Крылы Саветаў Самара

	Крылы Саветаў
Заснаваны	1942
Горад	Самара, Расея
Стадыён	«Мэталюрг»; Умяшчальнасьць: 30 251
Кіраўнік	Самарская вобласьць
Галоўны трэнэр	Ігар Асінькін[d];
Чэмпіянат	Прэм’ер-ліга
· 2024—2025	10 месца
Хатнія колеры	Выязныя колеры
	Галерэя здымкаў у Вікісховішчы; pfcks.ru (рас.)

«Крылы Саветаў» (па-расейску: Крылья Советов) — расейскі футбольны клюб з гораду Самара. Заснаваны ў 1942 годзе. Бронзавы прызэр чэмпіянату Расеі 2004 году. Да 2014 году быў адзіным немаскоўскім клюбам, які ўдзельнічаў ува ўсіх розыгрышах найвышэйшай лігі, разам з ЦСКА, «Спартаком», «Дынама» й «Лякаматывам». З улікам чэмпіянатаў СССР клюб больш за 45 сэзонаў правёў у элітных дывізіёнах расейскага футболу. Першая каманда, якая ў чэмпіянаце Расеі па футболе дасягнула мяжы ў 500 згуляных матчаў^[2]. Таксама «Крылы Саветаў» першым з расейскіх футбольных клюбаў дасягнуў адзнакі ў 600 згуляных матчаў у найвышэйшым дывізіёне расейскіх першынстваў 1 жніўня 2011 году матчам на хатнім стадыёне супраць пермскага «Амкару».

Гісторыя

1942—1990

У пачатку 1942 году старшыня цэнтральнага камітэту прафзьвязу авіяцыйнай галіны Васэрман напісаў ліст наркаму авіяпрамысловасьці Шахурыну з просьбай арганізаваць перавод у Маскву 27 былых сталічных футбалістаў, якія апынуліся ў эвакуацыі ў Молатаве й Куйбышаве. 12 красавіка намесьнік наркама Дзяменцьеў вырашыў, што было за лепшае стварыць моцную футбольную каманду ў Куйбышаве й Молатаве, не выклікаючы ў Маскву найлепшых.

Гэтак дзякуючы гэтаму лісту з працаўнікоў маскоўскіх «Завода імя Фрунзэ», «Авіяцыйнага завода № 1» імя Сталіна, варонескага «завода № 18 імя Варашылава», а таксама авіяцыйных прадпрыемстваў, эвакуяваных у Куйбышаў зь Менску й Данецку была заснавана каманда «Крылы Саветаў». Першы свой матч яна правяла ўжо 3 траўня 1942 году. 30 ліпеня 1944 году адбыўся дэбют «Крылаў Саветаў» у Кубку СССР. У матчы 1/16 фіналу «Крылы Саветаў» саступілі футбалістам маскоўскага «Лякаматыва» зь лікам 1:5.

Першую гульню на першынство СССР (2-я група) «Крылы Саветаў» правялі на куйбышаўскім стадыёне «Лякаматыў» 3 чэрвеня 1945 году супраць каманды «Тарпэда» (Горкі) і завяршылі яе ўнічыю зь лікам 1:1. Гол які стаў для «Крылаў Саветаў» першым у чэмпіянатах СССР забіў Пётар Бурмістраў. У другім матчы «Крылы Саветаў» дома атрымалі перамогу над ленінградзкім «Спартаком» 3:0, а затым перамаглі зь лікам 2:1 «Балтфлёт». Потым былі выязныя перамогі ў Новасыбірску, Чалябінску, Сьвярдлоўску й Молатаве. «Крылы Саветаў» выйшлі ў лідэры групы, а за адзін тур да заканчэньня чэмпіянату абыграўшы адэскі «Харчавік» 5:1, забясьпечылі сабе выхад у першую групу.

21 красавіка 1946 году ў Алма-Аце «Крылы Саветаў» правялі свой першы матч у найвышэйшым дывізіёне СССР і саступілі ленінградзкаму «Зэніту» зь лікам 1:2.

