Музей-кватэра Героя Савецкага Саюза Зінаіды Міхайлаўны Тусналобавай-Марчанка

Музей-кватэра Героя Савецкага Саюза З. М. Тусналобавай-Марчанка
Заснаваны	1987
Краіна	Беларусь
Месцазнаходжанне	вул. 23 гвардзейцаў, 1, 211400, Полацк, Віцебская вобласць, Рэспубліка Беларусь
Адкрыты	з 11.00 да 15.00, акрамя панядзелку

Музей-кватэра Героя Савецкага Саюза З. М. Тусналобавай-Марчанка прысвечаны ганаровай грамадзянцы Полацка, Герою Савецкага Саюза, медыцынскай сястры, якая выратавала ў гады Вялікай Айчыннай вайны многія жыцці — Зінаідзе Міхайлаўне Тусналобавай-Марчанка.

Гісторыя

Музей-кватэра З. М. Тусналобавай-Марчанка быў адкрыты ў 1987 годзе. Экспазіцыя музея размешчана ў пакоі жылога дома, дзе прайшлі апошнія гады жыцця З. М. Тусналобавай-Марчанка.

Канцэпцыя

Музей расказвае пра дзяцінства і юнацтва З. М. Тусналобавай-Марчанка, яе ўдзел у Вялікай Айчыннай вайне.

Экспазіцыя

Экспазіцыя музея налічвае 165 экспанатаў. Экспазіцыйная плошча — 15 кв.м. Экспанаты музея ўключаюць дакументы, фатаграфіі, асабістыя рэчы і ўзнагароды З. М. Тусналобавай-Марчанка. Найбольшую цікавасць уяўляе плацінавы медаль Флорэнс Найцінгейл, прысуджаецца Міжнародным Чырвоным Крыжом. З. М. Тусналобава-Марчанка — адна з трох савецкіх жанчын, узнагароджаных гэтым медалём.