Заходне-Філіпінскае мора
Заходне-Філіпінскае мора (англ.: West Philippine Sea; філ.: Kanlurang Dagat ng Pilipinas[1][2] або Karagatang Kanlurang Pilipinas[3]; скарочана — WPS) — гэта назва, якую ўрад Філіпін надаў часткам Паўднёва-Кітайскага мора, што ўваходзяць у выключную эканамічную зону краіны.
Тэрмін упершыню выкарыстоўваўся ў 1960-х гадах для абазначэння воднага прастору на ўсход ад узбярэжжа Філіпін. Пазней, у сярэдзіне 2000-х гадоў, гэтая назва была паўторна прынята Філіпінамі для абазначэння вод на захад ад краіны, што акружаюць астравы Спратлі і рыф Скарбара, у сувязі з тэрытарыяльнымі спрэчкамі з Кітайскай Народнай Рэспублікай. У 2012 годзе ўрад Філіпін афіцыйна зацвердзіў выкарыстанне назвы «Заходне-Філіпінскае мора».
Зноскі
- ↑ Senate Bill No. 405, 19th Congress (англ.). 19th Congress of the Philippines (1 ліпеня 2022). Праверана 27 жніўня 2024.
- ↑ Pnoy, naalala sa tensyon sa China (таг.). Philstar.com (25 чэрвеня 2024). Праверана 27 жніўня 2024.
- ↑ Ang West Philippine Sea: Isang Sipat(нявызн.). Department of Foreign Affairs (Philippines) (1 снежня 2014). Праверана 18 лютага 2022.