Аляксандр Антонавіч Марціноўскі

Аляксандр Антонавіч Марціноўскі
Дата нараджэння	2 лютага 1829(1829-02-02)
Месца нараджэння	Мінская губерня, Расійская імперыя
Дата смерці	20 жніўня 1888(1888-08-20) (59 гадоў)
Месца смерці	Магілёў, Магілёўская губерня, Расійская імперыя
Грамадзянства	Беларусь  Расійская імперыя
Жонка	Анастасія Еўплаўна Сямёнкіна[d]
Род дзейнасці	хірург, урач, ваенны ўрач
Альма-матар	Мінскае дваранскае вучылішча[d] Мінская мужчынская гімназія Імператарская медыка-хірургічная акадэмія[d] (1854)

Аляксандр Антонавіч Марціноўскі (2 лютага 1829, Мінская губерня — 20 жніўня 1888, Магілёў) — беларускі вайсковы лекар, правадзейны стацкі саветнік, удзельнік Крымскай і Руска-турэцкай вайны 1877—1878 гг..

Біяграфія

Паходзіў з роду дваран Мінскай губерні. Маці — Валерыя Марціноўская, дваранка Слуцкага павета. Меў сястру Мальвіну, а таксама, верагодна, старэйшага брата Вацлава Антонавіча Марціноўскага, які ў 1865 годзе атрымаў у спадчыну маёнтак і, магчыма, быў вайскоўцам.

Нарадзіўся 2 лютага 1829 года. Пасля Мінскага дваранскага вучылішча вучыўся ў Мінскай гімназіі. У 1854 годзе скончыў ваенную медыцынскую акадэмію ў Санкт-Пецярбургу. Служыў у Церскім казачым войску, потым у пяхотных дывізіях на Магілёўшчыне.

Прымаў удзел у Крымскай вайне і Руска-турэцкай вайне 1877—1878 гадоў.

Памёр 20 жніўня 1888 года ў Магілёве.

Сям’я

Жонка — Анастасія Еўплаўна Марціноўская (у дзявоцтве Сямёнкіна), дачка генерал-лейтэнанта, вядомага казакa Еўпла Філіпавіча Сямёнкіна. Памерла 24 мая 1882 года.

Дзеці:

• Аляксандра (24 красавіка 1865 — ?), у замужжы Свідзерская;
• Канстанцін (9 жніўня 1868 — ?);
• Надзея (26 кастрычніка 1871 — ?);
• Леў (3 лістапада 1873 — ?);
• Алена (20 кастрычніка 1879 — 1934, Парыж), у замужжы Хатунцава; у яе застаўся муж і сын, пра смерць паведамляў Саюз смалянак.