Вячаслаў Віктаравіч Вярсоцкі

Вячаслаў Віктаравіч Вярсоцкі
Дата нараджэння	9 чэрвеня 1955(1955-06-09) (70 гадоў)
Месца нараджэння	Мінск, Беларуская ССР, СССР
Грамадзянства	Беларусь
Бацька	Віктар Іванавіч Вярсоцкі
Род дзейнасці	мастак
Жанр	пейзаж, нацюрморт і партрэт
Вучоба	Мінскі дзяржаўны мастацкі каледж імя А. К. Глебава
Уплыў	Альгерд Адамавіч Малішэўскі, Алег Вікенцьевіч Луцэвіч, Юрый Фёдаравіч Выхадцаў[d] і Віталь Канстанцінавіч Цвірка
Член у	Беларускі саюз мастакоў

Вячаслаў Віктаравіч Вярсоцкі (нар. 9 чэрвеня 1955, Мінск) — беларускі жывапісец.

Біяграфія

Нарадзіўся 9 чэрвеня 1955 года ў Мінску, у сям’і мастака Віктара Вярсоцкага.

У 1976 годзе скончыў Мінскае мастацкае вучылішча, дзе вучыўся ў А. Малішэўскага, А. Луцэвіча і Ю. Выхадцава. Браў урокі ў майстэрні В. Цвіркі.

З’яўляецца ўдзельнікам мастацкіх выставак з 1972 года. Член Беларускага саюза мастакоў з 1980 года.

Жыве ў Мінску.

Творчасць

Працуе пераважна ў жанры пейзажа, нацюрморта і партрэта. Сярод асноўных твораў — «Мінск. Сімфонія восені», «Вясна. Вулічка Верхняга горада», «Спрадвечнае», «Мокрыя дрэвы», «Кветкі», «На Мацея зіма пацее», «Кастрычнік», серыя «Краскі беларускіх пушчаў», «Нацюрморт з чырвонай рэдзькай», «Па дарогах Беларусі», «Мінск салютуе», «Крышталёвы вечар», «Вечар на Браслаўшчыне», партрэты «Маці», «Студэнтка».

Творы мастака захоўваюцца ў Нацыянальным мастацкім музеі Беларусі, фондах БСМ, Музеі сучаснага выяўленчага мастацтва ў Мінску, а таксама ў Літаратурным музеі М. Багдановіча.

Літаратура

• Вярсоцкі Вячаслаў Віктаравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

Спасылкі

• Вячаслаў Віктаравіч Вярсоцкі на сайце анлайн-энцыклапедыі «Беларусь у асобах і падзеях»