Дзмітрый Віктаравіч Пятруша

Дзмітрый Віктаравіч Пятруша
Дзмітрый Віктаравіч Пятруша
Кіраўнік адміністрацыі Цэнтральнага раёна г. Мінска
	28 чэрвеня 2018 — 29 ліпеня 2021
Папярэднік	Ігар Іванавіч Бузоўскі
Пераемнік	Мікалай Аляксандравіч Палякоў
Нараджэнне	20 жніўня 1983 (42 гады); Віцебск, Віцебская вобласць, Беларуская ССР, СССР;
Бацька	Віктар Леанідавіч Пятруша
Адукацыя	Віцебскі дзяржаўны тэхналагічны ўніверсітэт (2006); Акадэмія кіравання пры Прэзідэнце Рэспублікі Беларусь (2012);
Месца працы	Віцебскаблгаз[d]; Белпалівагаз[d]; Адміністрацыя Цэнтральнага раёна; Керамін;
Узнагароды

Дзмітрый Віктаравіч Пятруша (нар. 20 жніўня 1983, Віцебск) — беларускі дзяржаўны дзеяч.

Біяграфія

Нарадзіўся 20 жніўня 1983 года ў Віцебску. Бацька — Віктар Леанідавіч Пятруша, працаваў намеснікам старшыні Віцебскага абласнога выканаўчага камітэта.

Скончыў у 2006 годзе Віцебскі дзяржаўны тэхналагічны ўніверсітэт. У тым жа годзе пачаў працоўную дзейнасць майстрам службы эксплуатацыі газавай гаспадаркі філіяла «Віцебскае вытворчае ўпраўленне газавай гаспадаркі» РУП «Віцебскаблгаз», у 2008—2016 гадах на кіруючых пасадах. У 2012 годзе скончыў Акадэмію кіравання пры Прэзідэнце Рэспублікі Беларусь.

З ліпеня 2016 па чэрвень 2018 працаваў намеснікам генеральнага дырэктара — начальнікам упраўлення і перспектыўнага развіцця і інвестыцый дзяржаўнага вытворчага аб’яднання па паліве і газіфікацыі «Белпалівагаз».

З 28 чэрвеня 2018 года да канца ліпеня 2021 года — кіраўнік адміністрацыі Цэнтральнага раёна г. Мінска.

29 ліпеня 2021 года прызначаны генеральным дырэктарам адкрытага акцыянернага таварыства «Керамін»^[2].

У красавіку 2024 года быў выбраны дэлегатам на Усебеларускі народны сход 7-га склікання ад Федэрацыі прафсаюзаў Беларусі^[3].

14 студзеня 2025 года прызначаны намеснікам старшыні Віцебскага абласнога выканаўчага камітэта^[4].

Унесены ў санкцыйныя спісы краін Балтыі^[5]^[6].

Узнагароды

Медаль «За працоўныя заслугі» (2020)^[7].

Крытыка

Шырокую вядомасць Дзмітрый Пятруша набыў у жніўні 2020 года. На праўладным канцэрце 6 жніўня, арганізаваным у Кіеўскім скверы Мінска з мэтай перашкодзіць перадвыбарнай кампаніі Святланы Ціханоўскай, гукарэжысёры з Мінскага дзяржаўнага палаца дзяцей і моладзі Кірыл Галанаў і Уладзіслаў Сакалоўскі незапланавана ўключылі песню Віктара Цоя «Перамен». Людзі ў скверы жыва адрэагавалі на гэта, пачаўшы апладзіраваць. Каб спыніць гучанне песні, Пятруша стаў выдзіраць шнуры з калонак. Таксама ён паклікаў міліцыю^[8]; неўзабаве гукарэжысёраў затрымалі і абвінавацілі ў дробным хуліганстве. На судзе 7 жніўня 2020 года К. Галанаў назваў хуліганствам само правядзенне названага канцэрта^[9]. Дз. Пятруша зрабіўся аб’ектам шматлікіх кпінаў, у т. л. за стаўленне да апаратуры палаца дзяцей і моладзі. У час судовага пасяджэння Ул. Сакалоўскі заявіў, што «апаратуру пашкодзілі, немагчыма было выступаць»^[10].

