Дзіяна Мікалаеўна Вымаркава

Дзіяна Мікалаеўна Вымаркава
Дата нараджэння	23 лістапада 1948(1948-11-23) (76 гадоў)
Месца нараджэння	Вельск, Вельскае гарадское паселішча[d], Вельскі раён, Архангельская вобласць, РСФСР, СССР
Грамадзянства	Беларусь
Род дзейнасці	мастак-дэкаратар
Жанр	дэкаратыўна-прыкладное мастацтва і габелен
Вучоба	Маскоўскі дзяржаўны завочны педагагічны інстытут[d] (1976)
Член у	Беларускі саюз мастакоў

Дзіяна Мікалаеўна Вымаркава (нар. 23 лістапада 1948, Вельск, Архангельская вобласць, Расія) — беларуская мастачка дэкаратыўна-прыкладнога мастацтва.

Біяграфія

Нарадзілася 23 лістапада 1948 года ў Вельску Архангельскай вобласці (Расія). У 1976 годзе скончыла мастацка-графічны факультэт Маскоўскага завочнага педагагічнага інстытута. Удзельнічае ў мастацкіх выставах з 1963 года.

Персанальныя выставы ў Брэсце адбыліся ў ліпені 1993 года (музей «Выратаваныя мастацкія каштоўнасці») і ў кастрычніку 1999 года (выставачная зала камбіната «Мастацтва»).

З 1994 года з’яўляецца членам Беларускага саюза мастакоў.

Жыве і працуе ў Брэсце.

Творчасць

Дзіяна Вымаркава працуе ў галіне дэкаратыўна-прыкладнога мастацтва, габелена, прамысловай графікі, у тэхніцы ручнога ткацтва, у апошнія гады асвоіла тэхніку фелтынга. Яе вядомыя габелены: «Элегія», «Ціхая затока», «Настальгія», «Русь», «Чаромха цвіце», «Сярэднявечча», «Мінулае», «Вячэрні Талін», «Разгубленасць», «Лугі сенакосныя», «Вясковы нацюрморт», «Восень», «Трыа». Габелены брэсцкай мастачкі ўводзяць у добры і вельмі ўтульны свет. Яе ніткавыя фантазіі лучацца цёплым, спакойным святлом.

Творы мастачкі знаходзяцца ў Брэсцкім краязнаўчым музеі, музеях Кобрына, Харкава, Севастопаля, у прыватных зборах Германіі, Даніі, Швецыі, Ізраіля, ЗША і іншых краін.

Літаратура

• Вымаркава Дзіяна Мікалаеўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.