Павел Паўлавіч Малышэвіч

Павел Паўлавіч Малышэвіч
Асабістыя звесткі
Дата нараджэння	1821
Месца нараджэння	Багон, Вердаміцкі сельсавет, Свіслацкі раён
Альма-матар	Слонімскае павятовае вучылішча[d] (1837)
Месца працы	Мінскае губернскае праўленне[d] Мінскія губернскія ведамасці
Прафесійная дзейнасць
Род дзейнасці	публіцыст, паэт
Мова твораў	польская і руская

Павел Паўлавіч Малышэвіч (1821, вёска Багон, Свіслацкі раён — ?) — публіцыст i паэт.

Біяграфія

У 1833—1837 вучыўся ў Слонімскім павятовым вучылішчы. У пачатку 50-х гадоў пераехаў у фальварак Падгор’е на Міншчыне. Працаваў у Мінскім губернскім праўленні, з 1860 рэдактар «Минских гу­бернских ведомостей» i адначасова начальнік газетнага стала. 3 1863 года міравы пасрэднік па Навагрудскім павеце. Звольнены з пасады i, паводле некаторых звестак, сасланы ў Арэнбург.

Пісаў на польскай i рускай мовах. Аўтар рамантычнай паэмы «Спеў зорцы» (на польскай мове), артыкулаў i карэспандэнцый аб грамадскакультурным жыцці Мінска. Зрабіў апісанне абразоў кафедральнага касцёла ў Мінску (1854). Адзін з першых выступіў у друку ў абарону беларускай мовы, змясціў водгук на «Гапона» i «Вечарніцы» В. Дуніна-Марцінкевіча (1855), заклікаў інтэлігенцыю Міншчыны да актыўнага вывучэння роднага краю (Минские губернские ведомости. 1860. № 27). Сябраваў i перапісваўся з У. Сыракомлем.

Літаратура

• Малышэвіч Павел Паўлавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).