Wikipedya:Kritè pou efase imedyatman
Ou lib pou modifye paj sa a, men li rekòmande pou itilize paj diskisyon pou pwopoze yon gwo chanjman..
Kritè pou sipresyon imedyat yo defini kèk ka presi kote administratè Wikipedya jwenn yon konsansis laj nan kominote a epi efase paj yo touswit. Ka sa yo limite e nou site yo anba a.
Sipresyon an ka anile, men se sèlman administratè ki ka fè sa. Objektif « efase imedya » se pou evite pèdi tan kominote a sou diskisyon pou efase paj ki gen anpil chans pou li pa rete sou sit la menm si ta gen yon deba.
Nenpòt moun ka mande efase imedyatman pou yon paj lè li fè yon demand ofisyèl. Anvan ou mande pou efase yon paj touswit, poze tèt ou kesyon si li pa t ap pi bon pou amelyore li, redui li kòm yon bouyon, mete li ansanm ak yon lòt paj, fè li tounen yon redireksyon, oswa retounen ak yon vèsyon ki te pi bon. Fòk tout vèsyon paj la merite efasman an pou sa ka valide. Lè w ap mande pou efase, eksplike sou ki kritè w ap baze demann ou epi enfòme moun ki te kreye paj la oswa prensipal kontribitè yo.
Moun ki te kreye yon paj pa gen dwa retire bandwòl {{efase Imedya}} ki montre gen yon demann pou efase li; se yon lòt kontribitè ki ka fè sa. Si li pa dakò ak demann nan, li ka kontakte yon administratè.
Kritè pou Sipresyon Imedyat
[modifye | modifye kòd]Nòt: Nimewo ki parèt nan lis sa a se menm ak sa ki sou paj anglè a ''[[:en:WP:Criteria for speedy deletion|Criteria for speedy deletion]]''. Sa ede kenbe menm estrikti epi pèmèt konpare pi fasil ant plizyè Wikipedya.
Kritè Jeneral yo
[modifye | modifye kòd]Kritè sa yo aplike sou tout paj Wikipedya, kit se atik, kit se lòt espas.
- G1 - Paj ki pa fè sans ditou Nenpòt paj ki ekri nan yon fason ki pa konprann ditou. Sa pa gen rapò ak atik ki mal ekri, tewori ki etranj, istwa envante, ni menm atak oubyen blag, ki tonbe anba lòt kritè. Nòmalman, si ou ka konprann sa ki sou paj la, kritè sa a pa aplike.
- G2 - Paj tès oubyen "bac à sable" Paj ki sanble yon esè oswa tès yon moun te fè pou li aprann kreye paj sou Wikipedya. Sa pa aplike pou espas itilizatè, ni pou modèl ki valab men ki pa itilize.
- G3 - Vandalis oswa blag evidan Nenpòt paj ki klèman ap atake, sabote oswa se yon blag sou sit la.
- G4 - Rekreasyon yon paj ki te efase deja pa DdA Si yon paj te efase apre yon deba sou admisibilite epi li retounen egzakteman menm jan an, li ka efase touswit. Men, si li gen anpil diferans, li pa tonbe anba sa.
- G5 - Paj kreye pa yon itilizatè ki bloke oswa ekspilse Paj sa yo efasable si li pa gen kontribisyon enpòtan lòt moun.
- G6 - Sipresyon teknik Lè se efasman teknik pou fè netwayaj, pa egzanp efase redireksyon ki pa sèvi oswa paj ki kreye pa erè.
- G7 - Sipresyon sou demann otè a Si se yon sèl moun ki te kontribye seryezman sou yon paj epi li mande pou efase li, sa ka fèt.
- G8 - Paj ki lye ak yon lòt paj ki pa egziste Tankou redireksyon ki pa mennen okenn kote, oswa paj ki t ap sèvi ak lòt ki pa la ankò. Men, si li toujou gen itilite, li pa dwe efase.
- G9 - Sipresyon pa Wikimedia Foundation WMF ka efase yon paj si gen sitiyasyon espesyal. Paj sa yo pa dwe retabli san otorizasyon WMF.
- G10 - Paj ki gen objektif pou atake oswa imilye Paj ki gen kontni oswa tit ki itilize pou difame, menase, imilye oswa entimide yon moun. Si pa gen okenn vèsyon net nan istwa paj la, li dwe efase touswit.
- G11 - Paj ki se piblisite evidan Si yon paj sanble plis tankou yon piblisite ke yon atik, e li ta dwe totalman re-ekri pou vin ansiklopedik, li ka efase. Atik ki pale de yon konpayi oswa pwodwi nan yon fason net pa tonbe ladan.
- G12 - Vyolasyon dwa otè Nenpòt paj ki gen kontni kopi san pèmisyon oswa lisans lib, epi pa gen lòt kontni ki ta merite sove. Si tout istwa paj la plen ak vyolasyon dwa otè, li ka efase nèt; sinon vèsyon ki bon yo ka rete.
Lè yon suppressyon imedyat pa jistifye, se otreman (tankou efasman pwen pa pwen oswa efasman selektif vèsyon) ki ka pi apwopriye. Men sa nou dwe fè, pa egzanp, si:
- Gen vèsyon nan paj la ki pa vyole dwa otè epi ki ka sove;
- Vèsyon ki vyole dwa otè yo pa twòp e li fasil pou retire yo san efase tout paj la;
- Gen dout sou nati lisans lan oswa sou orijin kontni an;
- Kontni an sanble ka soti nan yon sit entènèt ki gen yon lisans konpatib, men sa poko konfime.
