Ольстэр

Ольстэр
Ulaidh
Герб	Сьцяг
Агульныя зьвесткі
Краіна	Ірляндыя, Паўночная Ірляндыя
Статус	Правінцыя
Адміністрацыйны цэнтар	Бэлфаст
Найбольшы горад	Бэлфаст
Насельніцтва (2006)	1 993 918 (2-е месца)
Плошча	24 481 км² (1-е месца)
Месцазнаходжаньне Ольстэра
Мэдыя-зьвесткі
Часавы пас	UTC+0
Код ISO 3166-2	IE-U
Дадатковыя мультымэдыйныя матэрыялы

О́льстэр (па-ірляндзку: Ulaidh / Cúige Uladh, па-ангельску: Ulster) — правінцыя на поўначы Ірляндыі, аб'ядноўвае графствы Антрым, Арма, Каван, Фэрмана, Лёндандэры, Данегол, Даўн, Монахан, Тырон, разьмяшчаецца на тэрыторыі Рэспублікі Ірляндыі (3 графствы) й Паўночнай Ірляндыі (6 графстваў). Найбуйнейшы населены пункт — Бэлфаст. Насельніцтва складае 1 993 918 чалавек, сярод усіх ірляндзкіх правінцый гэта другі паказьнік паводле колькасьці насельніцтва. Асноўнай мовай зьяўляецца ангельская, другая паводле распаўсюджанасьці — ірляндзкая. Часам Ольстэрам памылкова называюць Паўночную Ірляндыю.

Гісторыя

У раньнім Сярэднявеччы правінцыяй кіравала дынастыя О’Нілаў. Пасьля нарманскага ўварваньня ў XII стагодзьдзі Ольстэр трапіў пад кантроль нарманскіх баронаў — спачатку дэ Курсі, затым — дэ Лясі. Яны стварылі тут Ольстэрскае графства. У XIX стагодзьдзі Ольстэр стаў самай заможнай і квітнеючай правінцыяй Ірляндыі, а Бэлфаст пераўзышоў сталіцу, Дублін, паводле насельніцтва. У XX стагодзьдзі Ольстэр стаў арэнай сутыкненьняў ІРА і праангельскіх ольстэрскіх юніяністаў (Асацыяцыя абароны Ольстэру, Добраахвотніцкі фронт Ольстэру).