Валерый Пятровіч Дзяйкала

Валерый Пятровіч Дзяйкала
Валерый Пятровіч Дзяйкала
Дата нараджэння	11 ліпеня 1960
Месца нараджэння	Гродна, Гродзенская вобласць, Беларуская ССР, СССР;
Дата смерці	12 мая 2025 (64 гады)
Грамадзянства	Беларусь;
Род дзейнасці	траўматолаг, артапед
Месца працы	Віцебскі дзяржаўны медыцынскі ўніверсітэт;
Навуковая ступень	доктар медыцынскіх навук
Навуковае званне	прафесар;
Альма-матар	Лячэбны факультэт ГрДМУ (1983);
Узнагароды

Валерый Пятровіч Дзяйкала (11 ліпеня 1960(1960-07-11), Гродна — 12 мая 2025(2025-05-12)) — беларускі ўрач-траўматолаг-артапед. Доктар медыцынскіх навук (2004), прафесар. Рэктар Віцебскага дзяржаўнага медыцынскага ўніверсітэта (2005—2015).

Біяграфія

У 1983 годзе скончыў лячэбны факультэт Гродзенскага дзяржаўнага медыцынскага інстытута.

У 1983−1985 гадах — клінічны ардынатар кафедры траўматалогіі, артапедыі і ваенна-палявой хірургіі Віцебскага дзяржаўнага медыцынскага інстытута, затым — асістэнт, дацэнт, дактарант, а з 2001 года — загадчык кафедры. У 1999—2001 гадах па сумяшчальніцтве працаваў начальнікам клінічнага аддзела ўніверсітэта. З 2002 па 2005 гады — прарэктар па вучэбнай рабоце з замежнымі студэнтамі і міжнародным сувязям, з 2005 года — прарэктар па вучэбнай рабоце і міжнародных сувязях. Са снежня 2005 года па жнівень 2006 года выконваў абавязкі рэктара ўніверсітэта. У жніўні 2006 года прызначаны рэктарам Віцебскага дзяржаўнага медыцынскага ўніверсітэта. З сакавіка 2015 года — прафесар кафедры траўматалогіі і артапедыі ВДМУ.

У 1990 годзе абараніў кандыдацкую, а ў 2003 годзе доктарскую дысертацыі на стыку двух спецыяльнасцяў «Траўматалогія і артапедыя», «Грамадскае здароўе і ахова здароўя».

Памёр 12 мая 2025 года.

Навуковыя інтарэсы

Распрацоўка і ўдасканаленне дыягностыкі, сучасныя метады аперацыйнага і кансерватыўнага лячэння, рэабілітацыя пацыентаў артапеда-траўматалагічнага профілю; хвароба Дзюпюітрэна; арганізацыя аховы здароўя; арганізацыя вучэбнага і выхаваўчага працэсу ў ВНУ; праблемы падрыхтоўкі навуковых кадраў; падрыхтоўка медыцынскіх кадраў для замежных краін.

Узнагароды

Спасылкі