Кшыштаф Кольбергер

Кшыштаф Кольбергер
польск.: Krzysztof Kolberger
Род дзейнасці	тэатральны акцёр, кінаакцёр, тэатральны рэжысёр, кінарэжысёр, тэлеакцёр, акцёр, рэжысёр
Дата нараджэння	13 жніўня 1950(1950-08-13)[…]
Месца нараджэння	Гданьск, Гданьскае ваяводства, Польская Народная Рэспубліка
Дата смерці	7 студзеня 2011(2011-01-07)[…] (60 гадоў)
Месца смерці	Варшава, Мазавецкае ваяводства, Польшча
Месца пахавання	Старыя Павонзкі
Грамадзянства	Польшча
Жонка	Anna Romantowska[d]
Дзеці	Julia Kolberger[d]
Месца працы	National Theatre of Warsaw[d]
Альма-матар	Акадэмія тэатральнага мастацтва імя Аляксандра Зельвяровіча ў Варшаве
Узнагароды і прэміі	Gold Microphone[d] (2005) Mistrz Mowy Polskiej[d] (2006) Wielki Splendor[d] (2009) Totus Tuus Award[d] Wiktory[d] (2006)
Аўтограф
Медыяфайлы на Вікісховішчы

Кшыштаф Кольбергер (польск.: Krzysztof Kolberger), поўнае імя Кшыштаф Марэк Кольбергер (польск.: Krzysztof Marek Kolberger; 13 жніўня 1950, Гданьск — 7 студзеня 2011, Варшава) — польскі акцёр. Лаўрэат шматлікіх прэмій і дзяржаўных узнагарод.

Біяграфія

Скончыў ІХ сярэднюю школу Гданьска, якая з 21 студзеня 2015 года носіць яго імя. Працягнуў адукацыю ў Тэатральнай акадэміі імя Аляксандра Зэльверовіча ў Варшаве, якую скончыў у 1972 годзе. Пабраўся шлюбам з актрысай Ганнай Рамантоўскай, ад якой меў дачку, Юлію Кольбергер, якая таксама абрала акцёрскую кар’еру.

Кольбергер дэбютаваў на сцэне Сілезскага тэатра імя Станіслава Выспяньскага ў горадзе Катавіцы. Затым ён працягнуў кар’еру на сцэне Варшаўскага нацыянальнага тэатра, дзе адыграў галоўныя ролі ў такіх спектаклях, як Дзяды, Гісторыя Вацлава і Вяселле.

У якасці рэжысёра Кольбергер паставіў спектаклі «Кракаўцы і горцы» (на сцэнах Уроцлаўскай оперы і Вялікага тэатра ў Познані), «Лікуючая галеча» (таксама на сцэне Вялікага тэатра ў Познані), «Салдат каралевы Мадагаскара» (на сцэне Шчэцінскай оперы) і «Беласнежка і сем гномаў».

Супрацоўнічаў з Польскім радыё-тэатрам у якасці акцёра і рэжысёра. Яго запомнілі слухачы 1-й праграмы Польскага радыё, на якой ён правёў цыкл «Радкі для вас». За сваю дзейнасць на радыё ён быў узнагароджаны Польскім радыё Залатым мікрафонам і ўзнагародай «Вялікае хараство».

Па словах Кольбергера, адной з самых хвалюючых падзей у яго кар’еры, было даручэнне прачытаць на тэлевізійным канале TVN тэстамент рымскага папы Яна Паўла II падчас жалобы пасля смерці пантыфіка ў красавіку 2005 года. Акцёр таксама выступіў у ролі апавядальніка і саліста, разам з Крысцінай Ткач, Беатай Рыбоціцкай і Кшыштафам Гасцілам у «Польскай імшы» на словы Яна Твардоўскага. Ён быў адным з герояў кнігі «Знайдзі дабро» Марзаны Граф, у якой распавёў аб сваёй асабістай сустрэчы з сапраўдным дабром, уласцівым чалавеку.