1991—1998

Пасьля спыненьня існаваньня СССР «Крылы Саветаў» засталіся ў найвышэйшай лізе. Самарскі клюб дэбютаваў у чэмпіянаце Расеі ў Маскве 29 сакавіка 1992 году ў матчы супраць сталічнага «Спартака» (0:5). Сваю першую перамогу ў чэмпіянаце Расеі «Крылы Саветаў» атрымалі 12 красавіка 1992 году ў хатнім матчы супраць пецярбурскага «Зэніту» зь лікам 1:0, гол забіў Аляксандар Цыганкоў. 7 верасьня 1992 году ў госьцевым матчы супраць стаўрапальскага «Дынама» «Крылы Саветаў» пацярпелі паразу зь лікам 0:2, але за ўдзел дыскваліфікаванага футбаліста ў складзе «Дынама» гаспадарам была залічана тэхнічная параза — 0:3. Гэтак была «здабыта» першая перамога «Крылаў Саветаў» на чужым полі.

Склад

Актуальны на 20 ліпеня 2025 году

№	Пазыцыя	Імя	Год нараджэньня
2	Аб	Кірыл Пячэнін	1997
3	Аб	Томас Гальдамэс	1998
4	Аб	Аляксандар Салдаценкаў (капітан)	1996
5	Аб	Домінік Ораз	2000
6	ПА	Сяргей Бабкін	2002
7	Нап	Вадзім Ракаў (ар. Лякаматыў)	2005
8	ПА	Максім Віцюгоў	1998
9	Нап	Аляксей Сутормін	1994
10	Нап	Уладзімер Хубулаў	2001
11	ПА	Амар Рахманавіч	1994
14	ПА	Міхайла Баняц	1999
15	Аб	Мікалай Расказаў	1998
17	Нап	Іван Бабёр	2006
17	Нап	Ягор Карпіцкі	2003
18	Аб	Іван Лепскі (ар. Дынама М.)	2005

№	Пазыцыя	Імя	Год нараджэньня
19	Нап	Іван Алейнікаў	1998
21	ПА	Дзьмітры Іванісеня	1994
22	ПА	Фэрнанду Кастанса	1998
24	Аб	Раман Яўгеньеў	1999
26	Нап	Джымі Марын	1997
30	Бр	Сяргей Песьякоў	1988
39	Бр	Яўген Фралоў	1988
47	Аб	Сяргей Божын	1994
65	Аб	Ільля Грыбакін	2004
73	Нап	Уладзіслаў Шытаў	2003
80	Бр	Мікіта Кокараў	2003
92	Нап	Павал Папоў	2003
—	ПА	Мікіта Першын	2002
—	ПА	Арцём Сакалоў	2003
—	Нап	Леанід Герчыкаў	2001

Галоўныя трэнэры

Віктар Новікаў (1945—1946)
Аляксандар Абрамаў (1947—1952)
Пётар Бурмістраў (1953—1954)
Вячаслаў Салаўёў (1954—1957)
Аляксандар Абрамаў (1958—1960)
Віктар Карпаў (1961—1969)
Усевалад Блінкоў (1969—1971)
Генадзь Сарычаў (1972)
Віктар Кірш (1973—1977)
Аляксандар Гулеўскі (1978)

Віктар Кірш (1979)
Альфрэд Фёдараў (1980)
Барыс Стральцоў (1981)
Генадзь Сарычаў (1981—1985)
Валяр’ян Панфілаў (1985)
Віктар Лукашэнка (1986—1988)
Віктар Анціховіч (1989—1993)
Валеры Багданаў (1994)
Анатоль Кікін (1994)
Аляксандар Авяр’янаў (1994—1998)

Аляксандар Цыганкоў (2013—2014)
Уладзімер Кухлеўскі (2014)
Франк Вэркотэрэн (2014—2016)
Вадзім Скрыпчанка (2016—2017)
Андрэй Ціханаў (2017—2018)
Уладзімер Кухлеўскі (в. а. 2018)
Міядраг Божавіч (2018—2020)
Воё Чалаў (в. а. 2019)
Андрэй Талалаеў (2020)
Ігар Асінькін (з 2020 году)

Крыніцы

Вонкавыя спасылкі

Афіцыйны сайт

[_0735451af7a05997-1] ttps://www.transfermarkt.com/krylya-sovetov-samara/mitarbeiterhistorie/verein/2696

[2] 500 матчей «Крыльев Советов» в премьер-лиге России. kc-camapa.ru

[1]

[2]