ထွန်းထွန်းဦး (တရားသူကြီးချုပ်)
စည်သူ၊ ဦး ထွန်းထွန်းဦး | |
|---|---|
| ပြည်ထောင်စုတရားသူကြီးချုပ် | |
| တာဝန်သက်တမ်း ၃၀ မတ်လ ၂၀၁၁ – ၂ ဩဂုတ် ၂၀၂၃ | |
| ခန့်အပ်သူ | ဦးသိန်းစိန် |
| သမ္မတ | |
| ယခင်လူ | ဦးအောင်တိုး |
| ဆက်ခံသူ | ဦးသာဌေး |
| ဒုတိယပြည်ထောင်စုတရားသူကြီးချုပ် | |
| တာဝန်သက်တမ်း ၁၂ မတ် ၂၀၀၇ – ၃၀ မတ်လ ၂၀၁၁ | |
| ခန့်အပ်သူ | နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ |
| ကိုယ်ရေး အချက်အလက်များ | |
| မွေးဖွား | ၂၈ ဇူလိုင်၊ ၁၉၅၆ မြန်မာနိုင်ငံ |
| လူမျိုး | မြန်မာ |
| ကြင်ဖော် | အေးအေးသိန်း |
| ပညာရေး | B.A. (Law), LL.B (၁၉၇၉) ရန်ကုန်တက္ကသိုလ် |
| အလုပ်အကိုင် | ရှေ့နေ |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| တပ်/တပ်ဖွဲ့ခွဲ |  တပ်မတော် |
| Commands | အနောက်တောင်တိုင်း (၁၉၈၁-၁၉၈၉) Major, Military Advocate General Office (1990-1994) |
ဦးထွန်းထွန်းဦး (၂၈ ဇူလိုင်၊ ၁၉၅၆ မွေးဖွား) သည် မြန်မာနိုင်ငံ၏ ပြည်ထောင်စုတရားသူကြီးချုပ် အဖြစ် ထမ်းဆောင်ခဲ့သူ ဖြစ်သည်။ ပြည်ထောင်စုတရားသူကြီးချုပ်ကို နိုင်ငံတော် သမ္မတက ဖွဲ့စည်းပုံအခြေခံဥပဒေနှင့်အညီ ပြည်ထောင်စုလွှတ်တော်၏ သဘောတူညီချက်ဖြင့်၂၀၁၁ မတ်လ ၃၀ ကစပြီး ခန့်အပ်ခြင်းဖြစ်သည်။[၁]၎င်းသည် ၂၀၂၃ ဩဂုတ် ၂ရက် အထိ တာဝန်ထမ်းဆောင်ခဲ့သည်။
ပညာသင် ဘ၀
[ပြင်ဆင်ရန်]၁၉၇၉ ခုနှစ်တွင် ရန်ကုန်တက္ကသိုလ်မှ B.A(Law) နှင့် LL.B ဥပဒေဘွဲ့များကို ရရှိခဲ့သည်။
ဝန်ထမ်းဘဝ
[ပြင်ဆင်ရန်]ဥပဒေဘွဲ့ရရှိပြီးနောက် မြန်မာ့တပ်မတော်တွင် တာဝန်ထမ်းဆောင်သည်။ ၁၉၉၄ ခုနှစ်အထိ စစ်ဥပဒေချုပ်ရုံးတွင် တာဝန်ထမ်းဆောင်ခဲ့သည်။
နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက် ၂၀၀၇ ခုနှစ်တွင် ဒုတိယပြည်ထောင်စုတရားသူကြီးချုပ်တာဝန်ကို ထမ်းဆောင်ခဲ့ပြီး နိုင်ငံတော်သမ္မတ ဦးသိန်းစိန် အစိုးရလက်ထက်မှ စတင်ကာ နိုင်ငံတော်စီမံအုပ်ချုပ်ရေးကောင်စီလက်ထက် ၂၀၂၃ ဩဂုတ်လ ၂ရက်နေ့အထိ ပြည်ထောင်စုတရားသူကြီးချုပ်တာဝန် ထမ်းဆောင်ခဲ့သူဖြစ်သည်။[၂] [၃]
