Надзея Прохараўна Варвановіч
Надзея Прохараўна Варвановіч |
---|
Надзея Прохараўна Варвановіч (30 лістапада (13 снежня) 1903, Гомель — 10 сакавіка 1985) — беларуская мастачка.
Біяграфія
[правіць | правіць зыходнік]Нарадзілася 30 лістапада (13 снежня) 1903 года ў Гомелі. Вучылася ў мастацкіх студыях Растова-на-Доне ў 1935—1937 гадах і пры Доме народнай творчасці ў Мінску ў 1937—1941 гадах, дзе яе настаўнікамі былі В. Волкаў і М. Дучыц[1].
Удзельнічала ў мастацкіх выставах з 1941 года. Член Беларускага саюза мастакоў з 1956 года[1].
Творчасць
[правіць | правіць зыходнік]Працавала пераважна ў станковым жывапісе, у жанрах нацюрморта, пейзажа і партрэта. Сярод асноўных твораў — «Нацюрморт з гарлачыкам», «Нацюрморт з кветкамі і ручніком», «Флёксы», «Нацюрморт з беларускай посцілкай», «Сіні лубін з ручніком», «Жоўтыя кветкі на стале», «Півоні светлыя», «Карпы і ракі», «Ружы і вінаград»; лірычныя пейзажы «Зімовы дзень», «Бераг Нарачы», «Мінскае мора», «Зімой у Крыжоўцы»; партрэты М. Дучыца, школьніцы, маці, а таксама аўтапартрэт[1].
Творы мастачкі захоўваюцца ў Нацыянальным мастацкім музеі Беларусі і ў фондах БСМ[1].
Крыніцы
[правіць | правіць зыходнік]- ↑ а б в г Варвановіч Надзея Прохараўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
Літаратура
[правіць | правіць зыходнік]- Варвановіч Надзея Прохараўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
Спасылкі
[правіць | правіць зыходнік]- Надзея Прохараўна Варвановіч на сайце анлайн-энцыклапедыі «Беларусь у асобах і падзеях»