Nan ka sa yo, li pi bon mete yon avi sou vyolasyon dwa otè epi swiv pwosedi klasik yo olye ou mande yon suppressyon imedyat.
Kritè espesifik pou atik yo
[modifye | modifye kòd]A1 – Atik san sijè klè :
Atik la pa bay ase enfòmasyon pou konprann sou kisa l ap pale. Egzanp : “Mizisyen sa a trè popilè. Li chante anpil chante nan gwo konsè” — sa pa ase pou idantifye sijè a. Sa diferan de yon atik ki totalman vid.
A2 – Atik an lang etranje :
Si tout atik la ekri nan yon lòt lang ke franse, li ka efase san pèdi tan. Si se yon kopi ki sòti nan lòt Wikipedya, yo ka mande tradiksyon pito.
A3 – Atik san kontni :
Atik la pa gen anyen ladan l eksepte tit la oswa kèk lyen ekstèn. Atansyon : Si yon moun efase tout sa ki te ekri (blanchi paj la), men atik la te gen kontni deja, yo dwe verifye istwa paj la avan efasman.
A5 – Atik ki deja transfere sou yon lòt Wiki :
Atik ki senpleman bay yon definisyon diksyonè oswa ki se yon sous orijinal e ki te deja transfere sou yon lòt pwojè Wikimedia (tankou Wiksyonè oswa Wikisource) kapab efase, si transfè a te fèt byen epi yo respekte dwa otè.
A10 – Atik ki fè doublon ak yon lòt :
Si atik la fèk kreye epi li repete sa ki deja egziste sou yon lòt atik san mete plis enfòmasyon oswa amelyorasyon, li ka efase imedyatman.
A11 – Atik ki pa respekte kritè admisibilite :
Si atik la klèman pa respekte règleman ki di kisa ki merite yon atik sou Wikipedya, epi sa fasil pou verifye aprè kèk rechèch, li ka efase. Si gen dout, pito mete yon bann “admisibilite” oswa lanse yon deba.
A12 – Travay inedit :
Si atik la evidamman se opinyon pèsonèl oswa yon analiz san sous serye (yo rele sa “travay inedit”), epi pa gen anyen ki rete ki gen valè aprè sa efase, atik la ka efase. Men, pa konfonn sa ak yon atik ki jis pa gen sous.
B – Kritè ki konsène redireksyon yo
[modifye | modifye kòd]B1 – Redireksyon ki mal ekri oswa initil
Yo ka efase redireksyon ki pa itil (pa egzanp: move òtograf, lyen ki pa mache, tit ki pa gen sans oswa ki twonpe).
B2 – Redireksyon ki soti nan atik efase
Si yo efase atik prensipal la, yo ka efase redireksyon li yo tou, sof si redireksyon an te gen valè pou li menm.
B3 – Redireksyon ki konfizyon
Redireksyon ki twonpe (pa egzanp: li mennen sou yon atik ki pa gen rapò ak tit la) ka efase. Pa egzanp: "Zooloji" ki mennen sou "Botanik" pa bon.
C – Kritè ki konsène imaj yo
[modifye | modifye kòd]C1 – Imaj ki mal telechaje oswa san lisans
Imaj ki pa gen lisans oswa deskripsyon legal, oswa ki gen yon erè grav pandan telechajman an, ka efase san pèdi tan.
C2 – Imaj kopi san otorizasyon
Si se yon kopi ki soti sou entènèt oswa yon lòt sous, san pèmisyon oswa san lisans ki klè, li ka efase imedyatman.
C3 – Imaj ki gen lisans pa konpatib ak Wikipedia
Si lisans lan pa pèmèt lib reutilizasyon oswa se yon lisans ki entèdi sou Wikipedia, li ka efase.
C4 – Imaj ki pa sèvi okenn kote
Imaj ki pa entegre sou okenn paj oswa atik, e ki pa gen okenn rezon pou konsève li, ka efase. Gen eksepsyon pou imaj pèsonèl itilizatè yo.
C5 – Imaj ki konfonn oswa redondan
Si de imaj se menm bagay la epi youn nan yo pa sèvi oswa li pi move kalite, li ka efase.
R – Kritè ki konsène paj Wikipedia ki pa atik
[modifye | modifye kòd]R1 – Paj vid oswa test
Paj esè, test oswa paj ki pa gen okenn kontni itil (pa egzanp: "asdfghjkl") ka efase.
R2 – Paj pèsonèl ki pa itil
Paj itilizatè ki pa itilize oswa ki sèvi sèlman pou fè pwomosyon ka efase. Paj ki vyole prensip sou itilizasyon pèsonèl (tankou reklanm, patipri, atak) ka efase.
R3 – Paj ki pa kontni encyklopédique
Paj ki pa gen okenn relasyon ak objektif Wikipedia (tankou lis acha pèsonèl, jounal pèsonèl, elatriye) ka efase.
R4 – Vandalism oswa move entansyon
Paj ki kreye sèlman pou fè zak move (vandalism), atak oswa pwovokasyon ka efase imedyatman.
R5 – Paj ki te dejà efase epi rekreye san chanjman
Si yon paj te deja efase apre deba epi li rekreye menm jan an, li ka efase ankò san lòt deba.