အရေးယူပိတ်ဆို့ ခံရမှု
[ပြင်ဆင်ရန်]နိုင်ငံတွင်းတရားဥပဒေစိုးမိုးရေး ယုတ်လျော့စေရန် နှင့် ဒီမိုကရေစီအဖွဲ့အစည်းများ ချိနဲ့ ဆုတ်ယုတ်စေရန် ဆောင်ရွက်ပေးသည်ဆိုသော စွပ်စွဲချက်ဖြင့် အမေရိကန်က ဦးထွန်းထွန်းဦးကို ၂၀၂၂ ဇန်နဝါရီ ၃၁ရက်တွင် ဒဏ်ခတ်ပိတ်ဆို့မှုလုပ်သည်။ အလားတူ ဥရောပသမဂ္ဂကလည်း ရွေးကောက်ခံနိုင်ငံ့ခေါင်းဆောင်များအား ဖမ်းဆီးခြင်းအပါအဝင် စွပ်စွဲချက်ပုဒ်မများတပ် အရေးယူထောင်ချခဲ့မှုနှင့် စပ်လျဉ်းပြီး တာဝန်ရှိသည်ဆိုကာ ၂၀၂၂ နိုဝင်ဘာ ၈ရက်တွင် ဒဏ်ခတ်ပိတ်ဆို့ အရေးယူသည်။[၄] [၅]
ဂုဏ်ပြုခံရခြင်း
[ပြင်ဆင်ရန်]၂၀၂၂ ခုနှစ် ၊ မတ်လ ၂၇ ရက်တွင် နိုင်ငံတော်စီမံအုပ်ချုပ်ရေးကောင်စီ အမိန့်ကြော်ငြာစာအမှတ် ၂၆/၂၀၂၂ အားဖြင့် ပြည်ထောင်စုစည်သူသင်္ဂဟဘွဲ့ ဖြစ်သော စည်သူဘွဲ့ကို နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ မင်းအောင်လှိုင်က ချီးမြှင့်အပ်နှင်းခဲ့သည်။[၆]
ကိုးကား
[ပြင်ဆင်ရန်]- ↑ https://7day.news/ပြည်ထောင်စုတရားသူကြီးချုပ်နှင့်-ရှေ့နေချုပ်ခန့်အပ်ခြင်းကိစ္စ-သမ္မတပြောရေးဆိုခွင့်ရှိသူရှင်း-----2118
- ↑ https://www.burmalibrary.org/sites/burmalibrary.org/files/obl/2007-03-12-SPDC-Order-No.2-bu-tu.pdf
- ↑ ပြည်ထောင်စုတရားသူကြီးချုပ် ကို စစ်ကောင်စီ ဖြုတ်ပစ်။ New Day Myanmar (၂ ဩဂုတ် ၂၀၂၃)။ 2 August 2023 တွင် မူရင်းအား မော်ကွန်းတင်ပြီး။ ၂ ဩဂုတ် ၂၀၂၃ တွင် ပြန်စစ်ပြီး။
- ↑ Treasury Sanctions Regime Officials and Military Affiliated Cronies in Burma on One-Year Anniversary of Military Coup။ U.S. DEPARTMENT OF THE TREASURY (31 January 2022)။ 2 August 2023 တွင် ပြန်စစ်ပြီး။
- ↑ စစ်ကောင်စီအဖွဲ့နဲ့ ပုဂ္ဂိုလ် ၁၉ ဦးကို ဥရောပသမဂ္ဂ ဒဏ်ခတ်အရေးယူ။ RFA Burmese (၈ နိုဝင်ဘာ ၂၀၂၂)။ ၂ ဩဂုတ်၂၀၂၃ တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း။ NPE။ 2 August 2025 တွင် ပြန်စစ်ပြီး။