Заручаўе

помнік археалёгіі
Заручаўе
Краіна	Беларусь
Горад	Віцебск
Будынкі: Царква Сьвятога Духа (Віцебск)
Статус	гісторыка-культурная каштоўнасьць

Заручаўе (Заручаўская слабада) — гістарычная мясцовасьць Віцебску, на паўднёвым усходзе места, на правым беразе Дзьвіны.

Пашыралася на гістарычныя Заручаўскую, Гарбарскую, Раства-Нябарэжную і іншыя вуліцы. Назву атрымала ад Замкавага ручая, які аддзяляў слабаду ад Ніжняга замка. Заручаўскі пасад адлюстравалі на рысунку места Віцебску 1664 году.

Да 1345 году віцебскі князь Альгерд Гедзімінавіч, які стаў вялікі князем літоўскім, пабудаваў у Заручаўі праваслаўную царкву Сьвятога Духа, якая стала галоўным храмам аднайменнага жаночага манастыра ў Віцебску.

Сярод мясцовых славутасьцяў вылучаліся цэрквы Раства Хрыстова, клясыцызм XIX ст., і Ўваскрасеньня Хрыстова, віленскае барока XVIII ст., а таксама Вялікая сынагога, клясыцызм XIX ст. Усе гэтыя помнікі архітэктуры па Другой сусьветнай вайне зруйнавалі савецкія ўлады.

Літаратура

• Витебск: Энциклопедический справочник. / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — 60 000 экз. — ISBN 5-85700-004-1.

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  213В000006