Воршасырзавод
Каардынаты: 54°30′39″ пн. ш. 30°24′4″ у. д. / 54.51083° пн. ш. 30.40111° у. д.
| «Воршасырзавод» | |
| наркам. «Оршасырзавод» | |
 | |
| Тып | унітарнае прадпрыемства[1] |
|---|---|
| Заснаваная | 22 сьнежня 1955 (69 гадоў таму) |
| Заснавальнікі | Савет мінісраў Беларускай ССР |
| Уласьнікі | «Аршанскі мясакансэрвавы камбінат» |
| Краіна | Беларусь |
| Разьмяшчэньне | Віцебская вобласьць |
| Адрас | Ворша, вуліца Якубоўскага, дом 10[2] |
| Ключавыя фігуры | Аляксандар Падворны (кіраўнік), Аляксей Аўсюкевіч (галоўны інжынэр)[3] |
| Галіна | харчовая прамысловасьць |
| Прадукцыя | плаўлены сыр, марозіва |
| Матчына кампанія | «Аршанскі мясакансэрвавы камбінат»[4] |
«Воршасырзавод» — дзяржаўнае харчовае прадпрыемства Беларусі, заснаванае ў сьнежні 1955 году ў якасьці «Аршанскага заводу плаўленых сыроў» (Віцебская вобласьць).
На 2025 год быў адным зь вядучых вытворцаў плаўленага сыру ў Беларусі і найбольшым вытворцам марозіва ў Віцебскай вобласьці.
Вырабы
[рэдагаваць | рэдагаваць крыніцу]На 2025 год «Воршасырзавод» вырабляў:
- 34 найменьні плаўленага сыру пад таварным знакам «Сырны двор»[5], зь іх —
- 11 у брыкетах па 80 грамаў тлустасьцю ад 20 («Арбіта»)[6] да 60 % у сухім рэчыве, у тым ліку салодкі «Шакалядны» з какавай;
- 4 малаказьмяшчальныя вырабы ў брыкетах на аснове падсырнай сыроваткі тлустасьцю 45 і 50 %[7];
- 2 плаўленыя вырабы «Хутаранка» ў брыкетах тлустасьцю 40 і 45 % з кукурузным крухмалам[8];
- 7 пастападобных па 8 скібак тлустасьцю ад 45 да 55 %[9];
- 6 у палімэрных кубках па 170 грамаў тлустасьцю 45 %, у тым ліку салодкі «Шакалядны плюс» вагой 90 г з какавай[10];
- 4 вэнджаныя каўбасныя тлустасьцю 30 і 40 % у пакунках па 500 грамаў[11];
- 51 найменьне марозіва[12], зь іх —
- 12 у вафэльных кубках па 80 грамаў, у тым ліку плямбір і вяршковае, крэм-бруле і з какавай, з заменьнікам малочнага тлушчу і бяз цукру (з сарбітам)[13];
- 15 відаў эскімо па 70 грамаў, у тым ліку плямбір і вяршковае двухслойнае, у малочнай, карамэльнае і какава-глязуры[14];
- 4 плямбіры ў вафэльным цукровым ражку па 80 грамаў, у тым ліку крэм-бруле[15];
- 2 віды вяршковага ў брыкеце на печыве і ў какава-глязуры па 80 грамаў[16];
- 3 ягадныя сарбэты па 80 грамаў у папяровых кубках, у тым ліку клубнічны, малінавы і чарнічны[17];
- 8 найменьняў сямейнага марозіва ў пакетах па 500 грамаў і па адным кг[18];
- 7 плямбіраў у кювэце па 2 кг, у тым ліку двухслойны[19].
Мінуўшчына
[рэдагаваць | рэдагаваць крыніцу]У чэрвені 1944 году стварылі «Аршанскую маслабазу» (Беларуская ССР). 22 сьнежня 1955 году Савет міністраў Беларускай ССР ухваліў Пастанову № 688 аб яе пераўтварэньні ў «Аршанскі завод плаўленых сыроў». 31 сьнежня 1955 году міністар мяса-малочнай прамысловасьці БССР падпісаў адпаведны Загад № 202[2]. У 1956 годзе праектная магутнасьцю заводу склала 4 т плаўленага сыру і 880 кг марозіва за зьмену. У 1956 годзе выпусьцілі 1300 т плаўленага сыру, 147 т марозіва, 90 т топленага масла, 19 т вафэльных кубачкаў і 10 139 бочак. На заводзе працавала 82 чалавекі. Першым кіраўніком быў Г.І. Шэлектар, а галоўным інжынэрам — Н.Р. Батц. Завод вырабляў 6 відаў плаўленага сыру: заедкавы, 30%- і 40%-вы, вэнджана-каўбасны, цьвёрды сычужны яраслаўскі і такі самы кастрамскі на экспарт. Таксама выпускалі 4 віды марозіва: малочнае і вяршковае з напаўняльнікам і безь яго. Урэшце, выраблялі цукровыя трубачкі, расфасоўвалі ў бляшанкі топленае масла і пастаўлялі бочкі ва ўсе раёны Віцебскай вобласьці. У выніку пераабсталяваньня вытворчую магутнасьць нарасьціі да 9 т сыру і 5 т марозіва за зьмену[20].
