Анатоль Аркадзевіч Лазарэвіч

Анатоль Аркадзевіч Лазарэвіч
Анатоль Аркадзевіч Лазарэвіч
Дата нараджэння	7 сакавіка 1958 (67 гадоў)
Месца нараджэння	Сенненскі раён, Віцебская вобласць, Беларуская ССР, СССР;
Грамадзянства	СССР; Беларусь;
Альма-матар	Віцебскі дзяржаўны педагагічны інстытут (1980);
Узнагароды

Анатоль Аркадзевіч Лазарэвіч (нар. 7 сакавіка 1958(1958-03-07), Сенненскі раён, Віцебская вобласць) — беларускі вучоны. Дырэктар Інстытута філасофіі Нацыянальнай акадэміі навук Беларусі (з 2009). Кандыдат філасофскіх навук (1988), дацэнт (2001).

Біяграфія

Нарадзіўся 7 сакавіка 1958 года^[1] ў Сенненскім раёне Віцебскай вобласці.

У 1980 годзе скончыў фізіка-матэматычны факультэт Віцебскага дзяржаўнага педагагічнага інстытута, у 1988 годзе — аспірантуру Інстытута філасофіі і права Акадэміі навук БССР.

З 1988 па 1997 год працаваў малодшым навуковым супрацоўнікам, навуковым супрацоўнікам, старшым навуковым супрацоўнікам, вучоным сакратаром Інстытута філасофіі і права, з 1997 года — намеснікам дырэктара па навуковай рабоце Інстытута філасофіі НАН Беларусі.

З 2009 года — дырэктар Інстытута філасофіі Нацыянальнай акадэміі навук Беларусі.

Намеснік старшыні Беларускага філасофскага таварыства^[2].

Навуковая дзейнасць

Сфера навуковых інтарэсаў: эпістэмалогія, сучасныя праблемы тэхнагеннай цывілізацыі, філасофія постіндустрыяльнага і інфармацыйнага грамадства. Аўтар больш за 300 навуковых прац, у тым ліку тры індывідуальныя і шэраг калектыўных манаграфій^[3].

Узнагароды

Медаль Францыска Скарыны (2016)^[4].

Крыніцы

[1] От имени Президиума Национальной академии наук Беларуси и от себя лично поздравляю с днем рождения: // Веды. № 13 (2429) 25 сакавіка 2013 г. — С. 6.

[2] Белорусское философское общество в интеллектуальной жизни Беларуси

[3] Коллектив Института философии поздравляет директора Анатолия Аркадьевича Лазаревича с 65-летием!

[4] Указ Президента Республики Беларусь от 25 марта 2016 года № 110 «Аб узнагароджанні»

[1]

[2]

[3]

[4]