ရှမ်းနှင့်တိုင်းရင်းသားများ ဒီမိုကရက်တစ်ပါတီ (ကျားဖြူပါတီ)
| ရှမ်းနှင့်တိုင်းရင်းသားများဒီမိုကရက်တစ်ပါတီ (ကျားဖြူပါတီ) | |
|---|---|
| ခေါင်းဆောင် | စိုင်းအိုက်ပေါင်း |
| တည်ထောင်ခြင်း | ၂၃ ဇွန် ၂၀၂၃ |
| ယခင် | ရှမ်းတိုင်းရင်းသားများ ဒီမိုကရက်တစ် ပါတီ |
| ဌာနချုပ် | ရန်ကုန်တိုင်းဒေသကြီး၊ အလုံမြို့နယ်၊ ကမ်းနားလမ်း၊ MMM ကွန်ဒို၊ အမှတ် ၄၃-၄၄ (8-A) |
| မြန်မာနိုင်ငံ၏ နိုင်ငံရေး နိုင်ငံရေးပါတီများ | |
ရှမ်းနှင့် တိုင်းရင်းသားများ ဒီမိုကရက်တစ်ပါတီ (ကျားဖြူပါတီ) (အင်္ဂလိပ်: Shan & Nationalities Democratic Party (White Tiger Party)) သည် ပြည်ထောင်စုအဆင့် ဝင်ပြိုင်သည့် နိုင်ငံရေးပါတီတစ်ခုဖြစ်သည်။ ယခင် ရှမ်းတိုင်းရင်းသားများ ဒီမိုကရက်တစ်ပါတီ အမည်ဖြင့် မှတ်ပုံတင်ခဲ့သော ပါတီဖြစ်ပြီး ၂၀၂၃ ခုနှစ်တွင် လက်ရှိအမည်သို့ ပြောင်းလဲခဲ့ခြင်း ဖြစ်သည်။
ခေါင်းဆောင်များ
[ပြင်ဆင်ရန်]ကျားဖြူပါတီ၏ ဥက္ကဋ္ဌသည် စိုင်းအိုက်ပေါင်း ဖြစ်သည်။
သမိုင်းကြောင်း
[ပြင်ဆင်ရန်]ရှမ်းတိုင်းရင်းသားများ ဒီမိုကရက်တစ်ပါတီကို ၂၀၁၀ ပြည့်နှစ်တွင် စတင်တည်ထောင်ခဲ့ပြီး၊ ၂၀၁၀ အထွေထွေရွေးကောက်ပွဲတွင် ဝင်ရောက်ယှဉ်ပြိုင်ခဲ့သည်။ ပါတီ၏ မူလရည်ရွယ်ချက်မှာ ရှမ်းပြည်နယ်နှင့် ရှမ်းတိုင်းရင်းသားတို့၏ အရေးကို အဓိကထား ကိုယ်စားပြုရန်ဖြစ်သည်။
အမည်ပြောင်းလဲခြင်းနှင့် ရည်ရွယ်ချက်
[ပြင်ဆင်ရန်]၂၀၂၃ ခုနှစ်၊ ဇွန်လ ၂၃ ရက်နေ့တွင် ပါတီအမည်ကို "ရှမ်းနှင့် တိုင်းရင်းသားများ ဒီမိုကရက်တစ်ပါတီ" ဟု ပြောင်းလဲကာ ပြည်ထောင်စုရွေးကောက်ပွဲကော်မရှင်၏ ကြေညာချက်အမှတ် (၃၃/၂၀၂၃) ဖြင့် မှတ်ပုံတင်ခွင့်ပြုခဲ့သည်။ [၁] ပါတီ၏ မှတ်ပုံတင်အမှတ်မှာ (၂၈) ဖြစ်သည်။
ပါတီဥက္ကဋ္ဌ ဦးစိုင်းအိုက်ပေါင်း ၏ ပြောကြားချက်အရ ပါတီသည် ပြည်ထောင်စုအဆင့် ရွေးကောက်ပွဲများတွင် ပါဝင်ယှဉ်ပြိုင်မည်ဖြစ်ရာ ရှမ်းတိုင်းရင်းသားများအပြင် မြန်မာနိုင်ငံရှိ အခြားသော တိုင်းရင်းသားလူမျိုးများ၏ အကျိုးစီးပွားကိုပါ ကိုယ်စားပြုနိုင်ရန် ရည်ရွယ်၍ အမည်ပြောင်းလဲခဲ့ခြင်း ဖြစ်သည်။ ဤအမည်ပြောင်းလဲခြင်းသည် ပါတီ၏ နိုင်ငံရေးရှုထောင့်ကို ပိုမိုကျယ်ပြန့်လာစေရန် ရည်မှန်းခြင်းဖြစ်ကြောင်း ၎င်းက ဆိုသည်။ [၂]
ပါတီရုံးချုပ်ကို ရန်ကုန်တိုင်းဒေသကြီး၊ အလုံမြို့နယ်၊ ကမ်းနားလမ်း၊ MMM ကွန်ဒို၊ အမှတ် ၄၃-၄၄ (8-A) တွင် ဖွင့်လှစ်ထားရှိသည်။[၃]
