Алена Васілеўна Жураўлёва
| Алена Васілеўна Жураўлёва |
|---|
Алена Васілеўна Журавлёва (нар. 3 чэрвеня 1965, Нясвіж) — беларуская педагог і дэпутатка.
Біяграфія
[правіць | правіць зыходнік]Нарадзілася 3 чэрвеня 1965 года ў горадзе Нясвіж Мінскай вобласці[1].
Скончыла Мінскі дзяржаўны педагагічны інстытут імя Максіма Горкага па спецыяльнасці «Матэматыка»[1].
Працоўную дзейнасць пачала настаўніцай матэматыкі сярэдняй школы № 2 г. Нясвіжа; працавала вызваленай сакратаркай камсамольскай арганізацыі Нясвіжскага педагагічнага вучылішча; арганізатаркай пазаўрочнай і пазашкольнай выхаваўчай работы сярэдняй школы № 29 г. Хабараўска; выкладчыцай інфарматыкі і вылічальнай тэхнікі Нясвіжскага педагагічнага вучылішча; намесніцай дырэктара па вучэбнай рабоце Нясвіжскага дзяржаўнага каледжа імя Якуба Коласа[1].
Дырэктарка Нясвіжскага дзяржаўнага каледжа імя Якуба Коласа[1].
Дэпутатка Нясвіжскага раённага Савета дэпутатаў 26-га і 27-га скліканняў[1].
Дэлегатка V Усебеларускага народнага сходу[1].
Выбрана ў 2024 годзе членам Савета Рэспублікі Нацыянальнага сходу Беларусі 8-га склікання ад Мінскай вобласці (вылучана ад Нясвіжскага, Клецкага, Капыльскага раёнаў)[1]. Член Пастаяннай камісіі Савета Рэспублікі па адукацыі, навуцы, культуры і сацыяльным развіцці[1].
Член Каардынацыйнага савета па пытаннях бесперапыннай педагагічнай адукацыі, РГА «Белая Русь», Беларускага саюза жанчын[1].
Узнагароды
[правіць | правіць зыходнік]Узнагароджана нагрудным знакам Міністэрства адукацыі «Выдатнік адукацыі»[1]. Удастоены ганаровага звання «Заслужаны настаўнік Рэспублікі Беларусь»[1].
Крыніцы
[правіць | правіць зыходнік]Спасылкі
[правіць | правіць зыходнік]- Асобы
- Вікіпедыя:Артыкулы пра асоб, якія не маюць старонак цёзак па прозвішчы
- Нарадзіліся 3 чэрвеня
- Нарадзіліся ў 1965 годзе
- Члены Савета Рэспублікі Нацыянальнага сходу Рэспублікі Беларусь 8-га склікання
- Дэпутаты Нясвіжскага раённага Савета дэпутатаў
- Дэлегаты Усебеларускага народнага сходу 5-га склікання
- Педагогі Беларусі
- Заслужаныя настаўнікі Рэспублікі Беларусь