Заесьсе

Заесьсе
Краіна:	Беларусь
Насельніцтва:	▼53 чал. (2009)
Часавы пас:	UTC+3
Тэлефонны код:	+375 2133
Паштовы індэкс:	211162
Геаграфічныя каардынаты:	54°38′34″ пн. ш. 28°54′52″ у. д.
Заесьсе на мапе Беларусі Заесьсе
Галерэя здымкаў у Вікісховішчы

Зае́сьсе — вёска ў Чашніцкім раёне Віцебскай вобласьці. Уваходзіць у склад Красналуцкага сельсавету.

Гісторыя

У XVIII стагодзьдзі вёска ўваходзіла ў склад маёнтку Халопенічы ў Аршанскім павеце Вялікага Княства Літоўскага. З 1730-х гадоў знаходзілася ва ўладаньні роду Храптовічаў.

Пасьля другога падзелу Рэчы Паспалітай у 1793 годзе апынулася ў складзе Расейскай імпэрыі, у Барысаўскім павеце Менскай губэрні. У вайну 1812 году вёска і маёнтак былі разрабаваныя і разбураныя францускімі войскамі. У канцы XIX стагодзьдзя вёска належала да Валасевіцкай воласьці. У 1909 годзе тут было 67 двароў і 469 жыхароў.

Савецкая ўлада ўсталяваная ў сярэдзіне лістапада 1917 году. З канца лютага да верасьня 1918 году тэрыторыя была акупаваная нямецкімі войскамі. З 1919 году ў складзе РСФСР, з 29 жніўня 1919 году да 10 жніўня 1920 году — у Гомельскай губэрні. Зь ліпеня 1919 па ліпень 1920 году акупаваная польскімі войскамі.

З 3 сакавіка 1924 году — у складзе БССР. З 17 ліпеня 1924 году ў Халопеніцкім раёне Барысаўскай акругі, з 20 жніўня 1924 году ў Красналуцкім сельсавеце. З 9 ліпеня 1927 году ў Менскай акрузе (да 26 ліпеня 1930 году). З 8 ліпеня 1931 году ў Лепельскім, з 12 лютага 1935 году зноў у Халопеніцкім раёне. З 26 чэрвеня 1935 году ў Лепельскай акрузе. З 29 лютага 1938 году ў Менскай вобласьці. У 1940 годзе налічвалася 88 двароў і 383 жыхары.

У Вялікую Айчынную вайну, зь ліпеня 1941 году да канца чэрвеня 1944 году, вёска была акупаваная нямецка-фашыстоўскімі захопнікамі, якія зьнішчылі 5 двароў і загубілі 17 жыхароў. На франтах і ў партызанскай барацьбе загінулі і прапалі бяз вестак 32 вяскоўцы. На прымусовую працу ў Нямеччыну былі вывезеныя 9 жыхароў.

З 20 студзеня 1960 году ў Лепельскім раёне Віцебскай вобласьці, з 6 студзеня 1965 году ў Чашніцкім раёне. У 1996 годзе ў вёсцы было 66 гаспадарак і 127 жыхароў, знаходзілася ў саўгасе «Красналуцкі» (цэнтар — в. Красналукі). З 2003 году ў складзе СВК «Красналуцкае». Паводле перапісу 2009 году, у вёсцы пражывала 53 чалавекі. У 2020 годзе ў складзе КУСП «Красналуцкае».

• 
  вёска Заесьсе. Заезд з боку Гараўкі
• 
  вёска Заесьсе. хата Ліштва
• 
  вёска Заесьсе. вуліца Заесская
• 
  вёска Заесьсе. старая хата

Вядомыя асобы

• Ігар Мікалаевіч Асінскі (нар. 1949) — беларускі журналіст.

Літаратура

• Гарады і вёскі Беларусі: энцыкляпэдыя. Т. 10. Віцебская вобласьць. Кн. 5 / рэдкал.: У.У. Ванін (гал. рэд.) [і інш.]. — Мн.: БелЭн, 2021. — 760 с.: іл. ISBN 978-985-11-1278-0.

Спасылкі

Заесьсе — сховішча мультымэдыйных матэрыялаў