Наталля Мікалаеўна Наважылава
| Наталля Мікалаеўна Наважылава | |
|---|---|
| Пол | жанчына |
| Нарадзілася | 1955 |
| Грамадзянства | |
| Альма-матар | |
Наталля Мікалаеўна Наважылава (нар. 1955) — вядомая беларуская спартсменка, фітнес-трэнерка і тэлевядучая. Старшыня Міжнароднай федэрацыі фітнесу Беларусі.
Біяграфія
[правіць | правіць зыходнік]Спартыўнай гімнастыкай займаецца з дзяцінства. Выступала на чэмпіянатах Савецкага Саюза. У 13 год стала кандыдатам у майстры спорту, у 16 — майстрам спорту. Скончыла БДУФК[1].
У 1992 годзе адкрыла ў Мінску першы ў Беларусі фітнес-клуб. Праз два гады адкрыла фітнес-клуб «Багіра» на Плошчы Перамогі, які існуе дагэтуль. Сярод кліентаў клуба была нават нявестка Аляксандра Лукашэнкі Лілія[2]. Таксама «Багіра» займаецца падрыхтоўкай фітнес-трэнераў.
У 1994—2001 гадах была вядучай тэлеперадачы «Урокі з Наталляй Наважылавай», якая выходзіла на беларускім тэлебачанні. Па словах Наталлі, яна не атрымоўвала грошай за гэтую працу, але перадача была добрай рэкламай для фітнес-клуба «Багіра».
Спартыўныя дасягненні
[правіць | правіць зыходнік]Майстар спорту па спартыўнай гімнастыцы, чэмпіёнка СССР.
Старшыня Міжнароднай федэрацыі фітнесу Беларусі.
Інструктар міжнароднага класа катэгорыі Elite[1].
Грамадска-палітычная дзейнасць
[правіць | правіць зыходнік]Наталля Наважылава — сяброўка грамадскага аб’яднання «Гавары праўду». Разам з іншымі сябрамі аб’яднання арганізоўвала дваровыя спартакіяды[3]
На выбарах у мясцовыя саветы дэпутатаў 2018 года была даверанай асобай Таццяны Караткевіч.
У 2019 годзе вылучалася кандыдатам у дэпутаты Палаты прадстаўнікоў па 104-й акрузе ў Мінску, аднак яе кандыдатура не была зарэгістравана.
На прэзідэнцкіх выбарах 2020 года была даверанай асобай Андрэя Дзмітрыева.
Пасля таго, як гандбольны клуб «Віцязь-Леон» пазбавілі памяшкання для трэніровак за грамадскую пазіцыю гульцоў, дазволіла праводзіць трэніроўкі ў памяшканні фітнес-клуба «Багіра»
Па словах Наталлі Наважылавай, яе 90-гадовыя бацькі прымалі ўдзел у Маршах пенсіянераў восенню 2020 года[4].
Зноскі
- ↑ а б Инна Кочеткова. Наталья Новожилова: Жалею, что не поменяла возраст в паспорте, когда предлагали. kp.ru. Комсомольская Правда (27 сакавіка 2018).
- ↑ Легендарная фітнэс-трэнерка Наталля Наважылава: «У мяне займалася нават нявестка Лукашэнкі» . Наша Ніва. Праверана 13 лютага 2025.
- ↑ «Робім разам»: «Европейские игры» в нашем дворе Архівавана 1 сакавіка 2020.
- ↑ Легендарная фітнэс-трэнерка Наталля Наважылава расказала, як расчаравалася ў Лукашэнку і прайграла Васілевіч на дэпутацкіх выбарах . Наша Ніва (14 кастрычніка 2020). Праверана 13 лютага 2025.