Наініталь

Горад
Наініталь
नैनीताल
29°23′ пн. ш. 79°27′ у. д.
Краіна	Індыя
Рэгіён	Утаракханд
Гісторыя і геаграфія
Першае згадванне	1815
Горад з	1850
Вышыня цэнтра	2084 м
Часавы пояс	Indian Standard Time[d]
Насельніцтва
Насельніцтва	48900 чалавек (2001)
Нацыянальны склад	кумаоні, тыбетцы, бенгальцы
Канфесійны склад	індуізм, будызм, хрысціянства, іслам
Афіцыйная мова	хіндзі
Лічбавыя ідэнтыфікатары
Тэлефонны код	+91–5942
Паштовы індэкс	263001
Аўтамабільны код	UK 04
nainital.nic.in (англ.)
Паказаць/схаваць карты
Наініталь
Медыяфайлы на Вікісховішчы

Наініта́ль (англ.: Nainital, хіндзі: नैनीताल) — горад у індыйскім штаце Утаракханд, адміністрацыйны цэнтр рэгіёна Кумаон. Адзін з галоўных горных курортаў на поўначы Індыі. Насельніцтва (2001 г.) — 48 тыс. чал.

Геаграфія

Наініталь размешчаны ў маляўнічай мясцовасці вакол возера Наіні, названым у гонар мясцовай багіні. Сярэдняя вышыня над узроўнем мора — 1950 м. Найвышэйшы пункт — гара Чайна (2084 м). У межах горада і вакол яго растуць горныя дажджавыя лясы, пераважна з хваёвых парод. Вакол возера і ў лясах сустракаюцца розныя віды птушак, а таксама малпы.

Клімат умераны вільготны. Сярэдняя тэмпература ліпеня — +18,6° C, студзеня — +5,2° C. У зімовыя месяцы можа паніжацца ніжэй за 0° C. Сярэднегадавая колькасць ападкаў — 1636 мм. Найбольш вільготны сезон працягваецца з чэрвеня да канца верасня. Узімку на схілах гор выпадае снег.

Гісторыя

Наініталь быў заснаваны брытанцамі ў 1815 г. як ваенная станцыя каля маляўнічага горнага возера Наіні. Дзякуючы ўмеранаму клімату ў летнія месяцы ён ператвараўся ў месца адпачынку для ваенных і чыноўнікаў, стомленых індыйскай спякотай. Папулярнасць Наініталя значна ўзрасла, калі адміністрацыйны цэнтр брытанскіх валоданняў у Паўднёвай Азіі быў перанесены з далёкай Калькуты ў Дэлі. У 1850 г. была створана гарадская адміністрацыя.

У 1947 г. Наініталь увайшоў у склад незалежнай Індыі. У 2000 г. — у склад штата Утаракханд.

Славутасці

Наініталь — буйны турыстычны цэнтр. Большасць турыстаў — жыхары самой Індыі і суседняга Непала, якія прыязджаюць адпачыць на прыродзе. Насельніцтва змешанае. Карэнныя жыхары — кумаоні — складаюць нязначную яго частку. У другой палове XX ст. з’явілася буйная тыбецкая абшчына. У горадзе дзейнічаюць індуісцкія, хрысціянскія, масонскія, будысцкія і мусульманскія храмы. Захаваліся брытанскія каланіяльныя будынкі. У горадзе працуе Кумаонскі ўніверсітэт, пры якім арганізаваны эка-пячорныя сады. Ёсць заапарк.

Наініталь — радзіма Джыма Корбета (1875—1955 гг.), легендарнага паляўнічага на тыграў, які спярша забіваў, а потым арганізаваў ахову гэтых жывёл.

Спасылкі

• Афіцыйны сайт
• Краіна туманаў(недаступная спасылка)