Кацярына Віктараўна Лаўрыненка

Кацярына Віктараўна Лаўрыненка
Дата нараджэння	23 лютага 1977(1977-02-23)
Месца нараджэння	Руба, Віцебскі раён, Віцебская вобласць, Беларуская ССР, СССР
Дата смерці	25 лютага 2025(2025-02-25) (48 гадоў)
Род дзейнасці	гісторык, багаслоў
Навуковая ступень	кандыдат гістарычных навук
Альма-матар	Віцебскі дзяржаўны ўніверсітэт імя П. М. Машэрава (1999)

Кацярына Віктараўна Лаўрыненка (23 лютага 1977, Руба, Віцебская вобласць — 25 лютага 2025) — беларускі гісторык і тэолаг. Кандыдат гістарычных навук (2005).

Біяграфія

Нарадзілася ў 1977 годзе ў гарадскім пасёлку Руба пад Віцебскам.

У 1999 годзе скончыла Віцебскі дзяржаўны ўніверсітэт па спецыяльнасці «Гісторыя. Беларуская мова і літаратура», у 2002 — аспірантуру Беларускага дзяржаўнага ўніверсітэта, у 2010 — магістратуру Люблінскага каталіцкага ўніверсітэта.

У 2005 годзе абараніла кандыдацкую дысертацыю на тэму «Каталіцкі Касцёл у грамадска-палітычным жыцці ПНР у 1970—1989 гадах». Аўтарка навуковых і папулярных публікацый у асноўным на тэмы, звязаныя з гісторыяй Каталіцкай царквы.

Пачынаючы з 2003 года працавала на кафедры сусветнай гісторыі і сусветнай культуры Віцебскага дзяржаўнага ўніверсітэта імя Машэрава. Звольнілася адтуль пасля падзей 2020 года. У той час яна адкрыта каментавала грамадска-палітычны крызіс у Беларусі ў прывязцы да Каталіцкай царквы.

Затым Кацярына Лаўрыненка працавала ў структурах Каталіцкай царквы, выкладала гісторыю і кананічнае права.

Памерла ў 2025 годзе.

Спасылкі

• Вучоныя Беларусі(недаступная спасылка)