29 сьнежня 1997 году Віцебскі абласны выканаўч камітэт ухваліў Рашэньне № 588 аб пераўтварэньні прадпрыемства ў адкрытае акцыйнае таварыства, чые паі разьмеркавалі між пастаўнікамі, працаўнікамі і насельніцтвам Воршы. 5 чэрвеня 2003 году Віцебскі аблвыканкам зацьвердзіў Рашэньне № 314 аб перайменаваньні прадпрыемства ў «Воршасырзавод». Завод уваходзіў у віцебскі канцэрн «Мяса-малочныя прадукты». На 2018 год «Воршасырзавод» вырабляў звыш 50 найменьняў плаўленых сыроў і быў адным зь вядучых вытворцаў такіх сыроў у Беларусі. Таксама выпускалі звыш 30 найменьняў марозіва. За мяжу ў Расею паставілі 4 % вырабаў[2]. 1 лістапада 2018 году завод пераўтварылі ва ўнітарнае прадпрыемства[2].
У 2020 годзе выпусьцілі 600 т марозіва. Ад лістапада па сакавік выпускалі ад 20 да 40 т марозіва, а ў чэрвені яго вытворчасьць даходзіла да 110 т. На 2021 год «Воршасырзавод» быў найбольшым вытворцам марозіва ў Віцебскай вобласьці[21]. 19 жніўня 2021 году завод разьмясьціў на Беларускай унівэрсальнай таварнай біржы заяўкі на продаж плямбіру для продажу за мяжу ўпершыню ў гісторыі біржы[22]. На 2024 год завод вырабляў звыш 40 найменьняў плаўленага сыру ў брыкеце, кубку, скібках і вэнджана-каўбасным выглядзе, а таксама звыш 50 найменьняў марозіва ў вафэльных кубачках і вафэльных цукровых ражках, а таксама ў выглядзе эскімо, сэндвічаў, як і ў сямейных і буйнафасаваных пакунках[2].
Крыніцы
[рэдагаваць | рэдагаваць крыніцу]- ^ «Оршасырзавод», УП // Анлайн-энцыкляпэдыя «Беларусь у асобах і падзеях», 5 чэрвеня 2024 г. Праверана 28 ліпеня 2025 г.
- ^ а б в г д Оршасырзавод, ААТ. Аршанскі раён // Віцебская абласная бібліятэка, 28 лютага 2019 г. Праверана 28 ліпеня 2025 г.
- ^ Зьвесткі для сувязі (рас.) // УП «Воршасырзавод», 2025 г. Праверана 28 ліпеня 2025 г.
- ^ Прыём грамадзянаў (рас.) // УП «Воршасырзавод», 2025 г. Праверана 28 ліпеня 2025 г.
- ^ Плаўлены сыр (рас.) // УП «Воршасырзавод», 2025 г. Праверана 28 ліпеня 2025 г.
- ^ Плаўлены сыр «Арбіта» (рас.) // УП «Воршасырзавод», 2025 г. Праверана 28 ліпеня 2025 г.
- ^ Малаказьмяшчальны выраб «Асілкавае здароўе» (рас.) // УП «Воршасырзавод», 2025 г. Праверана 28 ліпеня 2025 г.
- ^ Плаўлены выраб «Хутаранка» (рас.) // УП «Воршасырзавод», 2025 г. Праверана 28 ліпеня 2025 г.
- ^ Плаўлены сыр у скібках «Нашая прэм'ера» (рас.) // УП «Воршасырзавод», 2025 г. Праверана 28 ліпеня 2025 г.
- ^ Плаўлены сыр «Шакалядны плюс» (рас.) // УП «Воршасырзавод», 2025 г. Праверана 28 ліпеня 2025 г.
- ^ Сыр плаўлены каўбасны вэнджаны «Да гарбаты» 30% тлустасьці (рас.) // УП «Воршасырзавод», 2025 г. Праверана 28 ліпеня 2025 г.
- ^ Марозіва (рас.) // УП «Воршасырзавод», 2025 г. Праверана 28 ліпеня 2025 г.
- ^ У вафэльных кубках (рас.) // УП «Воршасырзавод», 2025 г. Праверана 28 ліпеня 2025 г.
- ^ Эскімо (рас.) // УП «Воршасырзавод», 2025 г. Праверана 28 ліпеня 2025 г.
- ^ У цукровым ражку (рас.) // УП «Воршасырзавод», 2025 г. Праверана 28 ліпеня 2025 г.
- ^ У брыкеце на печыве (рас.) // УП «Воршасырзавод», 2025 г. Праверана 28 ліпеня 2025 г.
- ^ У папяровых кубках (рас.) // УП «Воршасырзавод», 2025 г. Праверана 28 ліпеня 2025 г.
- ^ Сямейнае ў пакетах (рас.) // УП «Воршасырзавод», 2025 г. Праверана 28 ліпеня 2025 г.
- ^ У кювэце (рас.) // УП «Воршасырзавод», 2025 г. Праверана 28 ліпеня 2025 г.
- ^ Гісторыя (рас.) // УП «Воршасырзавод», 2025 г. Праверана 28 ліпеня 2025 г.
- ^ БелТА. Каля 600 т марожанага за год выпускае УП «ОршаСырЗавод» // Полацкі раённы выканаўчы камітэт, 14 чэрвеня 2021 г. Праверана 28 ліпеня 2025 г.
- ^ Беларускае марозіва будзе экспартавацца праз электронную пляцоўку БУТБ // ААТ «Беларуская ўнівэрсальная таварная біржа», 19 жніўня 2021 г. Праверана 28 ліпеня 2025 г.
Вонкавыя спасылкі
[рэдагаваць | рэдагаваць крыніцу]- Электронныя звароты (рас.) // УП «Воршасырзавод», 2025 г. Праверана 28 ліпеня 2025 г.
 |
Гэта — накід артыкула пра Беларусь. Вы можаце дапамагчы Вікіпэдыі, пашырыўшы яго. |