Аркадзія (зьніклае паселішча)
| Аркадзія | |
| Дата заснаваньня: | перад 1811 годам |
| Краіна: | Беларусь |
| Часавы пас: | UTC+3 |
| Тэлефонны код: | |
Аркадзія (Аркадыя) — колішні фальварак, які месьціўся ў межах сучаснага Хвойніцкага раёну Гомельскай вобласьці Беларусі.
Гісторыя
[рэдагаваць | рэдагаваць крыніцу]_%D1%96_%D0%B2._%D0%A3%D0%BB%D0%B0%D1%81%D1%8B_%D0%BD%D0%B0_%D0%BC%D0%B0%D0%BF%D0%B5_%D0%A8%D1%83%D0%B1%D1%8D%D1%80%D1%82%D0%B0-%D0%A2%D1%83%D1%87%D0%BA%D0%BE%D0%B2%D0%B0_1846_%E2%80%93_1863_%D0%B3%D0%B3.png?lang=be-tarask)
Згодна з дакумэнтам, пазначаным 14 днём лютага 1811 году, фальварак Аркадыя з прылегласьцямі ў Рэчыцкім павеце, які належаў пані Людвіцы з князёў Шуйскіх, жонцы абознага Караля, Прозаравай, аддадзены ў 6-гадовую арэнду шляхцічу Паўлу Жукоўскаму за выплату нібыта ў 90, але ў іншым варыянце запісу — у 500 рублёў серабром штогадова[1]. З інвэнтара 1844 году маёнтку Юзафоў, прыналежнага Юзафу, сыну Караля, Прозару, вядома, што да фальварку Аркадыя прыпісаная вёска Ўласы з 17 дварамі[2]. У мэтрычнай кнізе Астраглядаўскага касьцёлу Ўнебаўзяцьця Найсьвяцейшай Панны Марыі пад 1850 годам названая таксама і вёска Аркадыя[3]. Іншых зьвестак пра паселішча пакуль няма, хоць на мапах, вытворных ад вышэйзгаданай, яно пазначана і ў пачатку XX ст.