Даніэле Банера

Даніэле Банера
Агульная інфармацыя
Нарадзіўся	31 мая 1981(1981-05-31) (44 гады) Брэшыя, правінцыя Брэшыя, Ламбардыя, Італія
Грамадзянства	Італія
Рост	183 см
Вага	74 кг
Пазіцыя	крайні абаронца
Клубная кар’ера
1999—2002 Брэшыя[d] 60 (0) 2002—2006 Парма 114 (1) 2006—2015 Мілан 152 (0) 2015—2019 Вільярэал 40 (0)
Медыяфайлы на Вікісховішчы

Даніэле Банера (італ.: Daniele Bonera; нар. 31 мая 1981 года, Брэшыя, Італія) — былы італьянскі футбаліст і ігрок нацыянальнай зборнай Італіі. Гуляў на пазіцыі абаронцы.

Кар’ера

«Брэшыя»

Выхаванец клуба «Брэшыя», дзе і пачаў прафесійную кар’еру ў 1999 годзе.

«Парма»

З 2002 па 2006 гады гуляў за «Парму», дзе стаў адным з лідараў каманды.

«Мілан»

У ліпені 2006 года падпісаў чатырохгадовы кантракт з «Міланам». У камандзе ў Серыі A дэбютаваў 17 верасня 2006 года ў матчы супраць «Пармы» (0:2). У сезоне 2006—2007 гадоў разам з «Міланам» атрымаў перамогу ў Лізе чэмпіёнаў. У чэрвені 2009 года падоўжыў кантракт з «Міланам» да 2013 года.

23 мая 2013 года, не зважаючы ўвагі на чуткі аб пераходзе ў «Ювентус», Банера падпісаў новы кантракт з «Міланам» да 30 чэрвеня 2015 года.

Міжнародная кар’ера

Даніэле мае на сваім рахунку шаснаццаць матчаў у футболцы нацыянальнай зборнай Італіі. Дэбют у складзе зборнай адбыўся 5 верасня 2001 года ў матчы супраць зборнай Марока. Банера быў уключаны ў спіс зборнай на чэмпіянат свету 2006 года ў якасці рэзервовага іграка, але пасля таго, як Джанлука Дзамброта пацвердзіў, што здольны гуляць, Даніэле быў адпраўлены дадому.

Дасягненні

Клубныя

Мілан:

• Чэмпіён Італіі: 2011
• Пераможца Лігі чэмпіёнаў: 2007
• Уладальнік Суперкубка Еўропы: 2007
• Пераможца клубнага чэмпіянату свету: 2007

Міжнародныя

Італія:

• Бронзавы прызёр Алімпійскіх гульняў: 2004

Спасылкі

• На Вікісховішчы ёсць медыяфайлы па тэме Даніэле Банера
• Профіль на афіцыйным сайце «Мілана»
• Профіль на FIFA
• Профіль на FIGC