Лізавета Сяргеяўна Пракопчык

Лізавета Сяргеяўна Пракопчык
Лізавета Сяргеяўна Пракопчык
Дата нараджэння	7 студзеня 1999 (26 гадоў)
Месца нараджэння	Магілёў, Магілёўская вобласць, Беларусь;
Грамадзянства	Беларусь;
Адукацыя	Мінскі дзяржаўны лінгвістычны ўніверсітэт (2020);
Член у	Каардынацыйная рада III-га склікання; Моладзевы наступ[d];
Месца працы	Інстытут палітычных даследаванняў «Палітычная сфера»;

Лізавета Сяргеяўна Пракопчык (нар. 7 студзеня 1999(1999-01-07), Магілёў) — беларуская грамадская і палітычная дзяячка. З 2025 года віцэ-спікер Каардынацыйнай рады. Лідар фракцыі «Моладзевы наступ», актывістка студэнцкага руху.

Біяграфія

Нарадзілася ў Магілёве, але праз год бацькі перавезлі сям’ю ў Пружаны. Жыла там да 17 гадоў, пасля чаго ў 2016 годзе паступіла на факультэт нямецкай мовы ў Мінскі дзяржаўны лінгвістычны ўніверсітэт і пераехала жыць у сталіцу^[2]^[3]. У 2020 годзе была выключаная з вучобы за ўдзел у пратэстным руху^[3].

12 лістапада 2020 года, падчас прыходу сілавікоў на яе афіцыную кватэру, з’ехала з краіны праз Расію ва Украіну. Ва Украіне працавала ў бары «Карма». У першы дзень поўнамаштабнага ўварвання Расіі 24 лютага 2022 года з’ехала з Украіны ў Польшчу^[2].

Працуе даследчыцай і праектнай менеджаркай у даследчым інстытуце «Палітычная сфера»^[2].

Грамадская і палітычная дзейнасць

У 2017 годзе паудзельнічала ў пратэстах «недармаедаў», з-за чаго была затрымана на 13 сутак арышту. Пасля вызвалення пазнаёмілася з Яўгенам Міхасюком і далучылася да Задзіночання беларускіх студэнтаў. У 2019 годзе падала ананімную скаргу на Аляксандра Лукашэнку. У 2020 годзе, на фоне каранавіруса, удзельнічала ў акцыі з раздачай медыцынскіх масак «Ха-ха, я тут памру»^[2].

21 мая 2025 года была абраная другім віцэ-спікерам Каардынацыйнай рады трэцяга склікання. За яе кандыдатуру прагаласаў 41 дэлегат (усяго ў галасаванні прынялі ўдзел 47 з 79 чальцоў)^[3].

Погляды

Прытрымліваецца лібертарыянскіх і анарха-капіталістычных поглядаў. Прыхільніца свабоднага рынку^[2].

Крыніцы

↑ https://nashaniva.com/343695
↑ ^а ^б ^в ^г ^д «Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык (бел.). Наша Ніва (25 мая 2025). Праверана 3 верасня 2025.
↑ ^а ^б ^в Лідар "Моладзевага наступу" Лізавета Пракопчык абраная другім віцэ-спікерам Каардынацыйнай рады (бел.). Pozirk (21 мая 2025). Праверана 3 верасня 2025.

[_81d3c58753f98078-1] ttps://nashaniva.com/343695

[:1-2] а ^б ^в ^г ^д «Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык (бел.). Наша Ніва (25 мая 2025). Праверана 3 верасня 2025.

[:0-3] а ^б ^в Лідар "Моладзевага наступу" Лізавета Пракопчык абраная другім віцэ-спікерам Каардынацыйнай рады (бел.). Pozirk (21 мая 2025). Праверана 3 верасня 2025.

[1]

[2]

[3]