Гарык Вяпшкоўскі

Гарык Вяпшкоўскі
Дата нараджэння	16 студзеня 1985(1985-01-16)
Месца нараджэння	Брэст, Брэсцкая вобласць, Беларуская ССР, СССР
Дата смерці	31 сакавіка 2020(2020-03-31) (35 гадоў)
Адукацыя	Брэсцкі дзяржаўны музычны каледж імя Рыгора Шырмы
Прафесія	акцёр, кінарэжысёр, кінасцэнарыст, аператар-пастаноўшчык, мантажор
IMDb	ID 4141544

Гарык Вяпшкоўскі (16 студзеня 1985, Брэст — 31 сакавіка 2020) — беларускі акцёр, рэжысёр, сцэнарыст, аператар, мантажор.

Біяграфія

Нарадзіўся ў Брэсце 16 студзеня 1985 года. Скончыўшы Брэсцкі дзяржаўны музычны каледж імя Р. Шырмы па спецыяльнасці «Тэатральнае мастацтва. Акцёрскае мастацтва драматычнага тэатра і кіно», выступаў на сцэне мясцовага акадэмічнага тэатра драмы.

З 2005 года здымаўся ў серыялах і фільмах. Сярод яго прац — «Брэсцкая крэпасць» (2010), «Зваротны бок Месяца» (2012), «Старэйшая сястра» (2013), «Натура, якая сыходзіць» (2013), «Непадкупны» (2015), «Вакальна-крымінальны ансамбль» (2018) і інш.

У 2010 годзе акцёр з’явіўся на сцэне Рэспубліканскага тэатра беларускай драматургіі. У 2014 годзе зняў кароткаметражны фільм «Падарунак», а таксама выступіў у якасці аператара кароткаметражнага фільма «Выпрабаванне».

У 2018 годзе Г. Вяпшкоўскі прыйшоў у Беларускі дзяржаўны маладзёжны тэатр.

Раптоўна памёр у Брэсце, куды прыехаў да бацькоў, 31 сакавіка 2020 года.

Фільмаграфія

Як акцёр

• 2005 — Мужчины не плачут 2  — судмедэксперт
• 2010 — Брэсцкая крэпасць — радавы Сярогін
• 2012 — Зваротны бок Месяца — Пеця
• 2012 — Прыкмета на шчасце
• 2013 — Старэйшая сястра — Ржавы
• 2013 — Клянёмся абараняць
• 2013 — Натура, якая сыходзіць — Пецька
• 2015 — Непадкупны — рабочы фабрыкі
• 2018 — Вакальна-крымінальны ансамбль — Зотаў

Як аператар

• 2014 — Выпрабаванне

Як рэжысёр

• 2014 — Падарунак