Міервалдзіс Озаліньш
| Міервалдзіс Озаліньш | |
|---|---|
| Род дзейнасці | акцёр |
| Дата нараджэння | 17 сакавіка 1922 |
| Месца нараджэння | |
| Дата смерці | 8 мая 1999 (77 гадоў) |
| Месца смерці | |
| Грамадзянства | |
Міервалдзіс Озаліньш (лат.: Miervaldis Ozoliņš; 17 сакавіка 1922, Рыга — 8 мая 1999, там жа) — латвійскі акцёр. Заслужаны артыст Латвійскай ССР (1990).
Біяграфія
[правіць | правіць зыходнік]Вырас у сям’і дворніка і дзіцячай краўчыхі. Вучыўся ў Рыжскай народнай кансерваторыі (1937—1941) і ў студыі Латвійскага драматычнага ансамбля (1940—1942). Дэбютаваў на сцэне ў ролі доктара ў спектаклі Латвійскага драматычнага ансамбля паводле п’есы Генрыка Ібсена «Бранд».
У 1944—1991 гг. (з перапынкам у 1951—1956 гг.) граў у Дзяржаўным мастацкім тэатры Латвійскай ССР (Тэатр «Дайлес»). У познія гады выступаў таксама як рэжысёр — паставіўшы, у прыватнасці, важную п’есу Бруна Саўліціса «Сакавіцкія іды» (1983). Вёў шэраг перадач для дзяцей на радыё і тэлебачанні. Выкладаў акцёрскае майстэрства і мастацтва грыму ў акцёрскай студыі тэатра, а таксама ў Рыжскім харэаграфічным вучылішчы і іншых навучальных установах. У апошні раз з’явіўся на сцэне ў снежні 1997 года ў юбілейны вечар Харыя Ліепіньша, імправізаваўшы разам з юбілярам мініяцюру А. П. Чэхава.
У 1951 г. быў арыштаваны і асуджаны на 10 год лагераў па справе так званай Французскай групы. Адбываў тэрмін у Інце і Варкуце, граў на скрыпцы і выступаў з лялечнымі спектаклямі ў лагернай самадзейнасці. У 1956 г. амніставаны, па вяртанні ў Латвію паставіў некалькі спектакляў у Рыжскім тэатры лялек.
Быў жанаты з перакладчыцай Маяй Сілмалэ. Іх дачка Хелья выйшла замуж за паэта Юрыса Кунаса.
Крыніцы
[правіць | правіць зыходнік]