Perrang Ottoman-Vènèsia (1570-1573)

Perrang Ottoman-Venesia sè kapèng empa' otabâ Perang Siprus (bhâsa Italia) iyâ arèya perrang antara Kekaisaran Ottoman bân Republik Venesia sè ḍâri taon 1570 kantos 1573. Republik Venesia èbhânto bi' Liga Suci, koalisi nagharâ-nagharâ Kristen sè èsoro bi' Paus Pius V. Kadhâddhiyân sè palèng penting è bâkto pamarènta'an Sultan Selim II èpicu bi' invasi Ottoman, Rèpublik Siprus Vènèsia. Ibukota Siprus, Nikosia, bân pan-bârâmpan kottha laènna è polo rèya èrebbhu' ceppet bi' tentara Ottoman sè jhâu lebbi kowat. Famagusta aropa'aghi sala sèttong kottha sè ghi' èkowasaè bi' Rèpublik Vènèsia. Namong, bhântowan ḍâri nagharâ-nagharâ Kristen ḍâteng telat. Famagusta ghâgghâr ka tentara Ottoman è bulân Agustus 1571, samarèna èkeppong 11 bulân. Ḍuwâ' bulân saterrossa, armada gabungan nagharâ-nagharâ Kristen ḍâteng bân ma'ancor armada Ottoman è Perrang Lepanto . Namong, è ḍâlem bâkto sè cè' panḍâ'na, Kekaisaran Ottoman bisa mabâli kakowadhân angkatan laut, saènggâna Republik Vènèsia èpaksa nyarè negosiasi perdamaian, merri' Siprus ka Kekaisaran Ottoman, bân majâr rampasan perrang 300.000 dukat.