Палаца-паркавы ансамбль (Нача)

Палаца-паркавы ансамбль
Сядзіба Чарноцкіх «Нача Брындзоўская»
53°02′02,69″ пн. ш. 26°26′10,57″ у. д.
Краіна	Беларусь
Вёска	Нача
Архітэктурны стыль	класіцызм
Будаўніцтва	1810—1815 гады
Статус	Гісторыка-культурная каштоўнасць Беларусі, шыфр 112Г000480
Медыяфайлы на Вікісховішчы

Сядзіба Чарноцкіх «Нача Брындзоўская» — помнік сядзібнай архітэктуры класіцызму. Пабудаваны ў 1810—1815 гг. у вёсцы Нача Ляхавіцкага раёна.

Гісторыя

Да канца XVIII ст. маёнтак знаходзіўся ва ўласнасці езуіцкага ордэна.

Сядзібай валодалі Неміровічы, Табаровічы, езуіты, Брындзы, Масальскія, Чарноцкія.

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Архітэктура

Палац у Начы (выгляд ззаду).

Мураваны аднапавярховы прамавугольны ў плане будынак стаіць на высокім цокалі і накрыты двухсхільным дахам. Высокія прамавугольныя вокны завершаныя сандрыкамі. Цэнтральная частка галоўнага фасада вылучаная манументальным шасцікалонным порцікам з трохвугольным франтонам, прарэзаным круглым акном. Да тарцоў будынку прыбудаваныя тэрасы.

Помнік рэспубліканскага значэння.

Літаратура

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

• Палаца-паркавы ансамбль (Нача) на сайце Radzima.org
• Палаца-паркавы ансамбль (Нача) на сайце Глобус Беларусі (руск.)