Маскоўскае акадэмічнае мастацкае вучылішча
| Маскоўскае акадэмічнае мастацкае вучылішча (МАХУ) | |
|---|---|
 | |
| Ранейшыя назвы | Маскоўскі дзяржаўны тэхнікум выяўленчых мастацтваў памяці паўстання 1905 года |
| Заснавана | 1925 |
| Тып | тэхнікум[d] |
| Краіна | |
| Сайт | maxycollege.ru |
Маскоўскае акадэмічнае мастацкае вучылішча (руск.: Московское академическое художественное училище, МАХУ), раней Маскоўскае дзяржаўнае акадэмічнае мастацкае вучылішча памяці 1905 года — федэральная дзяржаўная бюджэтная прафесійная адукацыйная ўстанова, якая размешчана ў Маскве па адрасе вуліца Сушчоўскі вал, д. 73, корп. 2.
Гісторыя
[правіць | правіць зыходнік]Заснавана ў 1925 годзе як Маскоўскі дзяржаўны тэхнікум выяўленчых мастацтваў памяці паўстання 1905 года на падставе Распараджэння Маскоўскага прафесійнага аб’яднання працаўнікоў навучальных устаноў ад 22 снежня 1925 года № 49[1]. З моманту свайго заснавання ў 1925 годзе вучылішча размяшчалася ў канторскім доме пабудовы 1911 года (архітэктар У. У. Шэрвуд) на рагу вуліцы Срэценка і Рыбнікава завулка, д. 6/2.
Пастановай Прэзідыума Маскоўскага абласнога выканаўчага камітэта ад 5 красавіка 1936 года № 840 тэхнікум быў перайменаваны ў Маскоўскі дзяржаўны абласны мастацкі педагагічны тэхнікум выяўленчых мастацтваў памяці паўстання 1905 года. Але ўжо 28 верасня Загадам Маскоўскага абласнога ўпраўлення па справах мастацтваў № 52 тэхнікум быў ператвораны ў вучылішча.
Распараджэннем Урада РСФСР ад 9 сакавіка 1965 года № 630-р вучылішча было перайменавана ў Маскоўскае дзяржаўнае мастацкае вучылішча памяці 1905 года. Па ініцыятыве Міністэрства культуры РСФСР у 1966 годзе тут упершыню ў краіне пачалася падрыхтоўка мастакоў-рэстаўратараў у дзяржаўнай навучальнай установе[1].
У 1979 годзе вучылішча пераведзена ў новы будынак тыпавой школы па вуліцы Сушчоўскі Вал, дом 73, корпус 2.
Загадам Міністэрства культуры Расійскай Федэрацыі ад 1 лістапада 1995 года № 738, у сувязі з 70-летнім юбілеем і за вялікія заслугі ў развіцці мастацкай адукацыі, вучылішчу было прысвоена ганаровае званне «акадэмічнае»[2] — Маскоўскае дзяржаўнае акадэмічнае мастацкае вучылішча памяці 1905 года.
У 2000 годзе, гонар 75-годдзя вучылішча было ўзнагароджана Залатым медалём Расійскай акадэміі мастацтваў[2]. Гэта гадавіна была адзначана вялікай рэтраспектыўнай выстаўкай у зале «Новы Манеж»[3]. З 17 лютага 2016 года цяперашняя назва.
З дзейнасцю вучылішча звязаны імёны вядомых дзеячаў культуры. Яго выкладчыкамі і мастацкімі кіраўнікамі ў розныя гады былі правадзейныя члены Акадэміі мастацтваў СССР В. М. Бакшэеў і А. М. Герасімаў, член карэспандэнт Акадэміі мастацтваў СССР М. П. Крымаў, заслужаны дзеяч мастацтваў РСФСР, прафесар В. А. Шастакоў, прафесар С. І. Фралоў, дацэнт К. Ф. Марозаў, мастакі П. К. Пятровічаў, П. А. Радзімаў, заслужаныя мастакі РСФСР А. І. Саханаў, бліскучыя выкладчыкі М. М. Булгакава, Ю. Г. Сядоў, Л. І. Ніжні, А. М. Дубінчык, М. У. Дабрасердаў і многія іншыя.
Дзейнасць вучылішча
[правіць | правіць зыходнік]
Вучылішча праводзіць падрыхтоўку па аддзяленнях:
- Жывапіс (паводле відаў). Адукацыйная праграма: станковы жывапіс, тэатральна-дэкарацыйны жывапіс.
- Дызайн (паводле галін). Адукацыйная праграма: графічны дызайн, дызайн асяроддзя.
- Скульптура. Адукацыйная праграма: скульптура.
- Рэстаўрацыя. Адукацыйная праграма: рэстаўрацыя жывапісу, рэстаўрацыя графікі і тэмпернага жывапісу.
Крыніцы
[правіць | правіць зыходнік]- ↑ а б Московское Академическое Художественное училище. denkmal.moscow. Праверана 19 студзеня 2025.
- ↑ а б Московское академическое художественное училище памяти 1905 года // Журнал «Русское искусство». Архівавана з першакрыніцы 26 ліпеня 2012. Праверана 28 студзеня 2012.
- ↑ Татьяна Мартюшева, Совет от классика: «Вкалывайте, друзья!» на сайте Erfolg. Архівавана з першакрыніцы 26 студзеня 2012. Праверана 28 студзеня 2012.