Валерый Уладзіміравіч Балоцін

Валерый Уладзіміравіч Балоцін
Валерый Уладзіміравіч Балоцін
Дата нараджэння	20 сакавіка 1949 (76 гадоў)
Месца нараджэння	Мінск, Беларуская ССР, СССР;
Грамадзянства	СССР;
Альма-матар	БПІ (1972);
Месца працы	Мінскграмадзянпраект; Белжылпраект;
Член у	Саюз архітэктараў СССР;

Валерый Уладзіміравіч Балоцін (нар. 20 сакавіка 1949(1949-03-20), Мінск) — беларускі архітэктар.

Біяграфія

Нарадзіўся 20 сакавіка 1949 года ў Мінску.

У 1972 годзе скончыў Беларускі політэхнічны інстытут. Працаваў у Мінскграмадзянпраекце, з 1980 года — кіраўнік групы архітэктараў у Белжылпраекце.

Асноўныя працы (у аўтарскім калектыве): 15-павярховы жылы дом з ювелірнай крамай (1981) і аб’яднаны гандлёвы цэнтр па вул. Леніна (1984) у Салігорску, інтэр’еры будынка Дому шлюбаў па вул. Камуністычнай (1984), добраўпарадкаванне жылога квартала ў раёне Прывакзальнай плошчы (1985) у Мінску, комплекс 9-павярховых жылых дамоў з блокамі абслугоўвання па вул. Леніна ў Маладзечне (1986).

Болотин Валерий Владимирович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)