Ravenea

Ny Ravenea dia vondron-karazana ao amin' ny fianakaviana Arecaceae, ahitana karazana 22 izay tsy hita raga tsy eto Madagasikara sy ao Kômôro. Karazana rofia kely sy salantsalany ary lehibe izy ireo, izay tsy manana vatany tokana matanjaka miloko volondavenona. Mivelatra ny fotony, ary mihena miandalana ny savaivony rehefa manatona ny tampon’ ilay zavamaniry. Miovaova be ny haben' ny karazana ao aminy. Ny Ravenea hildebrandtii sy ny Ravenea nana dia mahatratra 4 m eo ho eo, raha mahatratra 30 m kosa ny Ravenea robustior sy ny Ravenea sambiranensis.

Miendika volom-borona ny raviny ary mirefy 2 hatramin' ny 5 metatra ny halavany. Mahitsy amin' ny voalohany izy ireo, avy eo dia lasa milantsika tsikelikely ary misaraka rehefa akaikin' ny tampony. Ahitana fizaràna manify maro dia maro ny raviny. Fohy ny vondrom-boniny izay mipoitra eo anelanelan' ny ravina. Mena ny voany.

Fanasokajiana

Fanasokajiana ivelany

Arecaceae (fianakaviana)
- Ceroxyloideae (zana-pianakaviana)
  - Ceroxyleae (foko)
    - Ravenea

Ny Ity vondron-karazana ity dia iray foko amin' ireto vondron-karazana manaraka ireto: Ceroxylon, Juania ary Oraniopsis.

Karazana

Ravenea albicans (Jum.) Beentje
Ravenea beentjei Rakotoarin. & J.Dransf.
Ravenea cycadifolia J.Dransf.
Ravenea declivium J.Dransf. & Rakotoarin.
Ravenea delicatula Rakotoarin.
Ravenea dransfieldii Beentje
Ravenea glauca Jum. & H.Perrier
Ravenea hildebrandtii H.Wendl. ex Bouché
Ravenea hypoleuca Rakotoarin. & J.Dransf.
Ravenea julietiae Beentje
Ravenea krociana Beentje
Ravenea lakatra (Jum.) Beentje
Ravenea latisecta Jum.
Ravenea louvelii Beentje
Ravenea madagascariensis Becc.
Ravenea moorei J.Dransf. & N.W.Uhl
Ravenea musicalis Beentje
Ravenea nana Beentje
Ravenea rivularis Jum. & H.Perrier
Ravenea robustior Jum. & H.Perrier
Ravenea sambiranensis Jum. & H.Perrier
Ravenea xerophila Jum.

Jereo koa

Dypsis

Chrysalidocarpus
Vonitra

Jereo koa

Dypsis

Chrysalidocarpus
Vonitra