Saltar ao contido

Stuxnet

Na Galipedia, a Wikipedia en galego.
Stuxnet
Imaxe
 Instancia de
Verme informático
Rootkit Editar o valor en Wikidata
 Parte de
operación Olympic Games Editar o valor en Wikidata
 Obxectivo
nuclear facilities in Iran (en) Traducir Editar o valor en Wikidata
Datas
 Descuberta / invención
xuño de 2010 Editar o valor en Wikidata
Identificadores
Freebase/m/0dd9hwv Editar o valor en Wikidata
Wikidata C:Commons

Stuxnet é un verme informático que afecta aos ordenadores con Windows, descuberto o 17 de xuño de 2010 por VirusBlokAda,[1] unha empresa de seguridade situada en Belarús. É o primeiro verme coñecido que espía e reprograma sistemas industriais, concretamente sistemas SCADA para o control e a monitorización de procesos, e pode afectar infraestruturas críticas como as centrais nucleares.[2]

Stuxnet é capaz de reprogramar controladores lóxicos programables e ocultar os cambios realizados.​[3] Tamén é o primeiro verme coñecido que inclúe un rootkit para sistemas PLC reprogramables.[4]

A empresa rusa de ciberseguridade Kaspersky Lab cualificou Stuxnet nun comunicado de prensa como "un prototipo funcional e terrorífico dunha arma cibernética que levará á creación dunha nova carreira armamentística global". Kevin Hogan, un executivo de Symantec, advertiu que o 60% dos ordenadores infectados polo verme están en Irán, o que suxire que as súas instalacións industriais poderían ser o seu obxectivo.[5][6] Kaspersky conclúe que os ataques só puideron ocorrer "co apoio dunha nación soberana", o que converte a Irán no primeiro obxectivo dunha verdadeira ciberguerra.

O obxectivo máis probable do verme, segundo medios de comunicación como a BBC ou o Daily Telegraph,[7][8] podería ter sido unha infraestrutura de alto valor pertencente a Irán e con sistemas de control de Siemens. Medios de comunicación como India Times suxiren que o ataque puido atrasar a posta en servizo da central nuclear de Bushehr.​[9] Fontes iranianas cualificaron o ataque como "guerra electrónica",[10] aínda que minimizando o impacto dos danos ás súas instalacións. Algúns medios de comunicación, como o New York Times, atribuíron o ataque aos servizos de intelixencia estadounidenses e israelís.[11]

Notas

[editar | editar a fonte]
  1. ↑ "Stuxnet: A worm which targets SCADA systems". Cert-IST Computer Emergency Response Team (en inglés). 2010-09-08. Consultado o 2025-06-07. Tradución:[...]Stuxnet foi descuberto o 17 de xuño de 2010 pola empresa bielorrusa VirusBlokAda (unha desenvolvedora de produtos antivirus). Naquel momento, a atención da maioría dos analistas centrouse no feito de que este verme explotaba unha vulnerabilidade descoñecida previamente en Windows (un fallo de "día cero"): a vulnerabilidade "LNK", que levou a Microsoft a lanzar o parche fóra de banda MS10-046 a principios de agosto. Só despois de máis análises os analistas descubriron que Stuxnet foi deseñado para atacar sistemas SCADA.[...] 
  2. ↑ "Stuxnet worm hits Iran nuclear plant staff computers" (en inglés). BBC News. 
  3. ↑ Gregg Keizer (2010-09-16). "Is Stuxnet the 'best' malware ever?" (en inglés). Infoworld. Arquivado dende o orixinal o 2012-12-05. Consultado o 2010-09-16. 
  4. ↑ "Last-minute paper: An indepth look into Stuxnet" (en inglés). Virus Bulletin. 
  5. ↑ MacLean, William (2010-09-24). "Cyber attack appears to target Iran-tech firms". Reuters (en inglés). Consultado o 2025-12-09. 
  6. ↑ MacLean, William (2010-09-26). "Iran – First Victim Of Cyberwar". Pakalert Press (en inglés). Consultado o 2025-12-09. 
  7. ↑ Fildes, Jonathan (2010-09-23). "Stuxnet worm 'targeted high-value Iranian assets'" (en inglés). BBC News. Consultado o 2010-09-23. 
  8. ↑ "Stuxnet virus: worm 'could be aimed at high-profile Iranian targets’" (en inglés). The Daily Telegraph. 2010-09-23. Consultado o 2010-09-28. 
  9. ↑ "Software smart bomb fired at Iranian nuclear plant: Experts" (en inglés). Economictimes.indiatimes.com. 2010-09-24. Consultado o 2010-09-28. 
  10. ↑ Bernardes, Amanda Rodrigues; Barreto de Ávila, Karen Ludmilla (2021-08-30). "O ato de guerra e o ataque cibernético: o caso STUXNET na visão de Clausewitz". OMPV (en portugués). Consultado o 2025-12-09. 
  11. ↑ Emergui, Sal (2011-01-16). "Israel y EEUU crearon el virus que dañó el programa nuclear iraní". El Mundo (en inglés). Consultado o 2025-12-09. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Obtido de «https://gl.wikipedia.org/w/index.php?title=Stuxnet&oldid=7258470»