An Portable Document Format (PDF) amo in usa nga format han payl (file format). Gagamit ini pagpakita hin mga dokumento nga may-ada mga teksto ngan ladawan. An PDF ginhimo han Adobe han tuig 1992. An payl nga PDF papabilin nga parehas an hitsura bisan ha magkadirudilain nga mga kompyuter, software, ngan operating system.[1]
An PDF nakabase ha yinaknan nga PostScript. An tagsa payl han PDF may-ada na han ngatanan nga kinahanglanon para maipakita an dokumento, lakip na an teksto, font, vector graphics, ngan mga ladawan.[2] Puyde ini may-ada mga annotation, mga kuritán ha pormas (form fields), ngan mga layer. An iba nga PDF may-ada pa ngani mga video o 3D nga mga butang. Puyde gihapon maprotektaran an mga payl han PDF pinaagi han encryption ngan mga digital signature. Puyde liwat ini sudlan hin mga nakakabit nga payl ngan metadata para mabuligan an pag-organisar ngan pagdumara han mga dokumento.[3]
Damo nga mga PDF viewer (parabasa hin PDF) an libre nga nahihigamitan tikang ha magkadirudilain nga ginkuhaan. May-ada gihapon mga programa para pagliwat (edit) ngan pag-manipula han mga payl han PDF, kundi agsob ini kinahanglan paliton.[4] Dugang pa hini, an kadam-an han mga moderno nga web browser, sugad han Chrome, Firefox, ngan Safari, may-ada na kalugaringon nga abilidad pagpakita hin PDF, nga amo an pumalit ha mga browser plugin nga gin-gamit hadto.[5]
Kasaysayan
[igliwat | Igliwat an wikitext]An ideya para ha PDF nagtikang han 1991 ha usa nga proyekto nga gin-ngaranan nga “Camelot Project,” nga gintikangan han co-founder han Adobe nga hi John Warnock.[6] Han 2008, an PDF nagin usa nga internasyonal nga estandarte nga gintatawag nga ISO 32000.[7] Ini nga estandarte ginbabag-o ngan gin-a-update han mga grupo han ISO. An pinakaurhi nga bersyon in ginpatikang han 2008 ngan gin-update han 2020.[8]
Mga kasarigan
[igliwat | Igliwat an wikitext]- ↑ Adobe Systems Incorporated (2006). "PDF Reference" (PDF). 1.7 (6th ed.). Ginhipos tikang han orihinal (PDF) han 2008-10-01. Ginkuhà 2025-12-22.
- ↑ Pfiffner, Pamela S. (2003). Inside the publishing revolution: the Adobe story. Berkeley, Calif: Peachpit Press. ISBN 978-0-321-11564-5.
- ↑ Guignard, Bryan. "How secure is PDF" (PDF). Carnegie Mellon University. Ginhipos tikang han orihinal (PDF) han 2005-10-24.
- ↑ Masinter, Larry; Hardy, M.; Markovic, D.; Johnson, D.; Bailey, M. (2017). "The application/pdf Media Type". Internet Engineering Task Force. PDF. doi:10.17487/RFC8118. RFC 8118.
- ↑ Davenport, Corbin (2025-04-11). "Why Did Web Browsers Become PDF Readers?". How-To Geek (ha English). Ginkuhà 2025-12-22.
- ↑ John Warnock. "The Camelot Project" (PDF). PlanetPDF (ha English). Ginhipos tikang han orihinal (PDF) han 2011-07-18. Ginkuhà 2025-12-22.
- ↑ "ISO 32000-1:2008 Document management — Portable document format — Part 1: PDF 1.7" (PDF). Adobe Systems Incorporated (ha English). 2008. Ginhipos tikang han orihinal (PDF) han 2018-07-26. Ginkuhà 2025-12-22.
- ↑ "ISO 32000-2 Portable document format – Part 2: PDF 2.0". PDF Association (ha English). Ginkuhà 2025-12-22.