Ірына Уладзіміраўна Вягера
| Ірына Уладзіміраўна Вягера | |
|---|---|
| Дата нараджэння | 1 жніўня 1981 |
| Месца нараджэння | Наваполацк, Віцебская вобласць, Беларусь |
| Грамадзянства |
 Беларусь |
| Навуковая сфера | правазнаўства |
| Месца працы | Полацкі дзяржаўны ўніверсітэт імя Ефрасінні Полацкай |
| Навуковая ступень | кандыдат юрыдычных навук |
| Навуковае званне | дацэнт |
| Альма-матар | Полацкі дзяржаўны ўніверсітэт імя Ефрасінні Полацкай |
Ірына Уладзіміраўна Вягера (нар. 1 жніўня 1981, Наваполацк, Віцебская вобласць) — беларускі юрыст, кандыдат юрыдычных навук, дацэнт.
Біяграфія
[правіць | правіць зыходнік]Нарадзілася 1 жніўня 1981 года ў Наваполацку.
У 2003 годзе скончыла юрыдычны факультэт Полацкага дзяржаўнага ўніверсітэта па спецыяльнасці «Правазнаўства». У 2003—2006 гадах навучалася ў аспірантуры Беларускага дзяржаўнага ўніверсітэта па спецыяльнасці «Канстытуцыйнае права; муніцыпальнае права». 30 лістапада 2006 года абараніла ў Беларускім дзяржаўным універсітэце дысертацыю на саісканне навуковай ступені кандыдата юрыдычных навук па тэме «Заканадаўчыя акты як крыніца канстытуцыйнага права: Рэспубліка Беларусь і рамана-германская юрыдычная традыцыя». У 2012 годзе рацэннем ВАК Рэспублікі Беларусь ёй было прысвоена навуковае званне дацэнта па спецыяльнасці «Правазнаўства».
З 2003 года працуе ў Полацкім дзяржаўным універсітэце: у 2003—2010 гадах — асістэнтам, старшым выкладчыкам і дацэнтам кафедры тэорыі і гісторыі дзяржавы і права; у 2010—2012 гадах — загадчыкам кафедры сацыяльна-гуманітарных, эканамічных і прававых дысцыплін Інстытута павышэння кваліфікацыі і перападрыхтоўкі кадраў ПДУ; у 2012—2014 гадах —загадчыкам кафедры крымінальнага права і крыміналістыкі. З 2014 года займае пасаду дэкана юрыдычнага факультэта Полацкага дзяржаўнага ўніверсітэта.
Навуковая дзейнасць
[правіць | правіць зыходнік]Сфера навуковых інтарэсаў: праблемы канстытуцыйнага права Рэспублікі Беларусь і замежных краін, правы чалавека, крыніцы канстытуцыйнага права, методыка выкладання канстытуцыйнага права ў вышэйшай школе і інш. Аўтар больш 70 навуковых і навукова-метадычных публікацый, манаграфій і падручнікаў[1].
Зноскі
Спасылкі
[правіць | правіць зыходнік] Тэматычныя сайты |
|---|
