "O Senso da Vida" marcou o final dos Monty Python. O grupo debateu a posibilidade de reformar o guión engadindo un personaxe central ó que seguir durante toda a rodaxe, idea rexeitada por John Cleese que estaba canso do proxecto. O único personaxe común en tódolos filmes do grupo británico é Deus, tema que lles valeu moitas acusacións de blasfemia.

Posteriormente Cleese manifestou o seu desagrado respecto ó resultado final, feito que puido precipitar a disolución do grupo, teoría apoiada polos comentarios de Cleese no documental "Que senso tivo rodar O Senso da Vida", que aparece entre os extras da edición especial do DVD.

Despois do filme cada un procurou o seu camiño, algúns viviron á sombra do seu antigo éxito mentres que outros fixéronse aínda máis populares.

Premios e nomeamentos

Festival de Cine de Cannes: Premio especial del Xulgado (1983).
Nomeada á Palma de Ouro ó Mellor Director.

Véxase tamén

Ligazóns externas

Ficha no Filmaffinity (en castelán)
Ficha na IMDb (en inglés)