Палітолаг з Мінска Вольф Рубінчык у пачатку жніўня 2021 г. прывёў прыклады неналежнага выкарыстання каштоўных памяшканняў у Цэнтральным раёне. Ён крытычна ацаніў вынікі гаспадарання Дз. Пятрушы і дапусціў, што былы кіраўнік адміністрацыі нясе як мінімум маральную адказнасць за трагедыю 11-12 лістапада 2020 года, якая адбылася з Раманам Бандарэнкам на тэрыторыі Цэнтральнага раёна: адміністрацыя раёна «душыла» ўтвораную ў жніўні 2020 г. «Плошчу Перамен»^[11].

Зноскі

↑ https://vk.com/id420874490
↑ https://blr.belta.by/president/view/naznachenni-u-mjastsovaj-vertykali-mus-vnu-i-na-pradpryemstvah-padrabjaznastsi-kadravaga-dnja-u-102430-2021/ Архівавана 24 кастрычніка 2021.
↑ сегодня, СБ-Беларусь. Публикуем полный список делегатов Всебелорусского народного собрания (руск.) (нявызн.) ?. www.sb.by (19 красавіка 2024). Праверана 29 снежня 2024.
↑ Лукашенко согласовал назначения в МИД и Госстандарте (руск.). Reform.news (14 студзеня 2025).
↑ Latvia sanctions 101 more Belarus officials
↑ The sanctions of the Government of the Republic in view of the situation in Belarus
↑ Указ Прэзідэнта Рэспублікі Беларусь ад 29 снежня 2020 года № 502 «Аб узнагароджанні»
↑ Выдзіраў дрот «дыджэям Перамен». 5 фактаў пра новага кіраўніка «Кераміна» Дзмітрыя Пятрушу (нявызн.). Наша Ніва.
↑ В Минске звукооператоров, включивших «Перемен!» на провластном концерте, посадили на 10 суток за хулиганство. Один из них назвал хулиганством сам этот концерт (руск.). Meduza.
↑ Архіўная копія (нявызн.)(недаступная спасылка). Архівавана з першакрыніцы 8 жніўня 2021. Праверана 8 жніўня 2021.
↑ https://belisrael.info/?p=28622

Спасылкі

Кіраўнік адміністрацыі Пятруша Дзмітрый Віктаравіч Архівавана 23 красавіка 2019.

[_db8e827aa582df1e-1] ttps://vk.com/id420874490

[2] ttps://blr.belta.by/president/view/naznachenni-u-mjastsovaj-vertykali-mus-vnu-i-na-pradpryemstvah-padrabjaznastsi-kadravaga-dnja-u-102430-2021/ Архівавана 24 кастрычніка 2021.

[:022-3] сегодня, СБ-Беларусь. Публикуем полный список делегатов Всебелорусского народного собрания (руск.) (нявызн.) ?. www.sb.by (19 красавіка 2024). Праверана 29 снежня 2024.

[4] Лукашенко согласовал назначения в МИД и Госстандарте (руск.). Reform.news (14 студзеня 2025).

[5] Latvia sanctions 101 more Belarus officials

[6] The sanctions of the Government of the Republic in view of the situation in Belarus

[7] Указ Прэзідэнта Рэспублікі Беларусь ад 29 снежня 2020 года № 502 «Аб узнагароджанні»

[8] Выдзіраў дрот «дыджэям Перамен». 5 фактаў пра новага кіраўніка «Кераміна» Дзмітрыя Пятрушу (нявызн.). Наша Ніва.

[9] В Минске звукооператоров, включивших «Перемен!» на провластном концерте, посадили на 10 суток за хулиганство. Один из них назвал хулиганством сам этот концерт (руск.). Meduza.

[10] Архіўная копія (нявызн.)(недаступная спасылка). Архівавана з першакрыніцы 8 жніўня 2021. Праверана 8 жніўня 2021.

[11] ttps://belisrael.info/?p=28622

[1]

[2]

[3]

[4]

[5]

[6]

[7]

[8]

[9]

[10]

[11]