Pang-chān:海南特別行政區

海南特別行政區 簡稱：瓊
中華民國兮特別行政區
中華民國海南特別行政區
府城	海口市
政府
• 類別	特別行政區政府
行政長官 （1949－1972年）
• 1949－1954年	陳濟棠
以前國家 以後國家 廣東省 廣東省海南行政區 高雄市
今屬	中華人民共和國 中華民國 越南 馬來西亞 菲立賓

海南特別行政區，簡稱「瓊」，捌是中華民國佇海南島佮南海諸島全境設置兮特別行政區，法定管轄範圍佮今仔日兮中華人民共和國海南省相𫝛 (siâng)。區內干焦賰東沙群島、南沙群島兮太平島佮中洲礁爾爾，這馬是予高雄市代管行政事務，海巡署代管防務。

歷史

海南島久長以來攏是屬佇廣東省管轄，佇清朝佮中華民國時期有幾若擺有儂提出欲建省，但是落尾攏無實行。民國36年（1947年）8月，國民政府決定欲設立海南特別行政區，範圍包括海南島佮南海諸島。民國38年（1949年）1月21，海南特別行政區正式成立，所管轄兮所在包括海南島、東沙群島、西沙群島、中沙群島、南沙群島等等兮群島佮𪜶 (in)附屬兮島嶼和海域。行政長官公署設佇海口，除了海口市以外，下跤閣有16个縣：瓊山縣、澄邁縣、定安縣、文昌縣、瓊東縣、樂會縣、臨高縣、儋縣、崖縣、萬寧縣、陵水縣、感恩縣、昌江縣、樂東縣、保亭縣、白沙縣。民國39年（1950年）5月1號，解放軍占領規个海南島，國軍佇撤退兮時，西沙佮南沙兮駐軍嘛做伙撤退，干焦保留東沙兮守軍，後來中共隨占領西沙群島。

雖然佇法律上海南特區猶原存在，但是行政上完全定去，後來嘛無佇臺灣本島、太平島抑東沙群島重建特區政府，但是中華民國政府一直到民國61年（1972年）3月7號才停止適用《海南特區行政長官公署組織條例》佮《海南建省籌備委員會組織條例》、2003年5月才正式共這兩个法律廢止。1990年，行政院核定高雄市成立管理委員會，共海南特區賰兮領土交予高雄市旗津區代管，並且設立「漁業工作站」，防務交予海巡署接管。