Алеся Вячаславаўна Гаўрыленка

Алеся Вячаславаўна Гаўрыленка
Алеся Вячаславаўна Гаўрыленка
Дата нараджэння	4 жніўня 2005 (20 гадоў)
Месца нараджэння	Стрэшын, Беларусь;
Рост	172 см
Колер валасоў	блонд[d]
Вочы	блакітны[d]
Грамадзянства	Беларусь;

Алеся Вячаславаўна Гаўрыленка (нар. 4 жніўня 2005(2005-08-04), Стрэшын^[1]) — беларуская мадэль. Займаецца мадэльнай дзейнасцю з 14 гадоў. Супрацоўнічала з Dior, Louis Vuitton, Versace, Comme des Garçons і Tiffany.

Біяграфія

Нарадзілася і вырасла ў вёсцы Стрэшын у Жлобінскім раёне. У 13 год вучылася ў стрэшынскай школе, дзе ў класе было ўсяго 11 вучняў. У гэты час выпадкова ўбачыла ў Instagram аб’яву «Хто хоча стаць мадэллю — пішыце» і адгукнулася, даслаўшы фатаграфіі^[3]. Пасля водгуку яе запрасілі на прагляд у Мінск, а потым прапанавалі кантракт з міжнародным мадэльным агенцтвам^[4]. Спачатку бацькі не хацелі адпускаць дачку на здымкі, баючыся, што гэта можа быць небяспечным. Бацька асабіста наведаў офіс агенцтва ў Мінску, пасля чаго Алеся падпісала трохгадовы кантракт^[4]^[5].

У 14 гадоў адправілася ў сваю першую службовую паездку — у Паўднёвую Карэю, дзе ўдзельнічала ў здымках рэкламы вясельных упрыгожванняў для Tiffany & Co.^[3]^[4]. Пасля вяртання ў Беларусь паспяхова скончыла дзявяты клас і працягнула навучанне. На першыя ганарары са здымак у 14 гадоў купіла бацькам карову^[3]. Пасля заканчэння школы паступіла на юрыдычны факультэт Міжнароднага ўніверсітэта «МІПСА». На момант 2025 года вывучала міжнароднае права, а таксама англійскую і французскую мовы^[5].

Кар’ера

Прафесійную мадэльную дзейнасць вядзе з 14 гадоў. За гэты час мела магчымаць супрацоўнічаць з брэндамі Dior, Louis Vuitton, Versace, Comme des Garçons, Tiffany і іншымі. Удзельнічала ў фотасесіях і паказах у Паўднёвай Карэі, Кітаі, Японіі, Тайвані і Тайландзе^[3]. У Японіі здымалась для часопіса парыкоў, у Кітаі удзельнічала ў здымках у вобразе «марской німфы»^[5]. Сярэдні заробак складаў каля 100 долараў за гадзіну, пры гэтым значная частка даходаў ішла на аплату пералётаў, жылля і камісіі агенцтва^[3].

Асабістае жыццё

Маці — Галіна Мар’янаўна, займаецца дамовай гаспадаркай. Бацька — Вячаслаў Іванавіч, на момант 2025 года працаваў на Беларускім металургічным заводзе^[5]^[6]. Мае сястру і двух братоў^[6].

Крыніцы

↑ ^а ^б https://people.onliner.by/2025/08/15/straight-outta-streshin
↑ ^а ^б ^в https://fashionmodelsmanagement.com/alesia-h/
↑ ^а ^б ^в ^г ^д Маниту, Саша. «С гонораров от Dior и Versace купила родителям корову». Как успешная топ-модель живет в белорусской деревне (руск.). Onliner (15 жніўня 2025). Праверана 15 кастрычніка 2025.
↑ ^а ^б ^в "На первые деньги купила корову". Эта белоруска из Жлобинского района стала топ-моделью мирового уровня (руск.). БелТА (2 кастрычніка 2025). Праверана 15 кастрычніка 2025.
↑ ^а ^б ^в ^г На первые деньги купила маме корову (руск.). Спецпроект БелТА «Белорусы в кадре» (17 кастрычніка 2025). Праверана 15 кастрычніка 2025.
↑ ^а ^б На первые деньги купила КОРОВУ! // Модель про самые странные съёмки, карьеру и детство в деревне на YouTube

Спасылкі

[_2ef54c98c6449f70-1] а ^б https://people.onliner.by/2025/08/15/straight-outta-streshin

[_c3f169922cf9156c-2] а ^б ^в https://fashionmodelsmanagement.com/alesia-h/

[:0-3] а ^б ^в ^г ^д Маниту, Саша. «С гонораров от Dior и Versace купила родителям корову». Как успешная топ-модель живет в белорусской деревне (руск.). Onliner (15 жніўня 2025). Праверана 15 кастрычніка 2025.

[:1-4] а ^б ^в "На первые деньги купила корову". Эта белоруска из Жлобинского района стала топ-моделью мирового уровня (руск.). БелТА (2 кастрычніка 2025). Праверана 15 кастрычніка 2025.

[:2-5] а ^б ^в ^г На первые деньги купила маме корову (руск.). Спецпроект БелТА «Белорусы в кадре» (17 кастрычніка 2025). Праверана 15 кастрычніка 2025.

[:3-6] а ^б На первые деньги купила КОРОВУ! // Модель про самые странные съёмки, карьеру и детство в деревне на YouTube

[1]

[2]

[3]

[4]

[5]

[6]