ဖြစ်ရပ်များ
[ပြင်ဆင်ရန်]ရှမ်းနှင့် တိုင်းရင်းသားများ ဒီမိုကရက်တစ်ပါတီ (ကျားဖြူပါတီ) SNDP သည် သျှမ်းပြည်နယ်အပြင် ရန်ကုန်တိုင်း၊ မန္တလေးတိုင်း၊ ဧရာဝတီတိုင်း၊ ပဲခူးတိုင်း၊ တနင်္သာရီတိုင်း၊ နေပြည်တော်နှင့် မွန်ပြည်နယ်တို့တွင် ရွေးကောက်ပွဲဝင်ရောက်ယှဉ်ပြိုင်သွားမည်ဖြစ်ပြီး ပါတီရုံးပေါင်း ၁၂၀ ကျော် ဖွင့်လှစ်နိုင်ခဲ့ပြီ။[၄]
ရွေးကောက်ပွဲ ရလဒ်များ
[ပြင်ဆင်ရန်]အမျိုးသားလွှတ်တော်
[ပြင်ဆင်ရန်]| ရွေးကောက်ပွဲ | စုစုပေါင်း အနိုင်ရနေရာ | မဲစုစုပေါင်း | မဲရာခိုင်နှုန်း | ရွေးကောက်ပွဲရလဒ် | ရွေးကောက်ပွဲ ဦးဆောင်သူ |
|---|---|---|---|---|---|
| ၂၀၂၅ | ၀ / ၂၂၄ |
စိုင်းအိုက်ပေါင်း |
ပြည်သူ့လွှတ်တော်
[ပြင်ဆင်ရန်]| ရွေးကောက်ပွဲ | စုစုပေါင်း အနိုင်ရနေရာ | မဲစုစုပေါင်း | မဲရာခိုင်နှုန်း | ရွေးကောက်ပွဲရလဒ် | ရွေးကောက်ပွဲ ဦးဆောင်သူ |
|---|---|---|---|---|---|
| ၂၀၂၅ | ၀ / ၄၄၀ |
စိုင်းအိုက်ပေါင်း |
ပြည်နယ်လွှတ်တော်
[ပြင်ဆင်ရန်]| ရွေးကောက်ပွဲ | စုစုပေါင်း အနိုင်ရနေရာ | မဲစုစုပေါင်း | မဲရာခိုင်နှုန်း | ရွေးကောက်ပွဲရလဒ် | ရွေးကောက်ပွဲ ဦးဆောင်သူ |
|---|---|---|---|---|---|
| ၂၀၂၅ | ၀ / ၄၄၀ |
စိုင်းအိုက်ပေါင်း |
တိုင်းရင်းသားရေးရာ ဝန်ကြီးများ
[ပြင်ဆင်ရန်]| ရွေးကောက်ပွဲ | စုစုပေါင်း အနိုင်ရနေရာ | မဲစုစုပေါင်း | မဲရာခိုင်နှုန်း | ရွေးကောက်ပွဲရလဒ် | ရွေးကောက်ပွဲ ဦးဆောင်သူ |
|---|---|---|---|---|---|
| ၂၀၂၅ | ၀ / ၂၉ |
စိုင်းအိုက်ပေါင်း |
ကိုးကား
[ပြင်ဆင်ရန်]- ↑ ရှမ်းနှင့် တိုင်းရင်းသားများ ဒီမိုကရက်တစ်ပါတီ၊ ဒီမိုကရက်တစ်ပါတီ၊ ဒီမိုကရက်တစ်အင်အားစု လေဘာပါတီနှင့် အမျိုးသမီးပါတီ (မွန်) တို့ကို နိုင်ငံရေးပါတီများအဖြစ် မှတ်ပုံတင်ခွင့်ပြုခဲ့ပြီး မှတ်ပုံတင်ရရှိသည့်ပါတီ ၃၁ ပါတီရှိလာ။ Eleven Media။ 2025-7-27 တွင် ပြန်စစ်ပြီး။
- ↑ ကျားဖြူပါတီ နာမည်ပြောင်းလဲပြီး နိုင်ငံရေးပါတီအဖြစ် မှတ်ပုံတင်။ Shan Herald။ 2025-7-26 တွင် ပြန်စစ်ပြီး။
- ↑ ရှမ်းနှင့်တိုင်းရင်းသားများ ဒီမိုကရက်တစ်ပါတီ(ကျားဖြူပါတီ)ကို နိုင်ငံရေးပါတီအဖြစ် မှတ်ပုံတင်ခွင့်ပြု။ Myawaddy Portal။ 2025-7-27 တွင် ပြန်စစ်ပြီး။
- ↑ မွန်ပြည်နယ် ၇ မြို့နယ်တွင် ပါတီရုံးဖွင့်လှစ်ရန် ကျားဖြူပါတီ စီစဉ်ထား။ Independent Mon News Agency။ 2025-7-26 တွင် ပြန်စစ်ပြီး။